Swimming governing body FINA te chun Ryan chunga ban kibol na thu hi vanghomni chun phondoh na aneiuvin ahi. Ryan hin Phallha nisim 16 a het khel'a lou chu ananeh khah jeh'a test akibol pet'a chu positive ahi tia hetna aum'a gel them pehía aum vangin amahi ban bol'in aum thou thouvin ahi. Napoleon chun, three-months dopin ban'a aum a Commonwealth Games a pat akinodoh ahilou leh akipan sah louhin kahin kho asuse in asugam lheh-e tin aseiyin ahi.
Napoleon hi kum masa Ellha (Oct) chun Delhi gam'a Commonweath Games a pang thei dingin 400m le 1500m freestyle a chun qualified ana hi-in ahi tin the Sydney Morning Herald thulhut chun anaseiyin ahi. Swimming Australia (SA) te chun, Napolean kum 29 a tah tuijep mipahin asthma medication Pulmicort hi ahin kho tam johi kijen na-a anehjing mong ahi tin asei uvin, ahinla tuchung hin pharmacist hon Pulmicort inhaler hi ban anabol uvin ahi. Adih tah-a hiche lou hi Symbicort ahin chuleh hiche lah-a hi formoterol jong pang ahi tin asei uvin ahi.
'Hitia hetkhel jeh a FINA ten hena sasa-a gotna eipeh uhi nom kasa poi. Hiche hi kei dinga gel lhah satah thil khat ahi' tin Napolean chun aseiyin ahi.
Mexico in friendly match a ding’a Hernandez kou doh
MEXICO, Lhajing 26(AP): Interim Mexico coach Efrain Flores in kal kit phat leh Ecuador leh Colombia hotoh friendly match kichep nading'in Manchester United striker Javier Hernandez akouvin ahi.
Vahchanni chun Hernandez hi Giovani Dos Santos (Tottenham) leh Arsenal's Carlos Vela hochu akichem khom dingía ana kilhendoh u ahitai.
Mexico leh Ecuador hi ahung lhung ding Lhalam 4 teng Guadalajara mun'a kichem diu chujou teng leh Colombia hotoh Lhalam 7 leh Monterrey mun'a kichem ding ahi. Tuchung World Cup a Mexico in Argentina
khutna lelna ana neijouva pat chun Javier Aguirre in coach hina akon anahai tai. Hijeh achu Flores in friendly match teni ahi Mexico team amakai ding ahi. Mexican Football Federation board hon Ellha teng leh Mexico coach ding alhendoh diu ahi.
Squad:
Goalkeepers: Guillermo Ochoa (America), Jesus Corona (Cruz Azul)
Defenders: Carlos Salcido (PSV Eindhoven), Francisco Rodriguez (PSV Eindhoven), Hector Moreno (Az Alkmaar), Edgar Duenas (Toluca), Jorge Torres (Tigres), Leobardo Lopez (Pachuca)
Midfielders: Andres Guardado (La Coruna), Gerardo Torrado (Cruz Azul), Rafael Marquez (NY Red Bulls), Antonio Rios (Toluca), Pablo Barrera (West Ham), Efrain Juarez (Celtic)
Forwards: Carlos Vela (Arsenal), Elias Hernandez (Morelia), Enrique Esqueda (America), Javier Orozco
(Cruz Azul), Javier Hernandez (Manchester United), Giovani Dos Santos (Tottenham).
I-League , East Bengal New signing Aseem in Tittle lah nading kigon nanei
Aseem Koraliyadan chu Mahindra United apat in amaho toh season pha bep ana kichem hoi hihjong leh East Bengal a transfer ahi tan ahi. Keralaite mipa hi India gam sunga dinga club thupi le lenpen East Bengal kichem thei dinga aum hi akipah lheh in ahi. Chujong leh amahin Mahindra United ten Club suhmang jeng ding agelíu
chungah nom mo asahna thujong aseiyin ahi.
'Kolkata a kichep ding hi masanga pat kalunggel leh Kalung tup pipen khat ahi. Koi club hijong leh player jouse hin nikhat leh East Bengal jersey ah ding hi kitup soh kei ahi. Koima cha atha nomlou aumpoi. Chuleh Kavang phatna khat tah chun hiche kalung tup chu agui lhung in ahi. Mumbai FC a kapan masang in Goa Club ah Kum 3 Kana kichem in, Vasco ah kum khat kana kichem in chuleh Salgaocar ah season 2 Kana kichem'in chomkhat jouvin Mahindra United ah kana kichem'in ahi. Tua hiche club aumtah louhi lunghem aum'in anom molheh in ahi' tin Aseem chun aseiyin ahi.
Aseem hi club dang Viva Kerala, Air India, ONGC le HAL Bangalore hon sign bol dig offer nei jong uleh hiche midfielder pahin amaho kouna hojouse hi adalha in East Bengal red and gold club hi lung lhaisel leh thanom tah in ajoníin ahi. 'Bhaichung Bhutia toh kichep khom'a title ho laha chuleh kenjong Kolkata a min semding hi kagel thupi leh katup le doh lenpen ahi' tin Aseem chun aseibe in ahi.
