'Kakipah lheh in chuleh kakiletsah lheh in ahi. Imajouse aki khel jeh in akatna pen a sign boldan in kakigel in chuleh hiche hi kei adinga kison neitah leh boss thah koma athahbeh a kipatna kanei ding chu ahitai,' tin Aurelio in aseiye. Kum 30 a upa left Anfield pahi, a contract chu lhaphul a kichai ahitan, ahivang in manager thah Roy Hodgson in chance khat ape kit in chuleh amani kum 2012 chan ading in kinop tona anei lhon tan ahi.
'Fabio in club thah akimu tah em ti hetdoh nading in club chu kadong in ahi,' tin Hodgson in Liverpool website (www. liverpoolfc.tv) achun aseiyin ahi.
'Amain in club dang akimu naipoi ti kahet doh phat uvin, keihon Melwood muna training ground a ahung nading in temna kanei kit uvin, hijeh chun keima leh ka staff chuleh medical team hon player pa chunga hoitah in vetchilna kanei uvin ahi. Kalung u alhei lheh in chuleh Fabio Avella sign kabol kit
thei u hi kakipah lheh in ahi,' tin aseibe kit-e.
Pathen nia pre-season friendly match Borussia Moenchengladbach tetoh kanei nading uva Germany
muna kholjinna nei squad lah achun ama jong apang in ahi.
Gagan Narang, Indian players lah a London Olympics adinga qualify masapen hita
Bangalore, Lhajing 1: Athum vei channa in Rajiv Gandhi Khel Ratna, world record holder Gagan Narang ana mujou hih jongle avel in misem ni in Munich muna 10m air rifle men's World Shooting Championships achun Olympic champion Abhinav Bindra ho akhal in bronze medal amu in "Ratna" award sang dinga alhing jou mongna chuakimudoh sah kit tai.
Gagan's medal mu chu India in London Olympics event a kichepna thei ding panmun khat anei tan, chuleh amahi gamsung players lah a 2012 Games a dinga qualify masapen chu ahitai.
Kum 2009 in, Narang in gold leh bronze medal World Cups ana mu in chuleh gold medals ni shooting championship a ana mukit in ahi. Tukum World Cup a bronze medal amu in chuleh Commonwealth Shooting championships a gold medal gup (six) leh silver medal ni (two) amutan ahi. Achesa kum ni sung in, amain world record of 600/600 ana semdoh kit in ahi.'Ka coach pa Stanislav Lapidus, Sunny sir chuleh kaloi hocheng toh kakihou in, kalung gel ahung kikhel nahi amahon eikithopi jeh ahi,' tin aseiye.
National coach Sunny Thomas vang Gagan chunga along gim lheh in, aseina chun, 'akima pat pon ahi. Adang hon chang 25 tobang akap doh jou uvin ama akipan bep in ahi. Thal atuh in adoi in ahinla akap jipoi. Hitobanga aum chu kana mukhah lou jeh in ka nervous lheh in ahi,' tin Thomas in aseiye.
Shooter jouse hin chang 60 kapdoh nadinga nidan 1 leh minutes 45 bou phat anei ahi. Indians mi thum in lolhinna anei in, Imran Hassan Khan in point 590 amu in 49th lhinna a apang in ahi. Gagan in hoitah a thal kapna anei jeh in, India in agom in points 1780 amu in team dinmun a China (1787 points), Russia (1787 points) chuleh Italy (1782 points) noiya alina in apang in ahi.
Golden Boot kamu lou vang in kakisih poi: Forlan
Kolkata, Lhajing 1: Uruguayan star Diego Forlan in misem nia aseina achun, World Cup a "Golden Boot" kamu lou chu kakiseh poi ati.
'Golden Boot hi striker ho ading chu ahin, ahivang in Golden Ball hi mijouse in mudinga atup chu ahi.
Achaina a epi hijongle kachan chunga kalung alhei sel in ahi,' tin Forlan in aseiye.
Diego Forlan in misem nia city hotel muna press hotoh pungkal nga tobang akimupi jou a ahung potdoh in chun, pamlang a amunom mi tamtah in angah in ahi. Mitamtah in kipah tah in ama aum khum in chuleh alungthim a kipa chamkim na anei chu namu thei dingin katahsan in ahi. Hijeh ahi World Cup's "Golden Ball" mupahin "Golden Boot" amu louvanga kisihna aneilou chu hiding ham ti tahsan aum in ahi.
'Player khat hina a, nanatoh ding chu kihabol ding tihi ahi. Phat kilem chu nakoma hung lhung tei
ding ahi. Hiche chu phat chomkhat kah thu ahibouve. Achaina in kahin tup jing chu kamutan,
kakipah lheh jing in, chuleh hiche chu hetmanlou kah thil soh chu ahi. Hiche hi kichepna lam a kakipeh doh nale chonchan hoi kanei na chunga kipaman kasan chu ahi,' tin aseiye.
Athabeh a TV channel hondohna kinei in pathen nia Salt Lake Stadium muna football reality show organized abol teng, ama judge adinga hung toudoh ding ahin, chutengle city sunga mipihon amahi atahbeh a muna ding chance anei dingu ahitai. Ahivang in amain hotel adalhah in chun, lekha a autograph kisut sah ding deihon a um khum uvin ahi. Amaho chun ama lim jong adei kit uvin ahi. Mitham khat in ' kahin lungset uve tin asam un' chujouvin World best footballer Forlan in hotel mun chu ada lha tai.
Kuki Sporting Club (KSC) hon golseh a pan la
Achesa lhamul 17, 2010 in, Victory International Ministry noijah ONE Day ONE World ONE Champion kiti Golseh (Soccer) Kichepna achun, Isopiu, Seiminthang leh Seilal lamkai na'n KSC hon jong pan ana kila in ahi. KSC team jong athem theilheh un, semi final chan ana kilhung jou in ahi. Substitute ding mi kilhing jou jep henlang hileh Champion kila thei ahin, ahinla nilhah lam'a akichem ho alal gamtah jeh'un, Semi-Final a African United khut in KSC 2: 1 in kana lel tauve. Kaha jopen uleh kalal pen( apen pen) nao chu ahile: KSC 6 : 2 The Knight. KSC 1 : 3 Golden Eagle ahi. Hiche golseh kibolna tolpi-a Kuki Chapa/ Chanu Moral support leh tilkhouna hung neiho chu, Pu Ngamlun & family, Pi Nengboi & Family chuleh Momonte ahiuve. Pathen in maban tohgon ho a eihin mapui jing tauhen, tin Dr. Khaigin Haokip Sponsor & Manager, KSC(1 Day-1 World-1 Champion) in aseiye.
East Bengal in UEFA licenced coach goita
Kolkata, Lhajing 1: Misem ni in Trevor James Morgan hi East Bengal head coach thah ahitai tin officially in hetpihna ana um tan ahi. Amahi David Booth, Mumbai FC leh Mahindra United coach a ana pang pa banna Englishman lah a Indian club ho coach tohmun lo anina chu ahitai. Last season a angei banga kichepna anei jou uvin, East Bengal in tuchung a vang phatna in ahin lokhum ding uvin kinep anei taovin ahi. Ahung lhung ding season a squad semna ding in dangka 7.5 crore asulut taovin chuleh Morgan in club hi ahin kikhel sah ding kinepna anei uvin ahi.
Kum 54 a upa pahin, a football career hi tua Tottenham Hotspur coach Harry Redknapp noiya AFC
Bournemouth akon in kipatna ahin nei in ahi. Infrastructure hoina mun England, Australia, Singapore, Hong Kong chuleh Malaysia munlah a Morgan in phatah in lolhinna ahin nei in, aseina achun, India hin coaching lam thil thahbeh khat eimu doh sah ding ahi ati.
Leiset chunga tua football lam ranked 132nd a umte standard ahi nahi thei ding hinam ti thudoh adonbutna achun, 'hiche standards khan tou sah ding hi kachunga aki ngam in ahi. Team ahung kikhel jep a chuleh keima noiya titles themkhat lahna ahin neile kipatah a gam hi kada lhah ding ahi,' tin Morgan in aseiye.
Barcelona in Mexico captain Marquez phal pih ta
'Barcelona leh player Rafa Marquez in, kum 2012, lhadou nisim 30 chan adinga contract in akan khom lhon chu kihet themna dung jui in kinop tona hi anei lhon in ahi,' tin Barca in a website (www.fcbarcelona.cat) achun misem ni in aseiyin ahi. Red Bulls toh kihouna anei hi achal lhah a ahile, kum 31a upa pahi ateam mate lui Thierry Henry toh New York muna kichem khom lhon ding ahitai. French striker pa jong hi Barca toh contract aneina lhon phat ahaisan jou in tu lha in chun Major League Soccer (MLS) a ana kichon tan ahi.
'Hoi a kache ding ham tihi kahe poi,' tin misem nia farewell news conference club president thah Sandro Rosell leh coach Pep Guardiola hung lhahna achun amain aseiye.
Marquez hi French Ligue 1 side Monaco akon in kum 2003 in Barcelona a akichem pan in chuleh amahin Spanish league titles li leh European Champions League crowns ni lahjouna ana nei in ahi.
'Kada lhah hi last season a kichepna ding phat kaha mulou jeh jong chu himei thei ahin, hijeh chun malam adinga lampi kakisem chu ahi,' tin Marquez, 2009-10 campaign a league games a sagi vei bou kichep kipat a apat kichepna neipan aseiye.
'Barcelona a kaki cholngah nom tai ahivang in ima jouse nagel banga aphatseh a hithei ding chu ahipoi,' tin aseibe kit e.
