Fennel ahung hi Delhi Commonwealth Games ding jeh-a state sunga boina ahung umdoh jeh ahin, adih a pan lading gam hon hiche mega event sunga hi security lam'a boina hung umding ham tia lungop kaina anei jeh uva
vetlhahna nei-a hung ahi. Sempat ni jingkah lam inchun, Organising Committee Vice-Chairman Randhir Singh in stadiums jouse hi top-class shape a aumtan chuleh kal khat sunga emajouse gontup hiding ahitai, tin kitepna anei in ahi.
Fennel in New Delhi mun tukum lhakao langa vilna anei sung in Delhi hin XIX Commonwealth Games hi first-class show a host abolding ahi tin phondohna aneiyin, chuleh aseina achun, kum 2010 Games adinga kigonna anei hi kalung alhei sel in ahi ati.
London 2012 main stadium muna Insan dei ho dinga bids kikou jing
London, Lhajing 18: Games akichai tengle Organisations hon 2012 Olympic stadium muna hi Insan umsah ding adei uvin, koitabang innsan-a umnom aumle bids lhalam kichai kah-a abol thei ahi, tin company hiche a mopohna neihon vahchan ni in aseiyin ahi.
Dangka 516 million pound ($806 million) lut'a kisa venue hi lawmakers hon agel khoh pen u chu ahin chuleh insan umding mi gangtah a akimu louleh gangtah a saipi kang hung hidoh ding ham tin kichatna anei uvin ahi.
Organisers hon amun hi emajouse ahithei nading in asem uvin, ahinla hiche munhi soccer, rugby chuleh cricket clubs founder hon adei uvin ahi ajeh chu pitch avel lah-a athletics track hojong aum jeh ahi.
Organisations 100 val in tukum kipat lam'a soikaina achun pan alauvin, hiche achun groups hohin athletes hon emajouse-a amanthei dingu chuleh commercial, health ahiloule educational lam'a manthei nading in tosotna anei uvin ahi, tin Olympic Park Legacy Company (OPLC) in aseiye. ìStadium hi Olympic Park a kingam ahin chuleh amunlah hoitah-a ventup ding hi keihon phatsot tah adinga kagel u chu ahi,' tin OPLC Chairman Margaret Ford in thulhut aneina achun aseiye.
'Organisations hon emajouse-a manthei dinga adei-u hi katha anom lheh in, keihon bid lam'a lolhin n atei ding in kitepna kanei uvin chuleh stadium adinga keihon kagel thupi pen u chu ahile sports lam leh emajouse-a manthei ding tihi ahi,î tin aseibe kit-e.
OPLC in kinoptona- sign achaina ding hi kumkit lhakao tengle neiding in lungtup akineiyin ahi. Stadium sahna dinga kigong sum sang in hopkhat in atamjo tan, ahivang in hiche hi poimo tah venue longer-term jobs ading chuleh Olympic Park hon solam Lonkon a asuhmang ho nungdip nadinga sumkol veina-a anei nading uva kisa ahi.
Man United a kakichep hi kidang kasai: Bebe
Manchester, Lhajing 18: Bebe in aseina achun,Manchester United a kakichep hi kidang kasan ahivang in striker pain Old Trafford muna hi chance kilah ding agel in ahi. Kum 20 a upa Portuguese forward pahi, Estrela da Amadora muna achesa kal nga langa ana kichep jou-a Vitoria de Guimaraes akon 7.4 million pounds a Manchester United a kichon ahi. Chuleh kal khat jou'a chu amahi United in ahin deilhen ahin, Bebe in Old Trafford club ading in sign abol tan ahi.
Bebe in Old Trafford muna leisem nia thuso miho koma aseina achun, Portuguese stars Cristiano Ronaldo leh Nani khunung hi kinjong kajui ahi ati. ìKakipah lheh in ahi. Phat kilem chang eikipehna chu ahin chuleh tuahi kin hiche chu kasuh bulhit na dinga hoitaha pan kalah ding chu angaitan ahi,' tin Bebe in aseiye.
'Phatseh in gam chom team United ahiloule Chelsea-a kahung kichep nom in ahivang in Man United team tobang a kichep ding hi player khat dinga alunggel guilhunna chu ahi. Portuguese players ho Old Trafford muna ana kichep hi kei adinga kitilkhouna khat chu ahi. Cristiano Ronaldo jong hilai muna ana kichem in chuleh tuhin player minche tah chu ahitai. Chujongle Nani leh Anderson jong akichem in, amani tobang kahi nom in chuleh kichem themtah hung hina dinga hi kaki habol ding ahi. Player kichem themtah ho chunga hi mopohna kipe hi alen'e ti kahe in chuleh amaho in abol tobanga boljouna neina dinga kakigot ding ahi,' tin aseibe kit e.
United manager Sir Alex Ferguson in Javier Hernandez leh Chris Smalling jong sign kabol nom'e atin, chuleh Bebe chung changa asei chu amahi akichep TV a velou'a sign kabol masatpen player chu ahi ati.
Kum 20 a upa defender pahi Fulham a akichon jou chuleh pre-season'a United a akichep masang in achesa
kum khatle ni lang in chun Maidstone a non-league football in ana kichem in ahi.
'Non-league player khat professional football a alut hi tulai in aum tapoi,' tin Smalling in aseiye. 'Player khat chohna ding in amahon sum tampi aseng ji uvin ahi. Ahivang in hiche divisin a kichem khangdong players ho adinga kichou thou natah khat chu ahin, kiha bolna anei uva chuleh chance hi akilah uleh, amaho ading in chance hi tuchan in aum nalaiyin ahi,' tin aseibe kit e.
US Open a kalolhin louna hi tahsa lhahsam jeh ahi: Nadal
Mason, Lhajing 18: World number one Rafa Nadal in Grand Slam ajo dinga vat hi US Open bou ahitan chuleh Spaniard pain aseina achun, season kichai konlam ahin katha alha sam jitan ahi ati.
Hiche US Open hi lhajing kichai konlam le kipan ji ahin, Nadal, clay court specialist pahi, phatseh in hiche season phatleh atahsa achol jitan ahi.
'Kei ading in matches tampi aum ji in, lha thum sunga chun kalung agim lheh ji in ahi, ahinla hiche chu kei adinga season poimo tah chu ahikit in chuleh kalungthim katha jouse hiche achun kaseng jitai. Chuleh hiche jouteng,' tin Nadal in aseiye.
'Kum 2002 chuleh 2007 in kakhup-a boina kana nei in, ahinla kum 2008 in hoitah a damtheng pum in kahung kichem kit in ahivang in hiche chun lungthim'a Roland Garros, Wimbledon, Toronto chuleh Olympics a kajonna ding chu asuse in ahi. Hijeh chun hiche hi kei ading ngol hoitah, season hatah khat chu ahi. Chuleh ningkum chu adangkhat kisuh khahna kanei kit in ahi. Montreal a katai kakisuh khah in, hijeh chun Cincinnati a game jouse ahin tai napum leh kap pum in kakichem in chuleh katai jong ana cheh cheh in ahi. Hiche hin US Open a eilelsah in, hijeh chun ningkumía semifinal kalhun jou chu kei adinga result kidangtah chu ahi,' tin amain
aseibe kit e.
Nadal in tukum Flushing Meadows muna event ahi lolhinna neitei ding in lungtup aneiyin ahivang in aseina achun, tua a hoitah-a kakichep jounahin US Open kalah jouna dinga eipui gal kai ding hinam tihi kahe thei
naipoi ati.
'Kum jouse hi akikhet in ahi. Hilai muna hoitah a nakichep-a chuleh nahung kit tengle nalel thei ahi. Hilai
muna nahunga tournamenta lhasam tah a kichep panna nanei-a chuleh ani ani anakichep hoi cheh cheh a jona nanei thei ahi. Tukum in Roland Garros a lhasam tah in kahung kichem pan in chuleh achaina in semifinals leh final a hoitah in kichepna kahin nei in jona chu kaneitan ahi. Emajouse hoitah a nabol jou thei ahi ahivang in hiche dinmun tah a chu nakichep hoinaleh najona ding chu ahideh poi,î tin amain aseiye.
Zenit in Champions League play-off first leg a Auxerre jou
Saint Petersburg, Lhajing 18: Zenit St-Petersburg in leisem nia Champions League play-off first leg achun Auxerre 1-0 in ajou in ahi. Zenit, kum 2008 UEFA Cup winners hin, Auxerre penalty box sunga Danko Lazovic in pass ahin bol chu cross into the Aleksandr Kerzhakov in goal a apeh lut in Petrovsky Stadium muna chun minutes thum jou in kichepna lead abol taovin ahi. Auxerre te injong phattah in host tehi anaokhum uvin, ahivang in Zenit te in goal anina channa-a akhum thei Auxerre goalkeeper Olivier Sorin in atin khel chance chu minutes 31st in Roman Shirokov in alhaso in ahi. Sorin in kichat umtah Kherzakhov free-kick ana save doh in ahivang in half masanga Russians te adinga umtah khat chu Kenyan Dennis Oliech in 18 yards akon apeh Zenit te crossbar akhah chu ahi. Ireneusz Jelen akibah anthei ding uvin goal nivei alhaso in, akhatna chu ahileh Benoit Pedretti in pass ahin bol chu goal chung langa ana pehdoh in chuleh aban in Vyacheslav Malafeev in ahin peh goal toh kitoh-a hung leng ball chu adal kha in ahi. Auxerre hi, ginchat loubeh in French Top flight last season achun athumna in apang in, Luciano Spalletti's men hohi Stade Abbe-Deschamps a lhajing nisim 25 leg a akile kit nading uvin temna amu uvin ahi. Hiche a jona neihi Champions League lucrative group stage a qualify ding ahi. Eight other teams are in action in the play-off round later on Tuesday, with four-time European champions Ajax visiting Dynamo Kiev and English side Tottenham Hotspur travelling to Switzerland to face Young Boys.
