London, Lhajing 01 (PTI) : Socialite Paris Hilton chun aseina-ah, keihi an hon them khat kahin kaloi teding in breakfast tui tah tah bolpeh ding leh sempeh ding katha anom'e tin aseiyin ahi. Kum 29 a tah hotel heirss nuhin phat ong aneiphat leh aloiho dingin neh ding tui tah tah ajat jat sem atha anom'e tin contactmusic thulhut chun aseiyin ahi.
'Neh le chah semle honhi kamoh tha nop'in ahi. Ajeh jong kahe chompoi. Breakfast thupi tah le tui tah- a semía iloile gol ho anedinga kouhi katha anom'a iloile gol ho anedinga kouhi katha anomíin phat ong kanei phat leh bol jong kabol jingin ahi. An hon ahilouleh neh le chah sem hi katha anom lheh in
chuleh ahon themtah khat jong kahi.'

'Jingkah leh breakfast dingin French toast kasem ji-in ahi. Atamjo-a breakfast hi adangho sanga kagel thupi jeh in nehding ho hi tam breakfast phat leh thupi tah in kasem jin ahi. Chuleh adang ipi neh ding ijat semjong leng omelette le pancake hi pang louvin kakoi ngeipoi' tin Hilton chun aseiyin ahi. Chuleh amanuhin, 'Lasagne Kasem hi ne khaleu chun mundanga naneh utoh kibang lou hel ding ahi. Ken kasem hi atui pen'e' tin aseibe in ahi. Hilton in a figure hi hoitah-a avet tup na aneivang in adudu neh ding khoh asapon ahi.

'Kada lhah thei louleh kadupen hi fries le cheese hi ahi. Keihi an dutah mi kahi' tin jong aseiyin ahi.

'Mi gongleh tahsa phatah kahivangin aphat she in exercise kabol jing ahi. Pilates bol hi katha anomíin chuleh kadeiyin ahi. Nisih leh ka Invel dunga hin kalhei jingin ahi. Ka pink bike neocha ahin jing bah she leh ride kache ji in ahi. Hitia phat ong neiman louhel a kaboi jeh hin kaloi ten 'The Machine' tin eikou uve' tin Hilton chun aseiyin ahi.

Lindsay Lohan in songkul sunga nikhat leh 250 fans letter mu

London, Lhajing 01 (PTI) : Trouble star Lindsay Lohan hi songkul sung ah a fans ho lekha thot in achup kigo leotan ahi. Amanu hin nikhat leh alhom pen in lekha thot hi 250 lang tobang amujing in aih. 'Mean Girls' star nu, a 2007 drunken driving probation nahsah louleh i-a selouva akoiya ajui lou jeh a tua Lynwood, California songkul'a umnu hi nikhat le lekha thot hijat lang hi a hung vang in a mahi nikhat in 10 bou akisim sah-e tin Sun online thulhut chun aseiyin ahi.

Songkul sunga u m adangho hin ama bang in hiti hin koiman lekha thot amupon umjong aum ngeipon ahi. Asim man lou adang jouse hi apot phat leh amakom ahilouleh a associate khat kom'a kipe ding ahi' tin Steve  Whitmore, California songkul a natongpa chun aseiyin ahi.

Kum 24 a upa actress nuhin lekha thot athah amu nom ahilouleh asim nom leh asemchaisa hochu apeh doh angaiyin ahi. Lohan hi ni 90 songkul a tang dinga kisei ahin, tuhin songkul sunga aum hi ni 10 alhing tan ahi chuleh amahi avangphat leh kal kit leh pot doh thei tading in akiseiyin ahi. Actress nuhi songkul'a pat ahung pot doh doh le jangpat'a rehab facility ajot ding ahi tin jong akiseiyin ahi.
Anu Dina chun 'Cell phone jong achoisah pouvin chuleh lukhop chajong apepouve' tin aseiyin ahi.

Haiti a numei umho venbit’a aumthei nading’a Kidman in campaign bol

London, Lhajing 01 (PTI) : Hollywood actress Nichole Kidman in Haiti mun'a um official hokhom'a chun, hiche lingpi in asuh set le asuh khah na gam'a um numei ho chunga hunam'a suhset na umhohi suhmang hel ahithei nadingin security hatsah un tin temna leh ngehna aneiyin ahi.

'Hours' star nuhin hiche gam hi Goodwill Ambassador for the United Nalions Development Fund for Women (UNIFEM) khat ahi natoh kilhon in kal masachun anavil in ahi tin Contactmusic thulhut chun aseiyin ahi.

Kum 43 a tah actress nuhin kum bul langa lingpi kiho na akon hingdoh le sohcha temporary camp'a umho chu vil lhah na aganei in ahi. Chuleh amahin government official hokom'a hitia numei ho chung deilou umtah thil soh hohi vet tup na-a pan hatah-a alah uva gel khoh na anei ding uvin temna ananeiyin ahi.

'Hiche mun'a kache na-a kahet doh le kamu doh lhah khat chu ahi leh hiche tobang humanitarian disaster thilsoh hin hatah in numei le numei chapang ho chunga boina le genthei na achuh sah in ahi. Hiche hi vangset umtah ahi' tin aseiyin ahi.

'Chen na le gena ding avat le security a lhom hin numei ho chunga hatah in hunam a suhset hi atam sah in chujong leh hatah in apunsah in ahi' tin Kidman chun aseiyin ahi. Aman aseibe na-ah, 'Hitia numei ho chunga boina le hahsat na aumna chung chon ah kavet leh Haiti a cheng anumei-u leh apasal hou hin agamíu semphat nadingin hatah in pan ala uve ti jong kamu doh in ahi. Tunin nupi holeh nungah chapang hunam a suhsetía umho umna mun kagavil in ahi.

Amahohi Women leader hon medical le legal service hi ahiding bang tah le alhing set in mu jouhih jong uleh amukham kham un ajin un chuleh khonunga hinkho kitup tah le phatah-a aman thei nading uvin couselling abol peh uvin ahi. Hiche hi mikhat bou ahilouleh gam khat bouvin aki thopi thei ahipoi ibon chauva pan hatah-a ilah u angaiye' tin aseiyin ahi. Kidman hin kumbul Tolbol lha a thilsoh jouva pat hin hiche gam hi hatah in akithopi in aboipi lheh in ahi.

Amahin ajipa Keith Urban toh hiche gam'a hin school thah khat achom lhon in ahi. Chuleh alangkhat ah Hollywood actor George Clooney in Foundation khat Hope For Haiti telethon kiti aphut doh in ahi.

Timberlake cartoon character a aw-tho a pangding
London, Lhajing 01 (IANS) : Singer Justin Timberlake hi tua ahungsoh doh vah tading 'Yogi Bear' movie a cartoon character Boo-Boo kiti O tho a apanding hi atha nom lheh in ahi. Ajeh chu amahi hiche original cartoon series fan lent ah khat ahin ahi.

Singer le actor Timberlake hin forthcoming part live action movie version a hi Boo-Boo kiti character pa O hi athoding ahi. Chuleh amahi hiche series a O mei mei hijong leh apan thei jeh hin atha anomíin akipah lheh in ahi. Amahi chapang anahi lai chun hiche cartoon series fan leh tah khat jong anahie tin contactmusic.com thulhut chun aseiyin ahi. ìHiche a panding hi thanop na lentah kaneiye. Kaneo laija cartoon havet tah mi kahi. Yogi Bear hi hanna Barbera cartoon iconic khat ahi. Chujong leh hiche cartoon character O kabol hi nom kasa lheh in ahi. Thanop jong a um'e' tin Timberlake chun aseiyin ahi.

Kum 28 a tah star pachun, original character a banga ka O recording kabol phat leh hoitah le kitah tah-a ahithei chanía bold oh thei nading pan hatah-a kalah ding ahi tin aseiyin ahi.


Liam Gallagher in sum kabei kei phat leh Oasis ka thah semding ahi tia sei
London, Lhamul 31 (ANI) : Musician Liam Gollagher chun Oasis band hi sum jah ding kanei mong mong lou phat leh kathah semding ahi. Akhuti louleh tupet tading in vang semthah ding lung gel kanei poi, sum kaning lhing set nalai nai tin aseiyin ahi.

Oasis te band hi 2009 kum achu Liam le leh asopipa guitarist Noel kito loule kinah boutam jeh-a ana kikhen'u ahi. Liam hin tulaihin music project thah Beady Eye kiti asem in athah beh-a hung pot doh ding in hatah in kigon na aneiyin ahi. Chuleh alang khat ah asopipa Noel hi solo career in natoh na aneiyin ahi.

Liam chun asei na-ah, iti hamkhat'a sum kabei hel'a kalung don mong mong louleh kasopi pa tohin na kiti mong mong tong khom lhon pong'e tin aseiyin ahi.

'Oasis te avel'a kahung kigop khom thei kit nading u chu ahi leh, kabon cha kei uva sum kagop gam phat-u lebou hiding ahi. Keivang kanai saipoi, chuleh iti hamkhat in sum beijong leng phat sot lut ponte, khoh kasapoi nei tahsan un Oasis te kaki gopkhom kit dingu ti hi van'a ga ahi' tin Liam in aseiye tin the Daily Express thulhut chun aseiyin ahi.