chungah lungtho neitah in akichem uve tin Pu. J.M. Zou, Secretary Information and Publicity UKLF a konin thuphon akimun ahi.
Aman aseina ah SoO ground rules toh kikallin KNA/KNO hohin amaho phatchomna dingin deimo umtah galguhbol athah tampi ñ PRA, UMLA, KNLF, KLA(T), ZRF, UKLA(MC) chuleh adang dang aphutdoh taove. KNO tosotna noija galguhbol hijatpi ahungpen behi phungle changa kilhe khenna chuleh Kuki mipi
hibang gentheiho chunga sumlepai langa hahsatna cheh hunghi ding ahi ati. Sorkar hin KNO noija UKLF hon thuphon hinnei galguhbol hijatpi apunsah behi UKLF hin kahethem thei pouvin chuleh ginmojong kaneijun ahi.
Moreh Itegrated Check Post a gam neiho compensation namphu a KNA/KNO in dangka 20 crores alahpeh uva sorkar'n akihetmosah jenghi UKLF hon nom kasapouve tinjong aseiben ahi. SoO ground rules hin
mi sumlahpeh ajahda ahin sorkar hin ibolla agam man compensation kilahpeh ho huna a aphatcha tohgon
aneilouham? Hetding khatchu kumkhat masangchun SoO kinoptona a soibol ZRA hon UBI, CCpur a konna
dihloutah a sum alahdoh uchun gangtah in sorkar'n action alan sumjong alelahkit taove' ati.
Hijehchun, UKLF hin state leh centre sorkar hin Kuki galguhbolho aseiset sang uva SoO ground rules
hi ahina bangtah a implement abolna diuvin tepna akineije tinjong aseiben ahi.
Simlai khat kitha na chunga KSO Saikul in demna nei
Saikul, Lhamul 15: Achesa lhamul 13 nikhoa Shillong tolpia anakithat Pu Kamchon Chongloi chapa
ngaitah Gl. Romeo Haominlen Chongloi longdamsa chu tunin ain mun T.Thangkan ahunglhun nabana
KSO Saikul in jong vailhahna le insungmi lunghem pina kinna akipangin ahi. Simlai Gl. Haominlen Chongloi in
hiti tobang toset ato hohi insungmite dinga vangset umtah ahina bana agam mi le anampi dinga jong manna tah
khat ahi. Hijeh chun athat ho chunga demna lentah akipen, chule tunung tuban tengleh hitobang thilsoh aumkit louna dingin temna akineijin ahi.
Chule Shillong tolpia patsa ainmun geija ama longdamsa hinboipi ho jouse chunga kipathu akiseijin chulejong
ikingailutnau tahlangin aume tin Songpimang Misao, Infomation & Publicity Secy. KSO Saikul akonin
thulhut akimui.
