Literature thua midang phahna dinga toh dingho
Kukite hi Literature thua kitohmo pen loitah kihinte. Literature thua ikito louna hou seitheiya um ho chu veu hite. Ipilam lam hi ahop ham ti kihethem jou hih jongle themkhat veuhite.
9.1. Literature Thua Ikitolou Dan'u.
Literature thua ikitolou dan'u hi noiya hoa hin kimunte.
(1) Pao min a ikinop to theilou hel'u hi ingolnau khat ahi. Kuki le Thadou thua ikitomo uva ikichu uhi khantou mona ahi hetdoh a khahdoh phat ahitai. Hiche a eima deipa le pannapa kitona ahikhah lou ding kichatna pa hin eisuhkhen'u ahi. Eima deipa sanga kitona chu phajo mai thei ahi.
(2) Bible le Labu khat neiding inop louvu ahilou le kitona inei theilouvu jong hin eisuh nem'u ahi. Pao kibang la hi, Bible le Labu khat kimagthei louhel hi ngolna khat vang ahi. Hiche ngolna jeh a hi ikhantou theilouvu ahi. (3) Kitomonau dang khat chu Spelling thu ahi. Miching jep nam ho chun kitona thei aumle aman sohkei jeng theiyu ahi. Eimi ho dinmun vang hi ivet le eima phatsahpa thipi ding igot cheh u hi kitomona, khantou mona ahi.
9.2. Literature Thua Kitona Dingdan Vetna.
Eimite Literature thua kitona neiding akiti teng chunga kiseiho to kitoh a vet angaiye.
(1) Pao hi literature thua thilkhoh tah khat ahi. Pao khat thote hi namkhat kitiji ahi. Nam loikhat chu Pao kiheto lou tamtah umjongleu eihovang Pao kiheto sohkei ihiuve. Hijongle eimi te lah a hin paochom jep tobang tho a ium'uve. amaho chun literature chom aneiyu angaijeh in anei sohkei tauve. Hiche hohi pao kithakhat so ding kiti le gal so lo thei tante. Ahinla pao khat tho cheng eiho dinga isei teiyu angaiye. Literature thu isei teng pao khat thokhom ho ding seina ahinom jie.
(2) Eimite kito angaina khat chu ahile Houbung Labu le Bible thakhat manthei ding hi ahi. Thakhat akiman masanga chu mi kilungto loute ihina kivetsah, kiseidoh dan'in aum'e.
(3) Nam lenthei ding chi hileu hen Pao spelling thu a hi ikiboi lou diu ahi. Khat pen pen chu kimang le ikito thei pou le aseval aphaval umponte. Nam lenkhat hina dinga chu spelling hojong khelthei louva khat hikhom angaiye. Englishte spelling khu khel theilou ahi sohkeiye. Spelling akikhel le seidoh chom nei ahiji tai.
Tekah in heal ahile ìdamsahî, îjendamî tithei ahin, a spelling ihetkhelía hichu ìhillî itile mol le lhang seina ahitai. Eimiten spelling kheltheilou inei kahseuva akhangtou lou ihidiu ahi. Loikhatíin Bible a spelling kimanga ilunglhai laiyun adang ho lunglhai theilouvin aum'un athah asem vangun imanpeh lou jeh un alolhing thei deh pouve. Eima dei bou hitei le ti gel hihleu hen khat pen pen'a inakito thei diu ahitai. Spelling hi ipi bol'a, ipi seiya ikithuto diu ham ti hi thilkhoh tah ahitai.
Lamkhat'a seidin eima spelling cheh iman jongle akikiheto nai. Ahivangin spelling kitolou hi ima ihilouvu mu-
dohna bou ahi. Spelling ikito masang seuva chu simkham lou nam ihinahlaiyu ahi.
Spelling thakhat man theina ding hin ilungput'u jong semphat angaiye. Ilungput'u ilunggel'u Spelling thakhat
man theina ding hin ilungput'u jong semphat angaiye. Ilungput'u ilunggel'u pailhah ngailoitah chu ahile a ipi pha
mong hih jongle eiboldoh, eima semdohpa hi bou kimangle ti ineiyu hi ahi. Kitona ahipoule koi boldoh kimang le akhohpoi ti angaiye. Nam loikhat bol dan hithei chu ahile committee kilheng doh a amaho dei dan chu nam pumpin aman jeng theiyu ahi.
Hitobang dinmun'a hi namdang hidan banga kiche thei jilou ding ahitai. Eimite dinmun hi achom beh a sem angai tai. Eimite lah a bol ding dan chu ahile aching pen pen ho chun kito thei nadia chu angoljo ho spelling chu
apompeh masat phot'u angiye. Hitia chu midang sem'a chu khang khat tou ache jou tengle aphajo aum jongle
olía angoljo ho het theiya seiya thahsem tho thei ahi. Chutile amaho deiya ium masat jeh a chu eima deiya
ol ol'a hinpuilut thei hiding ahi.
9.3. Lekhabu Pha Tamnei Theina Dinga Tohding ho.
Lekhabu hi tamtah umjongle apha lhom thei, apha umlou thei ahi. Lekhabu pha tamnei theina ding chun
anoiya hohi het angaiye.
(a) Lekhabu apha atam theina ding chun ama satah a lekhabu sun ding chu themna sang neidom ho hidiu
ahi. Themna sang dom neiho chu tilkhouva, nampi khantouna thei lekha sun dia tem ngai ding ahi.
(b) Nampi khantouna thei lekha sun thei ho lekha sut ho chu nampin asodohna thei lampi angaitouva asopeh
theiyu le aso nadiu angaito diuvin aphai.
(c) Text book ho jong hi eipaove aso thei diu le hiche sun thei ho le Literature society ho tildoh a bolsah an
gaiye.
(d) Namneo jep ho dia aphatah vang chu pao danga lekha pha tah tah ho kiledoh a eipaova kisodoh ding ahi.
Eimi tamjo sanga sun them chu namlen ho lah a umding ahi. Hijeh chun namneo hina a ibol diu chu ipilam
lekhabu hitale jat len nam len ho a mithem sangho lekhasut phadom dom ho chu eipaova ledoh a sodoh doh
jeng ding ahi. Chutile amaho lah a lamchom chom'a khantouna ho kihe a kidelpha thei dom ding ahi.
Lekhabu punsahna dia sum le pai thua manchah thei chu Literature Society tobang khat phudoh a hichun sum
le pai ho le lekhabu ho sodohna ding agontoh jing diuvin aphai. Nam len, nam ching ho din lekhabu ho hi (mihil) (teacher) tobang ahiuve.
banjom nalaiding.....
