Ipi dinga eihon igam uva Patta inei khoh u ham? Tua MDC hon hiche patta ho hi achopkhom uva patta kadei
pouve atiuva akha chah kheh uva haosa hon agam u akihuh chah kheh u leh koiham igam uva hunglut ding'atin ahi.
Pu Lamkholen Kipgen MDC pu in ahoulimna a kum 21 sung MDC ana umtah lou sunga hin phat khatkhat leh govt. a kon MDC election umding ahitai ti ana kija jin, hinlah atah ana soh thei pon, ahin tuchungin jong ana kitah san lou nung hijong leh ahung umdoh jenghi Hill Area Chairman pu chung ah kipa thu kasei ye' ati, Aman aseibe na ah, Hill Area Chairman pun hitobang MDC election umdoh na dinga Naga lamkai ho toh phat tamtah vei kihouna ana nei un, chujou vin, Kuki Inpi KSO leh kijah topi thei hocheng toh kihoutoh ahi nunga Election dinghi phatsah na ana umin ahi, ati.
PIK President Pu Manggin Kipgen'in Pu Lamkholen MDC kaidoh kipapi nan PIK minin Pon asilpeh in tilkhouna leh pachatna bana kineppi na thu tamtah in houlimna anei jin ahi. Hiche kina chun Ng. Hoibem in Pathen vahchoi la vel tamtah anasan Pu Jamchon V/president PIK in Kipa thusei na anei to lhon in Rev. Lalsat Kipgen pastor EBCCF, Sapormeina in Pathen henga kinchaina ding leh Ankong sokhom nadin taona amangin, Pu Lamkholen Kipgen MDC kipapi na ankong ana
sohkhom un ahi.
CCPur hopsunga mi 9 in Prelims jihdoh
CCPur, Lhajing. 20: Union Publice Service Commission (UPSC) themvet na a Pachanna changho lah in thinglhang mi -9 CCPur a patsan ajao uvin ahi. Amaho minchu ahile S. Thangzasuon, Paokhanmoung Guite, Haolenlal Guite, Boipu, Lalsemdik, Stephenlun, Thari, Haoboi, leh Sianzanem Khongsai ahiuve ahi.
Sumtoh lhehding’a um 1 kihuhdoh
CCPur, Lhajing. 20: Achesa Lhamul nisim 25, 2010 nikho jinglam nidan 9:25 chun Pu Hemsei Haokip L. Simol kho'a cheng chu Md. Khuman of Hafta Imphal East le Md. Allaudin of Kwakta Churachandpur tenin dangka Lakh khat Demand ana neilhon in apeh lou phat chun ana puimang uvin Laikoiching Sadar hills mun'a Naga thingnoi ho kom'a akoi lhon in ahi. Chujouchun dangka Lakh 1 nahin choilou ule amel nanung mulou diu ahi ati phat uchun ainnsung mihon asim pih nadiu mun akihouto jou in Lhajing nisim 18 jingkah nidan 10:00 chun Imphal Police Commando hotoh kitho khom in akitepna mun ajon tauvin ahi. Akitep namun uvachun Md.Tajudin, Imphal East hopsunga chengchu amudoh un amapa thudoh neijouvin miman hotoh Police hon abon uvin aman uvin ahi.
Police hon Pu Hemsei Haokip chu thudohna anei jou uvin Churachandpur police hokom ah apedoh uvin
Imphal a pat in achenna inn L. Semol khomun ah athahlut tauvin ahi.
Governors’Award dinga thinglhang mikhat jao
Lamka, Lhajing. 20: Ahung lhungding Lhalam nisim 10 2010jingkahnidan11:00tengle Asha Jina Complex Imphal muna Manipur Governors' Award le R.K Sanatombi Devi Award 2010 hop doh na um ding ahi.
Hiche Award muding hochu ahile Mr. Kamneng Songdo Village Churachandpur District, Md. Basir Ahnud Mayang Begoon Imphal West, le Mrs. Lourembam Nungsi Devi Irengban Mayai Leikai Thoubal District ho ahiuve. Amaho chenghi Traffice Police ngen ahi uvin ahi.
Block Level Literacy Competition um
CCPur, Lhajing. 20: D.I Henglep gon na noichun Tuilaphai Vumhao Govt Jr. H/S Henglep Sub-division
munía Qualiflying Block Level Literacy Competition ana umin ahi. Hiche kin-gon ahin Pu T. Manga Vaiphei
MLA Chairman MTDC Jingun in apang in ahi. nisim 21 nikho leh Pu Manga hin Tuibuong muna Agape Musium vetlhahna anei ding chujoule Lingsiphai khomun'a Cassette hondoh na kin'a Jingun a pang ding ahi danjong CCpur Police hoa konin thulhut akimun ahi.
Hospital muna meivah kitup tading
Lamka, Lhajing. 20: Manipur state sunga district khenkhat hoa kolphe meivah kitup loujeh in government
office phabep aboina keu hilouvin hospital changei injong aboiphan ahi.
Hichetoh kilhonchun Power Minister, T. Phungzathang in Lamka khopi a hospital muna meivah kituptah a aum
nadingin thupeh aneiyin ahi. hichun electric department hon electric fedder phabep pi hospital sunga lhunding in
abolpan tauvin ahi. hospital muna hi IB/Tipaimukh fedder line lutsah ahin aban a hi singngat fedder jong lhunglut din toh-gon aum e.
