Mayawati in hiche project hi Lhakao 2011 masaga chai ding akinem in ahi. Hichu 2012 Assembly election masanga chai tei ding angaito ahi. Chuleh hiche tohgon hi aman election a vote holna a aman kigot ahi atiuve.
Hinla hiche project hi dei bangin amachal thei poi. Hiche project noiya gam leiset lah na ding leh akiphin poi. Hiche project noiya gam leiset lahna ding leh akiphin ding tam tah aum jingin ahi. Hiche expressway hin district 6 Gautam Budh Nagar, Mahamaya Nagar, Bulandshahr, Aligarh, Mathura leh Agra ho ajotpa soh kei ding ahi. Hiche tailouvin jong UP sorkar in expressway 9 semdoh ding tohgon aneiyin hichu PPP model a chelha ding ahi. Ganga Expressway chu 1, 047 km a sao Greater Noida apat Balhia chan hiding ahin 2012 teng chai dinga tohgon um ahi.
Kashmir Phaicham a akiphin ho sorkar in kihoupi ding som
New Delhi, Lhajing 25 : Sorkar in tunia aseina a Kashmir valley a akiphin ho toh kijah mat na nei a cham
na aumthei na dinga kihou khom ding kinep aum'e ati. Central sorkar in Jammu and Kashmir gam'a mipi jouse, political party ho leh kiloikhomna chom chom ho kihou pi ding akinom'e tin Home Minister P
Chidambaram in aseiye. Hiche thu hi police luboh ho ni 2 conference aumna khat a aseidoh ahi. Home Minister in aseina a state leh central sorkar in boina hi asuthip joupon aphat she in songa kise aum jing in mi jong athi atam cheh cheh e ati. Hinla hitobang dinmun a um security forces hon nasataha lethuhna aum louna dinga pan alah diuvin thupeh akineiye ati.
Kashmir a chamna aum hih laiye hinla nikho phabep sunga hi machalna khat ahung um ding kakinem e. Kihouna umthei hen lang hileh chamna hi um jeng thei ding ahi tin P Chidambaram in aseiye. Aman aseibe na a
achesa 2005 apat chun boina alhom lheh jengin law and order dinmun jong ahoi lheh jeng tan ahi. Hinla Lhadou apat chun boina ahung umdoh kit in vangset aum lheh e ati. Home Minister in aseina a tukum sunga din 4.57 lakh yatris hon Amarnath Yatra ache tauvin hichu ningkum in mi 3.92 lakh bou anache doh in ahi. Tuchan in 516, 970 tourist hon Jammu and Kashmir agavil un hichu ningkum sungin mihem 355, 960 bou ana hi e ati.
NCB hon foreigners mi 8 man, kham nathei tampi jong mandoh
Mumbai, Lhajing 25 : Narcotics Control Bureau hon tuni chun mi 8 aman un amaho lah-a mi 6 chu Iranian ahiuve, Dutch mi 1 leh Indian mi 1 ahiuve. Amaho hi factory mun 2 alonkhum nauva amat doh u ahin chuleh khamna thei lou dangka 25 crore jong aman doh un ahi. NCB officials hon aseina a thuguh akijah phat a Thane a um factory 2 chu kholchilna kinei ahi atiuve. Kham nathei kiman lah-a Metham phetamine 8.5 kg, Ephedrine 60 kg, Amphetamine 8kg, Ephedrine powder 630 kg hichu PVC resin powder toh kihal ahi. Akiman ho chu Iranian mi 6, Indian mi 1, Colombian mi 1 ahiuve tin NCB thulhut kimu chun aseiye. Tuchunga psychotropic leh Chemicals kham nathei kiman doh hi gam sunga dinga atam napen ahi nalaiye. Hiche thil kiman ho chu dangka 25.55 crore man ahi tin NCB thulhut chun aseiye.
Mumbai varsity in dangka 100 crore kithopina mu ding
Mumbai, Lhajing 25 : University of Mumbai chun convention centre leh School of Philosophy insong sahdoh na dinga dangka 100 crore kithopina amu ding ahitai. Hiche sum hi angaichat khoh lai tah a ASK Group a founder leh Chairman Asit Koticha in kithopina hi apeh kigot ahi. ASK group hi financial services leh investment Group khat ahi. University in angaichat dung juiya convention centre leh school of philosophy hi sahdoh tei ding angaito u ahi.
Vice Chancellor Rajan Welukar in aseina a convention centre lehschool of philosophy sahdoh na dinga dangka 100 crore kithopina hi ngaichat pet tah-a kimu ahin kipa aum lheh e, hiche kithopina jal'a university a thil tampi semdohna a pang ding ahi ati.
Kum 52 a upa Koticha in aseina a University leh Mumbai khopi in angaichat dung juiya kithopina chu kinei ding ahi tin thuso miho kom'a aseiye. Koticha chu masanga podar college a anakai ahin University of Mumbai a affiliation amu ahi. Aman aseina a hiche kithopina hi company a corporate social reponsibility (CSR) noiya
kibol ahi ati.
