Virus :
Computer virus kiti hi program ahilou leh file ho akon computer khat le khat a kilason thei natna tobang chu ahi. Mihem chunga natna hit ahung chuh tobang khun computer jong hin virus hattah tah aum'in hiche ho
chun computer hardware, software ahilou leh files ho asuse/asumang ji in ahi.Virus ho hi file a um ahin ama macham in na atong thei jipouvin ahi. Hiche virus ho chu computer ahung kihon teng le bou ahat leh a-ol dung juiya na ahintoh pan jiu ahi. Computer virus hi files kikop jeh ham ahilou leh e-mails kithotto na akon'a kila thei khat chu ahi.
Worm :
Worm hi virus toh akibang thim in hijeh chun virus bahkai nanoiya um ahi. Worms hi computer apat computer ma ma a kilathei ahi in, virus toh bang jep lou, min honghih jong leh ama macham'a kilato thei ahi.
Worm a kichat umtah khat chu system khat apat na worm tamtah athotdoh theiyin receiver (amupa) computer chu asuse thei in ahi. Tekah na in e-mail a naloiho document nathot jou teng worm in ama machamía hiche tobang machu copy abolía ana thot kit ding ahi.
Worm in ama macham'a copy akibol thei jeh in system (computer) a memory (or network bandwidth) jouse aloji jeh in Web servers, network servers chuleh computers ho adonbut (responding) ji tapon ahi. Tu naicha a ana kisei Blaster Worm hin na computer chu gamlhatah a mikhat in adei deiya a control thei ahi.
Trojan horse :
Trojan Horse kiti hi masang thusim Trojan Horse akon'a kiladoh ahi. Trojan Horse hi software phachom tah ahi tia kigel ahin hinlah adihtah chu ama hi installed ahung kibol teng ol-ol'a computer sung'a um jouse asuhmang/asuhset ji ahi. Trojan hi computer a activated ahung hi teng anatoh hi jatchom chom ahiji in ahi. Akhoh pen chu Trojan hin computer sunga files jouse ana sumang jiin chuleh system a information jouse jong asuseji in ahi. Trojans hi viruses leh worms bang'in ama macham'in files dang ho asuse thei pon ahi. Blended Threats hi ipi ham?
Blended kiti hi mipao ahi in hichu thil kihal khom hokhu kitina ahi. Hitobang machun blended threat kiti hi viruses, worms, Trojan horses leh malicious code (code khanse tah) ho jouse hung kisukhom'a khat a um ahi.
Blended threats hin net server leh Internet ho akon'a athotdohji a system ahilou leh network ho attack abol ji ahi. Ama hin khatvei panía attack abol hi virus tamtah po ahijeh in asuh khah nalam lam'a system ho asuchavei ji in ahi. Worm hohin e-mail akon'a attack abol chu routes tamtah in tichu e-mail, IRC leh network akon'a file-sharing ho jong asukha jou in ahi. Blended threats hi computer ading'a kichat umtah virus chu ahi.
Viruses, Worms leh Trojan Horses akon'a hoidoh nading:
Amasapen'a computer naman operating system (OS) chu up-to-date hi ngai ahi. Aphapen chu Microsoft Windows OS hi ahi. Anina in system ah anti-virus software chu installed in lang download hochu updates jing hinam chuti leh viruses, worms, leh Trojan horses ho na system ah umtapon te.Chukit leh anti-virus program chun e-mail leh files ho scan abol hinam ajeh chu Internet akonía ki download ahi in full disk a scans bol jing ngai ahi. Hiche hin virus ho computer sung'a alut nading akon avendoh thei ahi. Chuleh firewall kiti jong installed ngai ahi.
Firewall kiti hi system khat ahi in na computer a unauthorized hon aman theilou nading'a security khat ahiye. Ama hi (firewall) hardware ahilou leh software in akimun ahi. Hardware firewalls hi broadband routers ahilouleh stand-alone products a kicho thei ahi in hiche hin computer a hung lut thei virus ho avendoh thei ahi.
Ahin ama sang'in software firewall hin viruses, worms, Trojans virus hattah tah ho adaldoh/aven jouvin ahi.
Changval ading'a aphapen chu software firewall hi ahi.† Software firewall phatah hochun pam lang'a kon'a
hunglut thei virus ho na computer sung ah alutsah pon chuleh Trojan programs ahilou leh e-mail worms kiti ho jong alutsah theipon ahi. Amahin computer installed nabol penpa bou chu protect abol ahin network ho
vang avengdoh jou pon ahi.
