Lungnop louna match tampi ana umjongle, kinah nale boina tampi hungsoh ding ham tia ginmo um phat masa lang a pet chu, ema soh louvin South Africa a ding in tournament lolhingtah a kichai chu ahitai. Akiletsah nao vetsah na ding in, post-aparthied South Africa gel khohna neijing mipa, Nelson Mandela in match kipat masang in mipi 85,000 val kikhopna mun achun chomkhat khut jap pum in valle na ana nei in ahi. Mandela, 91, damlou pahi, bodyguard hon aum khum pum in golf cart a akitol in chuleh mipi hon aphung min Madiba tia sampum in ana lem uvin ahi.
Former president, kum 1994 a South Africa apartheid akon ana puidoh pahi, atunu car tosetna a ana thi jeh in
opening ceremony a chun ana pangthei tapon ahi.
'Hiche chu match hatah khat ahi. Players thepna neitah kanei uvin chuleh goal khat le ni ho jong kakhumbe
thei u ahi. Ahivang in result hi chang ding mong in kakigel in chuleh tunihi keidinga kakipana pen nikho chu ahi,î tin Spanish coach Vicente del Bosque in television a chun aseiyin ahi.
Dutch coach Bert van Marwijk in aseina a athemjo team in jona anei ahitai ati. 'hat kichai kon minutes nile
thum a kilel tihi ana lheh in ahi. Misom kapan vang uvin penalty shoot out hi umding in kagel in ahi. Ahah lheh in ahivang in hiche hi kichepna chu ahi.
Anigel lhon in goal khum nathei phat kilem chang chu ana mansah lhon in, seiding in Dutch Winger Arjen Robben in nivei ana khum thei chu Spanish goalkeeper Iker Casillas naltah in a save doh in ahi.
Tv a veho (Television Audience): Leiset chunga mi 700 million val hin tv a final hi avet ding in FIFA in aginchatna chu aseidoh in ahi.
Hiche jona hin Spain te Europe's sunga natohna neilou tampen chuleh bet neitampen tehi hiche akon a kiledoh nakit theina dinga thahatna apeh ding in ginchat aum in ahi. Host nation adinga group stage a pot masapen chu
hijeng ujongle, South Africans tevang kipah thanom tah in ave in apang uvin, chuleh hiche tournament hi mitamnapen athum channa a apan nain akithopi uvin, three million seats ajoh doh uvin, United States mun a 1994 kumle Germany muna 2006 kum ban in athumna in apang tauvin ahi. President Jacob Zuma in amahohi champions dihtah chu ahiuve tin achoisang in
ahi.
Chief local organizer Danny Jordan in aseina achun, tournament hin jat jouse kikhetna umlou in thakhat in
ahin puikhom in chuleh Nanghohi aneo jo nahiuve tia kum ejat hamkhat hungkisena chu tuhin South African tehi sangtah phahjouna aneisah tai ati.
