amin kivo nai lou ahi louleh amin kiphut nailou James Bond film a 23 chan lhinna film hi Producer hon 2011 ahilouleh 2011 ahi louleh 2012 kum'a release bol dinga ana gel'u ahin hinla Daniel Craig in 007 agent ahi na-a a thum chan na-a atho' James Bond' film hi MGM studio te khonung dinmun akisuh louleh het chen ahilou jeh in suh tang in ana um'in ahi. Ahin Buckinghamshires England a um Pinewood Studio, "James Bond" film'a indoor scene tamjo kikap namun'a boss hohin news leh thusoh dunga "James Bond" film soh talou ding ahi. Ahilouleh hiche film hi umtalou ding ahi tia kisei hohi suhmang ding tohgon anei uve tin contactmusic thulhut chun aseiyin ahi. 'Tukeo hilouva khonung le jong Bond film adang umding ahiî tin Chief executive Ivan Dunleavy chun aseiyin ahi. MGM tehin USD 3.7 billion bat anei uvin akiseiyin ahi. Chuleh tupet ding hin film ni kikaha gap kum 6 aum hi alenpen ahitan ahi.
Heidi Montag in plastic surgery abol kisih
pop icon Micheal Jackson toh kaki loding ahi. Ahilouleh amatoh kabah ding ahi tin akichat na aseiyin ahi. Reality TV star Montag hin amasapen dingin 2009 kum'a plastic surgery makeover anei na chunga hin akisih na aseiyin ahi. Hiche plastic surgery abol chun amahin nikhat in atah sa chung mun som lang semphatna aneiye tin Life & Style magazine thulhut chun aseiyin ahi.
Amanu hin aseina-ah, tu sotlouva car accident a thi surgeon Frank Ryan surgery eibol peh nahohi tuchan in hoitah in adamtheng naipoi phate-a adam nading avat thim nalaiye tin aseiyin ahi. Chuleh thil khat hi igin chat sangin hatah in adam hah lheh-e tin jong aseiyin ahi. 'Kum masa phallha (Nov) apat in niseh in pung kal 24 sung tobang kanah hin tape in katom jing'e. Hiche tape hin anat naho a oldom saha chuleh kanah hi Dr Ryan in asem banga atuh det ahi' tin Montag hin aseiyin chuleh amahin 'Micheal Jackson'a banga kanah akheh lhah ding kanompoi chuleh kadei poi' tin aseibe in ahi. Chujong leh Montag in breast implant akibol nachunga hin hatah in kisih na aneiyin chuleh hiche athah beh-a lah hin katahsa chung hatah in asuboi lheh in ahi. Katahsa hin ka ang hi ahithei pipon ahi. Achom chom dan in um'in kagenthei lheh in ahi. Chuleh hiche plastic surgery kaki bolna chunga hin lung hilouna len tah kaneiyin aih' tin aseibe in ahi.
Timberlake in kihui lha nadinga thing In 1 sa
Los Angeles, Lhajing 26 (PTI) : Popstar Justin Timberlake chun ahon sunga aloiho toh umkhom nading ahilouleh phat ong aneiphat leh kihui lha nading in thing In (tree house) khat asa in ahi.
'Sexy Back' singer Timberlake hin a Los Angeles In mun a gam ong lai mun khat'a chun, aloi ho toh kichol do naleh kihui lha na mun'a man dingin thing In lentah khat sah ding tohgon aneiye tin National Enquirer thulhut chun aseiyin ahi.
'Justin Timberlake hi pilhing hitajong leh alung thim le athil dei hohi chapang cha ahina laiyin ahi. Amahin chapang thil hohi tuchan adalha joupon ahi. Dalhah la mah tun jong Los Angeles In mun honsung ah aloi hotoh card kichep a nomtah a um nadingin thing In len tah khat asah sahíeî tin thulhut khat chun aseiyin ahi.
'Kum 29 a tah pop hearthrob Timberlake hin adongmanu Jessica Biel ngei jong hiche a In sah thah-a hin lut dingin aphal pon ahi. Chujong leh Timberlake hin a thing In sah a chun sign khat 'Numei ho lut phat ahipoiî kiti atah e' tin thulhut chun aseibe in ahi.
2002 kumía Mulholand Drive back mun'a 5 milion pound lut In mun lentah achoh jouva kipat hin Justin Timberlake hin hiche In mun'a hin basket ball court khat jong asem in chuleh tu naicha chun agolf skill nei hi master abol thei nadingin five-hole putting green court khat jong akisem in ahi tin thulhut chun aseibe kitíin ahi.
Britney Spears in anaonu toh double wedding neiding tohgon nei
Los Angeles, Lhajing 26 (PTI) : Popstar Britney Spears le anaonu Jamie Lynn Spears hin nikhat a double wedding neiding tohgon lunggel anei lhon'e tin aki seiyin ahi. Kum 28 a tah singer Britney hin akingaipi adongmapa Jason Trawick toh hin kichen ding anom'in chuleh anaonu Jamie hin khatvei akingai pi chuleh khatvei akikhenpi adongmapa Casey Aldridge hi akichen pinom'e tin OK! Magazine thulhut chun aseiyin ahi. Britney in hiche alunggel hi anaonu toh tu lha Lady Gaga music concert ve-a ache lhonía chu anaonu kom'a hi asei ahi tin thulhut khat chun aseiyin ahi.
'Britney hin hiche double wededing thu hi anaonu kom'a tot nadan'a anasei ahin hinla amani ucha hi California kho jonía ahung kile lhon hin hiche thu hi ahin sei lhung kei lhon in ahi. Chuleh atah-a bol doh dingin jong
tohgon anei lhoníeî tin thulhut khat chun aseiyin ahi. 'Amani ucha hin hiche thu hi niseh in akimuto seh lhon leh aseijing lhon'in, hiche nikho leh bolding ahilouleh toh dingho chunga seikhomna aneilhon'in hiti hin kibol leh thupi inte in aselhon'e tin thulhut chun aseibe in ahi. 'Toxic' hitmaker nuhin Jason Alexander le Kevin Federline, cha pasalni Sean Preston kum 4 le Jayden jame kum 3 anei khom pipa tohin anakichen masang in nivei ji ananeiyin Anaonu Jamie Lynn hin kum 2 tah chanu Maddie Casey toh aneisa ahi tan ahi.
