(MPI) akiti in hichu Oxford Poverty and Human Development Initiative (OPHI) in abol doh ahi. Hiche thulhut hi ahung kiso ding 20th anniversary edition a UN Development Programme Human Development Report a kipe ding ahi.
Pakistan leh Bangladesh a mi vaicha 58 percent ahin, India a 55 percent chuleh Nepal a 65 percent ahi. India sunga mi vaicha lhom napen state 5 hochu Tamil Nadu, Uttarakhand, Maharashtra, Haryana leh Gujarat ahi.Alangkhatna avaicha tamna chu Bihar, Chhattisgarh, Jharkhand, Madhya Pradesh, Orissa, Rajasthan, Uttar Pradesh leh West Bengal ahi. Agom in mihem 421 million avaicha aume hichu African gam 26 a avaicha ho sangin atam jo nalaiye.
UP minister buluna a bomb chu TNT apange : FSL report
Lucknow, Lhamul 17 : Forensic Science Laboratory (FSL) thulhut kimu dung juiyin achesa Lhamul 12 nia state minister Nand Gopal Gupta buluna a bomb apohkeh thei kimang chu TNT ahi atiuve. Hiche kibuluna ahi mi 1 thi a chuleh adang mi 6 nasatah a kitongkha ahiuve.
Additional director-general, Special Task Force Brij Lal in aseina a hiche bomb chu TNT ahin RDX jong pang dingin ginchat aum e ati. Tun akiman ho akona itobang bomb ham kholdohna um ding ahi ati. Masanga chu FSL director Santosh Kumar in imacha asei phong lou ahin hinla tunia aseina a hiche bomb kimang chu kichat umtah ahi ati e. ATS, STF leh district police hon ajam mang ho matdoh nadin natoh achelhah pi jing un
ahi. Janhi changei chun tua ajam mang mi 7 ho chu hoilaiya aum u ahedoh hih lai uve. Amaho lah a hi Rajesh
pilot jong pang ahi. Rajesh Yadav leh Kripa Shankar Pandey akon in kiphon na aumtan hiche buluna chu
Samajwadi aprty lamkai Dilip Mishra thusah tah a kibol ahi ati lhon e.
Kolkata khopi a Swine flu natna umkit, mi 12 dammo lah a minister 1 pang
Kolkata, Lhamul 17: Swine flu natna Kolkata khopi a avel in aum kit in ahi. Achesa ni 11 sung chun mi 12 H1N1 Virus positive ahi akiman doh in amaho lah a minister Nandagopal Bhattacharya jong apang in ahi.
Ningkum asat lai tah chun Swine flu natna ana um in hinla tukum in vang chun lai tah ahi tai. Tuchunga akhoh tah khat chu hiche natna hi gamdanga kon hilouva agam sunga kon hidin tahsan aume. 2009 kuma chu ahileh North America leh South-East Asia akon ahi.
Ginchat umpen tah khat chu hiche H1N1 natna hi Kolkata khopia umjing hidin tahsan aume. Ajeh chu hetna neihon asei dungjuiyin hiche natna hi sohdoh louva mihem leh gancha chunga sottah hing thei ahi atiuve. Ningkuma ana um chu tu ni ahung sat phat a hung pong doh kit hinte tin Tropical medicine specialist Tomonash Bhattacharya in aseiye. Swine flu masapen chu Bengal sunga din Lhaphul 11,2009 nin akiman doh in hichu lhani sungin H1N1 a damlou mi 130 alhingin, phat chomkhat jouvin athip mang del in ahi.
Ahmedabad a college ho English paova kihilna neipanta
Ahmedabad, Lhamul 17: English pao khantouna hi suhtang thei ahi lou dan chu Ahmedabad khopi a um college hon masanga Gujarati paova kihilna anei uchu tun English paovin akikhel gam tai. Hiche hi English pao ngehna atam jeh a kibol ahi. 2006 kum in commerce college 12 umna a English paovin class 30 ana um in hinla Gujarati paovin class 110 ana um ji e. Tun vang commerce college 45 umna a English paovin class
90 aum in Gujarati paovin class 16 bou aumtai.
Achesa kum khat sung Ahmedabad khopi sunga Gujarati paova class 17 jong English paovin akikhel tai
chuban leh hiche ngehna hi Gujarat University koma tampi aum nalaiyin ahi. Saurabh Choksi, Principal
JG College of commerce chuleh college principals' association a president in aseina a English paovin 4
chuleh Gujarati paovin class 1 aume ati. English pao demand hat dan chu section chom beh semdoh na din
phalna kathum uve tin Choksi in aseiye.
CID in Blakey kitha thua mi 100 val man
Dharamsala, Lhamul 17 : Local CID in Michael Blakey kitha na kholchilna nei din pan alah ban uvah mi 100 tobang aman un thudoh anei tauve. Michael Blakey hi charity organisation ëTong-Lení kiti ahi na atoh ahin athisa a St. John Church kom vacha khat a kimudoh ahi. Ama hi song a kisep lih hidin agingmo un ahi chuleh autopsy report a jong thil gih khat a kithat ahi akiti e.
British sorkar in athu hi kholchilna aumloi na dinga asei jeh uva athu hi CID hon athah beh a ahin khol u hidin tahsan aum in ahi. Crime Investigations Department (CID) ho hin tua hi ama case hi atuh u ahitai.
Shimla a diarrhoea natna a mi 53 dam mo
Shimla, Lhamul 17 : Shimla khopi a diarrhea natna jeh in mi 53 athah beh a adam mo kit in ahi. Tuchan
in hiche natna a damlou mi 170 alhingtai. Achesa ni 3 sunga chu hiche natna hi Shimla muna ana lengin ahi.
Sanjauli mun chu akhohse pen ahi. Health worker hon vang twi thenglou jeh ahi atiuve.
State surveillance officer Vinod Mehta in mi9 53 lah a 37 ho chu Sanjauli dispensary a akijen un, mi 7
chu IGMC hospital a aum in chuleh mi 9 chu Rippon hospital a akijen uve ati. Tun vang hiche natna jeh a
dammo aum be tapoi.
Tuchan geiyin hiche natna jeh in chapang kum 12 khat athi in ahi. Amapa chu hospital ahung lhun masanga thi ahitai tin health officer in aseiye. Twi ho laboratory a test akibol in hinla a result akihe hih laiye. Surveillance officer pa vang beh jeh hiponte ati.
