Manipur a cheng Meilhei /Meitei tailou Non-Naga jouse hi Kuki ahi. Kuki hina-a konna lhase a potdoh hon Nomenclature achom akisem uvin ahi. Hinlah vannoi (World) jin ahepha pouve. North East India sung a cheng Non- Naga jouse hi mijousen Kuki tia ihet'u ahin
Myammar (Burma) a Non-Naga jouse chu mijousen Chin, tia eihetíu ahi. Lushai hon Statehood ahin muphat uvin Mizo akitiuvin, agam min nu Mizoram asah taove. Hinlah Mizoram a chenglut sese chu Kuki ngen ahiuve.
Myammar (Burma) a Non-Naga jouse chu mijousen Chin, tia eihetíu ahi. Lushai hon Statehood ahin muphat uvin Mizo akitiuvin, agam min nu Mizoram asah taove. Hinlah Mizoram a chenglut sese chu Kuki ngen ahiuve.
Kuki hi ajah nom lou mi atam na ajeh hi um ding mong ahi. Lamkai anakitup lou jeh timai hiute. Manipur hi
agamnei Kuki, Naga chule Meilhei / Meetei ho ahibouve. Meilhei/ Meetei gam hi valley / phaicham sung
bou amaho gam ahin, Thinglhang gam hi tribal ho gam ahibouve. Tukal Meilhei /Meitei tehi Manipur gam neite
iti tah lou hel diu ahi.
Kuki lamkai masaho mitmo jeha Manipur a hi Chin, Zomi, Mizo, Hmar kitiho hi hung kisei doh ahibouve.
Vannoiyin ihetnao Kuki ihinao hi phatecha ikituh chah kheh diu, ikisem phat diu ahi. Gam jong inei nom uleh
Kuki minna movement ineilou uleh kimu ponte. Ipu ipateu Kuki anahisoh kei uvin, koima ajamdoh/achomdoh ana umpon ahi. Kuki ithet jeh uva ikitomonau tam cheh cheh chule min inoise cheh cheh u ahi.
Naga district thum aum in phaicham gam neiho a cheng thei pouve. Hichun avetsah chu agam mu ahipoi
tina ahi. Kukiten district thum inei uvin aneije ihet lou jeh uvin phaicham gam neiho ichen sah uvin, tun amaho
agam neite iti kit uvin, ano dohding dan ihe tapouvin, amaho joh igam uvah athunei jon apang taovin ahi,
Achutileh nampi lamkai kahi tihon i nalo dingu hitam? Nam sepai hon igam sung'a kithunei sah hohi ilo ding
natiu hitam? Hoitah in geltem uvin.
Hoilamma Kukiten sochatna ding kong itoldiu ham? Phaicham gam neite bel jong leu hen phat khat leh
imaikhah diu musa ahin, tu jeng a jong politically a lbolnao hi kihedoh ahitan, iso piteu, itribal chan khompi
teu toh ina kidou taovin, mi tamtah inathi taovin, inmum loumun tamtah ichan taovin, alung damlou itamkit diu
musa ahin; eimaho seh in kong tol leuhen, sochatna kong isosah diu hahsa thim in akimun ahi.
Hinlah eiho ding'a sochatna kong itolkhom pidiu chu thinglhang gam mi isopiteu tilou adang um lou ahi. Ajeh
chu phaicham gam mite lunggel hi eiho sochatna ding umlou ahi. Ana kina hiutin, ana kidou / kithat jong leu
hen ihou kibahpi, ineh kibahpi hohi toh kicham mona ding umlou ahi penne. Ajeh chu phaicham gam neite
hin isopiteu gam alo theilou/ cheng theilou, akichatnu ahin eiho vang inoiseu va igam muva anop nop ma kisa
ngam ahiuve. Thinglhang gam inei khom pite toh kitoh tah a ipan khom thei teng'u leh phaicham gam neiten
eija taovin tin, igammu jong igam'u iti thei diu ahi. Phaicham gam neite ibellu va, kong itolkhom uleh amang
thah tei ding ihiuve ti alen, aneovin ihet diu ahi. Ajeh chu alunggel'u leh athilgon nu kihesoh ahitai. Koijoh
toh kong tolleu hen phading ham ti hi nampi Lamkai kahi tihon nagel khom diu ahi. Tua patna guhthimma pan-
lah kipat ding ahi. Achutilouleh imajouse min achai/abol chai nungíanatongía kon phachom lou ahi.
Guest Editor: Dr. H.H Mate
