New Delhi, Lhajing 25 (PTI): Ahung lhung ding Commonwealth Games um na ding'a security duties ho chu Army specialise unit akon'a 1,000 val'in kithopina apeh dingu ahi. Official thulhut kimu dung juiyin hiti tobang sports thupitah Ellha nisim 3 a kipan ding chu kal (week) khat masang lhalam 15 apatsa army personnel hohin aventup pan dingu ahitai tin thulhut akimui.

Hiche army personnel hohin sports kin thupi tah venbit nadinga hi technical manchah ho, intra-force communication, maintenance of jammers leh decrypting suspecting signal kitiho leh adang adang logistic support manchah ho ajah dingu, chule jong Chemical, Biological, Radiological leh Nuclear (CBRN) thepna nei team army hon jong hiche golseh umsunga hi boina umna loudingía manchah phatah hohi ajah uva avengbit dingu ahi tin thulhut chun aseibe in ahi.

Hiche army hohi National Capital mun'a pansa diu chule aumna dingmun u chun ahile Palam mun ahitoh lhon'a
lhalam 15 apatsa Ellha 20 chan geiding'a Urban development leh Defence Minister kitho khom'a gontohsa ah um ahi tai. Hiche army akonía kitho pina hi Urban Development Ministry in Defense Minister A.K. Antony henga kithopina ding'a hi ngehna ananei ahi .

Hitobang sports kin thupi tah hi Ellha 3 leh 14 sung'a kipat na dinga hi Army personnel ho hin mun chom chom'a akon foreign dele-gates leh golsen na a pang ding ho gena lhunna hotel leh Game village dung'a amaho ventup nading'a hi manchah ho akoijou soh diu ahi tin thulhut chun aseibe in ahi.

Games ahi gam 70 tobang pan alah diu ahitoh lhon'a hiche sport ventup nading'a personnel security unit chom chom hohi natoh apan tauvin ahi. Chuleh jong hiche Commonwealth Games hi gamsung'a aum masat pen ding ahitoh lhon'a Delhi Police leh Central agencies hon golseh umna mun ventup nadingin pan nasatah alah naban'uva jong 175 compa-nies (17, 500) Central para-military forces, 3,000 commandos, 100 anti sabo-tage team ho, uicha 200 leh bomb disposal squads 15 hi golseh umna mun'a kikoibe ding ahi tin thulhut kimu chu aseiyin ahi.

Kahin kho sungin Inter ah kapang nom’e : Sneijder
Lhajing 25 : Inter midfielder Wesley Sneijder hin a career hi San Siro a achai nom na lunggel anei phondohna aneiyin ahi. Kum 26 a tah midfielder pahin Real Madrid apat Nerazzurri club hi 2009 kum'a Spanish giants ten ana ngaisah lou nunga ana jot ahi.

Chuleh hiche club a apan hi akilhen khah lheh in ahi. Ajeh hu hiche club a apansung hin Serie A leh Champions League title hi last season chun ala uvin ahi. Neitherland international player pa tu-a asecond season Italian giants te toh neikit ding pahin San Siro a ka career kaden nom na ajeh kahe chompoi chuleh hiche club dalhah-a club dang pangding jong kagel thei poi tin aseiyin ahi.

'Ka career hi Inter a chaiding ahilouleh ngah ding kanom'in ahi. ajeh chu hiche club a umhi nom kasan chuleh kalung jong alheiyin ahi. Ken hiche mun'a hin excellent team-mate kaneiyin chuleh kigom'in amaho tohin lolhinna tamtah kanei uvin ahi. Lampi dung ah mipha tah tah lunggel them Inter ho kithopi lou ahilouleh tosot nanei hi jongleh kaki topi jing in ahi. Hitia mun'a lou kadei louleh kathei dapen vang traffic ahi' tin Sneijder chun Inter channel ah chun aseiyin ahi. Sneijder in tunai cha 2010 kum bul lang chun alivei chan lhinna Supercoppa title lah na achun inter te dingin pan lah na len tah ananeiyin ahi.