Byrnihat a patsa Mawdiangdiang chan Rail lungding
Shillong, Lhajing 05: Meghalaya State Cabinet in Lhajing nisim 5 nichun Byrnihat leh Mawdiangdiang kikah a rail lampi semding aphatsah tauvin ahi ti thulhut akimun ahi. Meghalaya Transport department in Railway project Byrnihat leh Mawdiangdiang kaimat toding tia proposal apeh uchu State Cabinet in aphatsah tauve. Tua financial year 2010-2011 in ahop sunga jonghi rail lampi in Azra leh Byrnihat ajopmat nadia Meghalaya sorkarin budget jong akoidohsa ahitai. AzraByrnihat rail lampi hi asaudan hi kilometer 30 tobang ahin chuleh kipa umtah chun India Parliament injong hiche rail lampi hi National level project dinmun a akoi ahi.
Meghalaya Chief Minister Pu Sangma in thuso miteheng achun hiche Rail lampi project hi State Cabinet in akiphatsah tan aban a hi hiche lampi semna dia fund apoimo jeh in a project hi state cabinet in Ministry of Railway ho koma kipelut ding ahi ana tin ahi. Tumasang Kum 2007-2008 chun Azra-Byrnihat railway line sahdohna dia Ministry of Railways in dangka Rs. 1 crore ana sanctioned ahitai tinjong thulhut na aneiyin ahi. Hiche lampi hi chomloukah sunga State capital Shillong toh kisutoding ahi tia sorkar in lungel leh tohgon asem jong phondohna anei pai paiyin ahi.
Hiche project hi Northeast gamkai a umhodia kithangat nathei ahi. Hiche rail lampi in Shillong ajotpa nadingin dangka Rs.200 crore tobang state in kingaichat beding ahi tin thuso mite hengah seiphong
na ana neiyin ahi.
Assam muna kikap tona a NDFB(d) thingnoimi 3 thi uvin ahi.
Tezpur (Assam), Lhajing 5 (PTI) : Tunin Assam muna kikaptona acun NDFB(D) thingnoimi mi 3 athi in chuleh camp u hiding ginmo jong chu mudoh in aum in ahi. Arunachal Pradesh thingnoi lah leh Sonitpur district muna police hotoh akikapto sung uva National Democratic Front of Bodoland (Ranjan Daimary) thingnoi hohi thi ahiuve tin, thulhut chun aseiye.
Udalguri distric, Akhabari munlah a Army hotoh akikap tonauva NDFB thingnoimi khat athi be kit in ahi. AK-47 rifle, pistol, apohkeh thei chuleh document ho akimudoh in ahi tin, amahon ase Army Red Horns division hon operation abol sung uva, NDFB thingnoi mikhat akap lih uvin chuleh hiche thingnoimi ho camp hidinga ginmo khat Sonitpur district, Mazbat, Assam-Arunachal Pradesh kigom gena mun'a amudoh uve tin, defence akon thulhut chun aseiye. Akithat thingnoimi 3 chu tuchan in hetdoh ahinaipi tin, thulhut chun aseibe kit e.
Hiche toh kitoh in, NDFB thingnoi mini, Saroda Basumatary leh Amit Basumatary in Sonitpur district, Rangapara police hokoma pistol leh achang pum in Surrender ana kibol lhon in ahi.
Opposition lamkai pan Tripura a OBC reservation ngehna nei
Agartala, Lhajing 5: Tripura a vaihom Left Front sorkar in backward classes ho agel khoh poi tin
opposition Congress in demna aneiyin ahi. OBC ho dinga reservation atum beh-a aum na dinga sessionaum kit teng bill khat pohdoh angaiye tin aseiye.
Achesa 1993 election ana um'a chu Left Front hon manifesto a ananei u ahin chuleh 2005 kum in state sorkar in bill pohdoh din ana ngaito in hinla tuchan geiyin akitep na bangin aumpoi tin opposition lamkai Ratan Lal Nath in demna aneiyin ahi.
Nath in aseibe na a OBC ho dinga reservation hi state assembly toukhomna aum kit teng leh bill khat pohdoh ding ahi tin aseiye. State a OBC population hi 24.48 percent ahn hijeh a chu themjilna leh natoh kiholna ahi reservation peh angaiye ati. Nath sei dung juiyin state ahi Scheduled Castes 17 percent, Muslims 8 percent, chuleh OBC 24.48 percent aum'e ati. Hiche jeh-a chu apet pet a Muslims ho leh OBC ho dinga reservation hi ngai khoh ahi Tripura ahin 31 percent hi tribal ho ding reservation um ahin chuleh scheduled castes ho 17 percent reservation um ahi.
