Dana chunga lainatpi naleh kingailutna vetsah nah a kiphaldoh thil hochu Kangpokpi Womens' Welfare Organisation (KWWO) meeting hall mun ah nisim 31 Lhaphul nichun nidan 3:30 vel in Additional Deputy Commissioner, Kangpokpi, O/C, P.S. Kangpokpi, Post Commander 36 AR KPI Post chule Kangpokpi Town sunga Haosa Upa ho masang in vangset toh hochu kithopina thilpeh abol peh uvin ahi. Chuban in hitobang kithopina kin-gon jongchu achesa Lhajing nisim 2 nikhoa jong ana kineiye, hiche nikhoa chu Pu Thangminlen Kipgen circle MLA le adanghon kithopina ahin nei uchu KTC Chairman Pu Lalsat Haokip makaina noiya kimangcha ahi tinjong thuphon achun ahin seiye.
Paisa a kithopina kimu hochu ahile; Dukan mahajon hon dangka 34,000. KPI Bus owners hon 5,000. Shri Rupachandra Singh ADC, KPI in dangka 8,500. KPI muna Business bolhon dangka 21,500. KPI Ward No. 1 a patsa 15 chan in dangka 11, 825 ahi. Thildang a kithopina neiho chu ahile; Pu Thangminlen Kipgen MLA in anchang bag 17, KPI ward No. 1-15 hon anchang bag 15 chule KPI ward No. 1-15 hon sil le chen, Blankets le um le bel ho ahi.
