Microsoft ah na ahintoh sungin Gates in CEO leh chief Software architect tohmun atuh jing in chuleh largest individual shareholder ahung hijingíin ahi. Bill Gates in computer software industry ah lolhinna sangtah hinnei jong leh Microsoft ahin phudoh akipat in ama tobang a business bola dang hotoh kboina anei jeh uvin court a kihehna anei jingin ahi. Microsoft seh hilouvin Apple Computer, Netscape, opera, Wordperfect chuleh sun Microsystems ho in jong court changei in business lam ah kiheh na ahin nei uvin ahi.
Bill Gates tia min ahetpen amintah, William Henry 'Bill' Gates III, hi Ellha nisim 28, 1955
kum in Seattle, Washington, USA gam'a ana peng in ahi. Apa min ahileh William H. Gates ahin Seattle muna attorney (u-kiil) ah apang'in chuleh anu Mary Maxwells hi school teacher leh United Way Charity a chairman anahi in ahi.
Gates hin sopi 2 aneiyin, Seattle, Washington, USA mun'a ahung khanglen in chuleh "Lakeside School" Secondary a lekha sim panna ahin neiyin ahi. 1973 kum in Harvard University a lekha aban simna ahin neiyin, hiche achun Paul Allen toh phat ahin mangkhom lhonpeh in ahi. Harvard University a lekha ahinsim jouvin Bill Gates le aloipa in computer semdoh ding lunggel ahin neilhon tan ahi.
Ama in alung'a agel khat chu office jouse leh In tinna computer kikoi ding hi anatup pen ahi. Leiset chunga Computer Software Company, Microsoft tia kihe phudoh nadin lunggel ahin nei jeh in graduate chaiman louvin a lekhasim ban anga in chuleh Paul Allen toh Microsoft Company
1975 kum chun ahin phut doh lhon tan ahi.
1994 kum in Bill Gates in Melinda French Gates akichenpi in tuhin cha 3 aneilhon tan ahi. Tu tuhin Lake Washington kom ah ainsung mite toh acheng uvin ahi. Amahin lekha sim, Golf kichep ahilou leh bridge kichep ding hi athanop napen ho ahi.
Tolbol 2000 kum chun Bill Gates in Microsoft chief executive officer ahina akoníin ana hai in,
chief Software architect tohmun joh analo tan ahi. Gates in hiche kum ma ma chun Bill & Melina Gates Foundation kiti ahin phutdoh in ahi.
Bill Gates in ama career kichai konlam chun mipi a dinga thilpha bolna ding in hiche foundation akon'in charitable (kithopina) tamtah leh Scientific research Programmes a dingin sum tamtah kithopina ana nei in ahi. Lhadou 27, 2008 kum chun Microsoft akon in kichol ngahna aneiyin hinlah Microsoft non-executives chairman in apang nalaiyin ahi.
Occupation : Chairman of Microsoft (non-executive), Co-chair of Bill & Melina Gates Foundation, Director of Berkshire Hathway, CEO of Cascade investment.
Nationality (Nam mi) : American
Religion : Agnosticism
Net Worth (asum mujat) : US $ 53 million (2010)
Bill Gates Philanthropy :
Leiset chunga ahaosapen ahitoh lhon in van- noiya dinga charitable
foundation alenpen jong ana phutdoh in ahi. Bill & Melina Gates Foundation hin insurance ading in dangka $ 28 billion val aneiyin chuleh kumseh leh $ 1 billion val kithopina din anatoh dohji in ahi. Hiche Foundation hi 'Gates Learning Foundation' chuleh 'William H. Gates Foundation' umdoh jouva achesa 2000 kum'a hung umdoh ahi. Amaho lungtup chu ahileh 'Leiset chunga mijousen damtheina leh themjilna amuthei ding' tihi agel thupi pen uchu ahi.
Bill Gates in phatsot tah Microsoft Company a CEO tohmun alo jing'in hinlah charitable foundation lam ah alunglut ath jeh in atohmun chu Steve Ballmer khut ah apedoh tan ahi. Gates in tuhin Chairman leh Chief Software Architect tohmun alotan ahi. Ama in hiche abol lo napen chun ahileh Microsoft lam sang'a Bill & Melinda Gates Foundation a pan halah ding ati ahi. 2006 kum chun vannoiya anina a ahaosapen, Warren Buffett in Bill & Melinda Gates Foundation ah kithopina anape in ahi.
Bill Gates in KBE ki paman amu :
Lhakao 2005 kum chun Bill Gates in gam hung khangtou (developing countries) ho gam'a vaicha ho asuhlhom nading'a pan alah jeh chuleh damtheina lam'a jong akhohsah jeh a England lengnu in KBE order kiti "jana" (Knight commander of the Most excellent order of British Empire) kipaman chu anape in ahi. Hiche kipaman hi British Empire a ding'a kipaman sangpen ani channa ahi. Commonwealth gamkaiya hitobang kipaman sanghi ama bou ahinaliye.
