Kei geldan ahileh mihet lou, lunglut nalou subject/field hohi hetdoh tei ding ti hi ana hi. Hijeh chun Govt. service bol nading hi hih jong leh eiman nei ding , hetding chule golpha tah'a kisem ding kanati jeh in electronics & telecommunication lampang hi midang asim tam masang in degree chan ka na chai jin ahi. Chule journalism hi Post-Graduate chan kana sim in kana chai jin ahi. Journalism a lunglut a-um leh hilding kati vang "in koima alunglut umbeh lou dan ahi. Eimite lah a hin kavet leh journalism lam hi degree le post graduate chai atam pon, diploma chai vang hi a-um thou nan ahi.
Tulai hi mi chih na le hetna sang ahitan, diploma le degree hohi, nam dang tichu kol le vai ho ding'a ima ahita pon, Post-graduate ngen chai ahi tao vin ahi. Lekha jih/sut lam a hi namdang te phah ding itiu leh thepna ding'a degree/post-graduate chan beh hi sim ding ahi. Title mai mai del ding ahipoi. Journalism lam sangtah jil ding iti leh Indian Constitu-tion ho, IPC, Human Rights, etc ho jong phate cha het ding angai je.
I sim doh,igeldoh hohi anatoh a pohdoh tei tei ding ahi. Manchah lou ding hohi boipi ngailou hel ahi.
English ten ìLittle learning is dangerous' ati ahijeh in journalism ethics ihet them lou uleh lekha jih jong kichih thei uhite. Min ajih nai tia moh bol bol ding ahipoi. Mihem akam ma thi ahin, sa akhunung (footprint) a thi ahi kiti hi kimelchih jing ding ahi. Chingthei tah a lekha jih/sut angai jin ahi.
Pathen in mijouse writer/author hina apepon ahi. Writer, author, journalist kiti ho hin Pathenía konía
quality anei cheh u ahi. Writer, author, journalist ho jouse jong aki bangpon ahi. Ana sajep loi a-um
kitíin ahi. Anasajep hon pachatna/kipaman asang uvin ahi. Writer khat hina dolíin award kana mun,
kagel leh ana saloi kahi dan ahi. Chule journalism lam ajong award kana mun hiche field/line a jong
hi anasaloi khat kana hi dan ahi.
Themjilna (education) lampanga hi eimiten mitoh kibah ding idei uva ahileh eimaho le eimaho kitet
lou ding, nam dang te tichu, kolte, sapte ho aguh a tetding ahi. Profession na idei pen hi habol'a bol
ding, chepi ding, hin nathei dingía neidoh ding ahi. Tulai khangthah hohin ahithei ja ahileh lunglutna neihon journalism lam hi sangtah a na simdoh diu kadei sah in ahi. Diploma mai mai jin lunglhai da
uhite. Ahithei leh degree chan beh nei ding hin ngai to tei tei uvin.
Journalism lam hi ikhohsah mobeh seh jeh uva tukhang toh kitoh a khangthah ho kahin chou uva,
kahin til khou nahiu ve. Inam sungíuva hi chate, naote hon scientist hiding, engineer hi ding, doctor
hi ding journalist hiding, chule adang dang hi ding jong ithep nale i-line/field dungjui ja hitei ding gotna,
molso tei tei ding ahi. Tupna a-umleh lampi umtei ahi. Kison lel lou hel ding ahi.
Guest Editorial: Dr. HH Mate
