Epi hitajongle, Bebe hin gal lentah ajou tan ahi, ajeh chu leiset chunga club minchetah ten akichoh taovin, emajouse hi ama ading in abeitan ahi. 'Team seidinga Manchester United a kichep ding hi player jouse adinga lunggel molso nakhat ahi,' tin kum 20 a upa pain aseiye.
ìPortuguese ho Old Trafford muna lolhinna hi kei adinga kichou thou natah ding khat chu ahi. Minphah ding in Cristiano Ronaldo jong hilai muna ana kichem in chuleh ama tuhin player minchetah khat chu ahitai. Nani leh Anderson hi club a tuchan in akichem nalai lhon in ahi. Amaho tobang kahung hinom in chuleh player themtah kahung hijou nadinga hoitah a kakiha bol ding ahi,' tin Bebe in aseiye. Bebe in Vitoria Guimaraes a £7million a contract kal masa-a anei chu United in ahaisan sah-a Ferguson in tu nipi sunga sign abol athum channa chu ahi.
Hiche transfer hi kidahtah khat chu ahin, athengtah a seiding in Bebe hi CAIS hon organise abol team achu ana kichem ji ahin, hiche organisation hi Portugal Homeless World Cup Team chunga mopohna nei chu ahi.
Victoria a kal nga akichepjou in United a tuhin akichem tan, amahin former United assistant manager leh tua Portugal national team boss Carlos Queiroz akon in seiphat na lentah amu in ahi. Bebe hi Portugal third division team Estrela Amadora a ana kichep jeh in achesa lha 12 lang in chun ana kihedoh pon ahi.
Ahivang in Real Madrid chuleh Portugal a club minchetah hon ana deilhen uvin, striker pa kichep amain
vedio a ana vekha hihjongle Ferguson in ana kichoh tan ahi.
Neymar in Chelsea bid haisan ta
Rio De Janeiro, Lhajing 20: Brazilian prodigy Neymar in Santos a lo atam muding ahitan chuleh amatah in Brazilian club a ahung lhung ding kum nga sunga kakichep ding ahitai, tin vanghom ni in phondohna aneiyin ahi. Khangdong kichem themtah pahin Premier League champions Chelsea in kum nga contract adinga to million bepih ding ti chu ahaisan in, Santos joh-a 45 million ($57.76 million) euro a sign bolding in kigel lhahna anei tan ahi. 'Achaina a kigel lhahna chu player ho khut a kingam ahi. Kapa leh kain sungmite hotoh kakihou in chuleh Brazil muna kichep dan ding in gellhahna kanei uvin ahi. Kakipah in, kadei chu hiche hi ahi,' tin kum 18 upa pain news conference achun aseiye. 'Kigel lhana kanei hin kakichepna ahi eikithopi lheh dinhg ahi ajeh chu kakipah in ahi. Sum bouseh in kipana ahin polut theipoi,î tin Neymar, apa komle Santos president Luis Alvaro de Oliveira koma tou pain aseibe kit e. Neymar transfer ding chung chang thuhiBrazilmunatunaichakal sunga, seiding in Pele, Mario Zagallo chuleh Brazil coach thah Mano Menezes kihou limna chu ahin chuleh amahon Europe a matah a akichep ding hi a carrer ading in ama behseh nalaiyin ahi tin lunggel pihna anei uvin ahi.
Neymar in Brazil a kichep dan nadinga hangsan tah-a kigel lhahna anei chunga Santos' president Luis Alvaro in apahcha lheh in chuleh adang khangdong player hon European club a kichep nomna lunggel neilou'a ama nung hi ajuidingu atahsan in ahi. 'Keihon ahithei ding thil tampi kasemdoh taovin ahi. Ekhen tou loujeh uva thaneitah European club ho ngailut na phatseh-a kium jing ahi tia idea chu enop loudingu ahitai,' tin Alvaro in aseiye.
FA in England national team chunga mopohna nei jomding
FA in England national team chunga thilsoh ho gelphatna leh mopohna anei jom nalai dingu ahi.
Board meeting jou'a Club England role hi hetchenna um ahi.
Club England hi former chief executive Ian Watmore in division khat semdohna dingleh lolhinna aumtheina ding chuleh national team a boina ho chunga mopoh dinga apohdoh chu ahi.
FA's former director of communications Adrian Bevington hi managing director ading in alhengdoh uvin, lhakao governing body meeting-a Lord Triesman in atohmun akon haina aneijeh in Sir Dave Richards hi chairman hiding ahitai.
Club England chuleh FA board hon national team chung thu toh kimat-a kihou khomna aneikit nao achun
Fabio Capello athahbeh a contract sign bolnadinga gellhahna anei chung uva boina nasatah anei uvin ahi.
Alangkhat-a managers pain Club England boards hokoma thulhut anei jing in, hiche chu thilsoh jouse chung chang ahin, seichenna aneina achun, FA board in gellhahna neina dinga mopohna anei jom u hi, organisation jouse-a kibol chu ahi.
Hiche toh kitoh in, FA in Lord Triesman khel-a chairman a pang dan ding holna chu anei uvin ahi. Ellha a emergency general meeting achun, hiche dinmun hi tuchan ading in chamlhat in akoi uvin, candidates koi tobang koi tobang hiche tohmun alo masanga chamlhat tah-a football lam'a lha 12 tobang kipihlutna neilou chu hiche tohmun akon kiladoh ding ahi.
Organisation a mopohna neiding ho holna chu aneipan taovin chuleh EGM joutengle apet pet-a tohdohna anei dingu, Kumkit akipat tengle chairman thah aneitah ding uvin ginchat aum in ahi.
Reds in natoh ding anei nalaiyin ahi: Hodgson
Liverpool manager Roy Hodgson in aseina achun, Trabzonspor te home a 1-0 a kajo utoh lhon in kal kit
tengle kichou thouna dinga Turkey muna kichepna neidinga kiche dingu ahi ati. Anfield muna Europa League first legs play-off a Reds te in Turkish Cup winners te 1-0 a ajonao goal khat chu Ryan Babel in akhum ahi.
Hiche jona anei uhin Turkey muna kholjinna anei tengule phatah akithopi ding uvin tahsan aum in, Joe Cole
in second-half penalty ana mu in ahinla debutant Christian Poulsen in goal chu asang pon ahi.
'Second-half a ka performance u-chu keiho adinga vangsetna khat dan in kagel in ahi,' tin Hodgson, misagi kikhelsah chuleh captain Steven Gerrard kichol ngah sah pain aseiye.
'Goal aban khumthei mong ding in kaum uvin, hiche chu Turkey muna kholjinna kanei tengule nasatah a eiki thopi thei uchu ahikit e. Tuahi neokhat hahsa ding ahitai. Penalty nalhaso a ahile koima nadem theilou ding ahin ahivang in nangma nakidem thei ahi, ahinla goal alut lou chu keiho vangset dan in kagel in ahi. Akichepdan uleh result chunga kalung alhei in, adih in second half achun kalung alheidih set in ahi,' tin Hodgson in aseiye.
Pathen nia Arsenal tetoh akichep chung uva anakidal doh chuleh vahchan nia ajom kit jeh in former Chelsea midfielder, Cole hi kal sunga chun ana kichem jom tapon ahi.
Sempat nia Barclay Premier League adinga Manchester City muna khol jinna anei nading uva pet ahi ama domestic suspension kibolna chu kipan ding ahi. Penalty alhaso jou in Cole in demna gangtah in ana mu in
ahi.
Penalty achaina penna napeh chu itih ham tia thudoh, Cole in ITV1a aseina achun: 'Kum 13 tobanga ka upat lai chu ahin, kakhum in ahi ati. ìTujan penalty chu ahoilou tah ahi. Peh louding in kagel in ahivang in nopthap a koi theilou khat chu ahi. Penalty hoilou tah ahin ahivang in 1-0 a kajo jeh uvin hiche akon apha lamtah a kagel thei u khat chu ahitai,î tin aseibe kit e. Liverpool a athahbeh a play maker role a akichep chunga thudoh adonbutna a, Cole in asei chu: ìanom lheh in chuleh hiche mun hi kakitopi lheh in ahi ati.
'Hiche hi kanatoh ding mong chu ahin, goals semding, chuleh tunilhah a Ryan adinga kasem pih chu nom kasah lheh in ahi. Ama hi kichem themtah player khat ahi. Hilai muna phat kaman hi nom kasa lheh in, hoitah in kichep patna kaneiyin ahi,' tin Cole in aseiye.
