Lien Chongloi Songthu Article (Aug. 9 &10) chu asimho mi tamtah in vallut hahsa asah diu kagingcha e. Ajehchu eiho lah ahin thu hettohna le thil musaona neilou a thu mohsei sei itambeh jeh uvin hitobang thugil le thutah hohi akijakha behseh jipon, ahungkiseidoh jongleh geldaona akinei ban ah ahethem le asanje them akilhomji e.
Tahbeh in Kukite lah a phung -le-chang thu seilou ding kitihi ahilou ding thu kisei ahi bouve. Nam dangho chu chenkhom jeh, lungtup le hindan kibah jeh le adangdang jeh in Nampi khat in um jongleu Kukite vanghi Israelte bang a Thisan jal Nam khat kihi ahi. Hiche jeh a hi phungthu sei lou ding iti vang uva aloutheilou a kisei thouthou ahi. Alangkhat ah phung thu sei louding iti jeh uvin, asetna ding hihen aphatna ding hileh, koima'n lhangphong in asei nompon, seilou inlah ium thei deh pouvin ahileh aphalam sang in setna ding ngen asohjotan ahi.
Akhohtah chu Pu Lien in, 'Mi phung setsona dinga phung ngailute ihiuvin, ngailutna dihtah neite ihipouveî, ati chu adihtah anahitan ahi. Mi kimkhat amachang phatchomna ding a phung-le-chang thu adihloulam a mang a phung khat le khat kikah a thilnoplou sosah gojong aumji in ahinlah asuthip ding aumji pon ahi. Hiche ho hi asutup ding thilhethem - mi-upa, lunglen keng le thutah - lamkai hina phung kiloikhomna (well organised) umleh phachomlheh ding ahi. Akhohdehset kit chu sopi thisan kinaicha jong aki hekhalou Nam chomchom dan a ium uhi ahi. Hijehchun, tu-le-tu a kul le poimo khat chu, Pu Lien sei bang a, Phung Kiloikhomna (adeh a angaicha dehset ho) phatah a sem a hiche ho chun ama-ama Insung ahin kisuhtup a, chuteng aji-acha toh kimsel a Nampi Kongpi a ahunglut cheh ding hi ahi. Hichina ding a chu Kongpi tolhon mopohna lentah akilah angaiye. Ajehchu insung (unit) chomchom ho chu phatah a vetsui (well co-ordinated) ahi louleh kong khat a kitolkhom tah sang a ikimansah gambep diu ahi. Phung-le-chang thu hi Hemto-chemjam tobang ahi jeh in amanje het angai e. Kichepna pou in mang poute.
Keima,
Haopu Haokip, Lamka, Manipur
---------------------------------------------------------------------------------------------------------------
Pu Editor,
Sadar Hills thuhi amijousen ipohnat sohkeiyu thilkhat ahi. Hinlah tha le jung thokhom theilou te eiho dingin ijat in tup leh doi kinei jongleh achai naleh mikhat le nin amachang/phung sung phat chom nading ahipou leh hitobang poimotah nampi issue jengjong notthap a koi ngapcha te ihiuvin thil hahsa tah vang ahitai.
Statehood demand jengjong 3-4 decades sunga min amuthei ahi. Hinlah eihon hiche phat sottah sung jeng
injong district kisan jong ahiding lomin iki suh bulhit jou pouvin ahi. Election laileh X candidate hamin Y candidate akaileh sadar hills kithenso ding ahi tia naga holah a campaign loijong iumda lou u ahi.
Tujeng injong Kangchup leh Leimakhong vel lah Sadar Hills ahipoi tia meilhei hon signboard ho alahdoh uva, Sadar Hills sung la hingal'a police station/post office adang dang phaicham sunga akimanho tiho, land records etc ahin abonna ihetsao ahi. Hiche gamkai sunga elected leader hon adeh a pan alah ngai ahi mipin alahna banna. Tuchung Manipur Innpi toukhom nah a min ama community cheh a poimo thil ho thudoh aneicheh in eimi MLA hon ipi adong diuvem tia kagaldot leh kaginchat bang bang in ima apoimo adong dehpouvin ahi.
Kangai to achu CCpur a kho tampi phaicham a lahlutding kigonho, census related issue, leh Kangchup leh Leimakhong vel'a thilsoh hochu eimi MLA hon dohmai mai hilouvin hatah in apodoh diuvem katileh ima aum dehpon ahi pohnat aum danchu. Pu Thangkholun (Chandel MLA) in adongin aphalheh in ahi. Hijehchun Pu Thangkholun chunga kipa aumlheh in ahi. I issue ho hitia Manipur inpi sungbeh a ideitah a ipohdoh ngamlou uleh hoilaija ba iseingam diutam lungdon umtah ahitai.
Nampi natoh nadinga chu ruling govt lah a kijao cheh cheh hihjongleh opposition in jong hatah a responsibility
anei ahi. Collective responsibility jeh in ruling MLA khatchun ama govt. chu adeibangtah a thudoh aneithei loumaithei ahi phatjouse a. Chuteng Opoosition hon hatah a apohdoh ji ngai ahi.
Thingnoi ineiho la congress opentah a support (to the extent of declaring to the media) boluva asot doh hola
ima aboldoh kit hih uvin. Phabep loiyin congress a bandh kitin asotdoh hola nampi issue a thudong ngam- la aumkit hih uvin lungdon aumlheh in ahi. Politicians dihtah/states- man vang tuni chan in eiho lah a akisep naihih in aphamo lheh jenge.
Len haokip
Kanpur
