Mizoram govt chun aseina ah Aug 30 a pat achenna mun a akoitup nading neiho bou in govt hetpihna akilah thei ding ahi, ati. Gari hatah a apunbe toh kilhon a hiche danthah hi pohdoh a um ahi. Hitoh kilhon a gari thah chohdi gong hon ajuidiu dan thah transport department hon semtoh san akoi taove. Hiche danthah dungjui a gari thah choding hon akoitup nading achenna mun a anei masat kul ahitai. Hiche hi Aizawl khopi a thuso miho masang a transport secretary P Lalthlengliana chun janhia chu aphondoh ahi.
Transport department chun tu Lhajing nisim 30 jou a pat akoi nading kitup neilou ho kom a gari joh phal hitalou ding ahi ati. Hiche danthah hi akisemthah Mizoram Motor Vehicle (Amendment) Rules, 2010 noi a chelha ding ahi.
P Lalthlengliana asei na ah hiche danthah hi Lhajing 16 a chepan dia kisemdoh hijongle Lhajing 30 chan a kisuhsao be ahin, hiche jou a pat akoina kitup neilou hodia gari choh jeng jong phal hitalou ding ahi, ati.
Hiche danthah noi a high security registration kichepi ding, driving license aumsa ho smart card a kheldohlou, manthei hung hitalou ding, tuletu a Aizawl khopi a hung kichelhah sah a ol ol a state pumpi a hung chelha ding ahi, tin transport secretary chun asei e. Langkhat a thulhut kimuchun asei na ah, Lhatun - Lhamul phatsung jengseh hin kang thah 4515 apunbe in, hiche holah a 107 chu govt a ahin amohse 4408 chu mimal gari ahi. Hiholah a chun gari kengni nei 2298 aphan hichu akeh khat sang a tamjo ahi.
Traffic police hon lha khat a dangka lakh 6 adondoh jing diuva thupeh um
Shillong, Lhajing. 22(NNN): Datmo umtah a thilguh kihedoh khat chu ahileh, tumasang a Shillong khopi sunga Traffic police hon nasatah a gari lhei ho kholchilna anei jeh uchu achung lang a vaihom hon lhaseh leh dangka lakh 6 adon doh diuva thupeh anei jeh u ahi.
Thu kija dung juiya chun, hiche sum dondoh ding jat hi akimu joulou leh, junior police officer ho leh noilamse
ho lhalho sanía patsa kikah ding ahi ati. Hiche sanga khojo cheh chu, akhoh leh anatoh naova kon'a jong kihaisah diu ahi tin thulhut chun aseiyin ahi.
Sorkar lang a pat thu kimu chun, hiche thu hi adihnai ti photchetna ape in, chuleh lha thum tobang ahinche piu ahitan hiche a sum kimu ho cheng hi ''state fund'' a akikoiye ati. Hinlah, akichen lou khat chu ahileh hiche sum
kidong doh hohi ipi a kimang cha ding ham ti akiseipoi.
Hitobanga kigahna thupeh noiya natoh ahahsat jeh leh alha seh a sum khujat dondoh jing ding hahsa asah jeh
uvin police tamtah in anatoh u anga tauve ti thulhut chun aseiyin ahi. Hiche thupeh juijou ding ahahsat na jeh
khat jong chu ahileh, Shillong hi khopi neochaahin gari lhai jong khopi dang hotoh te dingin atampon chujong leh ''per-capita income'' jong khopi len dang hotoh te din ha lhom in alhom in ahi.
Police official ho seina achun, "fine" tamjo hi gari neihon parking hilou namuna gari angah jeh uva kon ahin, hinlah Shillong tobang thinglhang khopi hoa parking hah danjong hetthem angaiye ati.
Police officer khat in guhthim a aseidoh khat chu ahileh, 'bongnoi johpa khat chun aniseh leh dangka 100 fine, nikhat a alodoh jat jong hilou chu hoiya apehjou dingham?' tin aseiyin ahi. Alang khat a bongnoi chula athah tei tei ngai, athah nading munna chulah parking bolna ding mun umlou. Ipiti hiche thil neocha cha hoa kivei miho chun niseh a "fine" apeh jingkei diu ham tin thudohna aneiyin ahi.
Khatpa kit in aseina achun, 'khopi sunga parking bolna ding mun khat seh seh um jong gari adimji tan, alang
khat a "fast food" (nehthei) joh hon hop li a hopkhat tobang mun alo kit uvin, hoilaya chu gari nei hon agari
hou angah thei diu ham?' tin amin seidoh louvin alung han na aphongin ahi
Nagaland Kigwema a munchim jeh a Kohima khopia thilman kal
Kohima, Lhajing 22 : Misemni nilhah lam chun Mao gate leh Kohima kikah Kigwema kho kom ah go
hajuh jeh in mun achim thah kit in mopohna neihon nasatah in suhtheng nadingin pan alauvin ahi. Hiche
munchim jeh hin Nagaland khopi Kohima ah thilman nasatah in akal in, neh le chah chuleh thao hojong
ahah lheh tai tin thulhut akimun ahi. Thulhut kimudung juiyin Lampi set hi lhajing nisim 13 a kipan ahitan thil le lo Kohima a alhasam na jeh pen chu ahileh National Highway-39 Kohima leh Dimapur kikah a KMC thilkoina mun komachim lhah jeh ahi. Niseh in lampi tangden gari ho akibejing in ahi. Thulason them khat seidan in thilpo gari akitang den hohi sang khat aval tai atiuvin ahi. Gari themkhat chu lampel lamah ah ache un ahin gari len thil tampoh ho vang lam noplou jeh in ache ngampouvin ahi. Border Road Organisation (BRO) Officials ho in hiche anem lhasuh lai (Sinking Zone) khelna dingía lam that kijeh hi metre 350 vel ahi in lampi phatah a sem chai ahi nading hi ni sombeh ngai in te amavang go ahiti juhjom peh leh ngaito sang'a hung geisang jep ding ahi ati.
