Chujong leh Tolbol(Jan) lha chun Los Angeles khopi a ka-um pet in kaloi khat in eihin houpi in,Yodeline minía lasa chu koiham abolthei in athem lheh-e tin eihin dong'e ati Amapa chun,studio a nahunga kalasem ho khat nei hung sah peh thei ding ham atin hijeh chun keima jong kache in background singer kahi na akon in duet in lasah na kaga neiye ati. Phat chomkhat jouvin kaloi khat in Paris mun'a Olympia umding ahin la nahung sah thei ding ham atin keiman jong heng'e kati in ahi tin Cotillard in aseiye.
Hinla kum 34 a upa actress nu hin la asah dinga ahileh amin akhel angaiye.Aqman asei na-ah heng'e kamin kakhel ding ahi ajeh chu Marion Cotillard chu hijing theilou ahi ati.
Hiche jeh chun Simone min kamang in ahi.Simone hi kapi min ahi tin Marion Cotillard in aseiye.
Kapi chu ahin laiyin lasah ding atha ananom lheh in ahi.Hinla amachu kum tampi masang in anathi tai
tin Cotillard in aseiye.Tupet a hin lha 2 tobang jouteng kalung gel a hi musician ho hiding chu kanom lheh in hijeh a chu band khat a panding kati ahitai tin Marion Cotillard in aseibe in ahi.
Jennifer Aniston in Mexican food dupen
London,Lhamul 29(PTI): Hollywood star Jennifer Aniston chun,Mexican ho an adupen in ahi.Ijem tia neh ding kilhen na umhen lang hilrh amanu hin spicy an bou alhending ahi. Kum 41 a upa actress nuhin neh-le-chah lam'a kitem na phatah anei ahin aphat seh leh exercise abol in chuleh diet control jong abol'in ahi.Hinla aman aseina a spicy South American an chu kadu pen ahi chuleh an neh ding kilhen na umleh hiche bou chu kalhen ding ahi tin aseiye.
Hiche thu hi aman Stylish Magazine thusoh kom'a aseidoh ahi.Jan an neh anukhah pen'a ipi na neh nom ham tia adoh naovah aman chips,guacamole,quesadillas,enchiladas,tostada salad chuleh nachos hohi kaneh nom'e tin anaseiyin ahi.
Hinla 'Friends' star nu hin UK ahung teng Mexican nehna munho a quality atuidan aum poi tin demna aneiyin ahi.Hiche thu hi nangho kom'a kasei ahin hijeh a chu Mexican restaurants ho a neh kibol dan semphat angaiye tin Aniston in aseiye.
Ahin keima tah jing jong Mexican neh bol in kathem dehpoi hinla keima ding in tortilla chips leh guacamole kaki sem theiyin phat kanei kom leh nehding kaki bol ji-e tin actress nu chun aseiyin ahi.
Madonna in vanlenga a private chef kipui
London, July 29 (IANS) Pop diva Madonna hi a special diet bol hin alung alodim a chuleh agelkhoh behseh jeh in vanlenga alenle phat leh asunga a macrobiotic meals hon ding in private chef khat hire abol in ahi. Singer nuhin a strict diet bolna a hi kipum pehna aneijeh in vanleng sunga agil kel phat leh a diet dung juiya ahonpeh thei ding in abuhonía pang dingpa vanleng ticketjong achoh peh in ahi. Tu naicha-a New York apat London chan vanlenga alenna a chun, kum 51 a tah singer nuhin abuhon'a pangpa acheche na-a akipui jeh in sum asang asang asumang in chuleh hiche akhol jin nadinga chun Madonna in vanlenga upper class chu abon in booked abol-e tin contactmusic.co thulhut chun aseiyin ahi. ëHiche vanleng sunga cabin crew umho chu rules le requirement ho hoitah ahet theiyu le ajuithei nading uvin thupeh ape uvin,chuleh amaho chu Madonna kom'a jong alut sah pouvin angai adeichat um am? tijong adoh sah pouvin ahi.Iti ham khatía hiche thil ho hi abol dingu ahi leh a assistant nu adoh u angaiyin ahi.Vanleng sung abon'a aman hitia alojeng hi ivet leh nuijat jong aum in chuleh akidangtah thilkhat jong ahií tin hiche vanleng sunga touho mi khat chun aseiye tin thulhut khat chun aseiyin ahi. Madonna diet ho lah-ah hin anche louhing le nga apang in ahin amahi dairy, sugary treats ahilouleh processed food kitilang ho phot phot aneh theileh adon theilouvin aki seiyin ahi.
Miss A te Soribada music chart a kal 3 sung top hi-u
Soribada ten anukhah pen'a la lhamul nisim 18 apat nisim 24 chan chart ranking abol na uvah chun Bad Girl Good Girl in hiche competition hi a 2 na in apang un ala kit uvin,OST la IU le Lee Seung Chul in,tua dramas Road No.1kiti dinga asah lhon le King of Baking kiti hi top 3 apang lhon in ahi.
Amaho band hin tulha bul lang in a debut album uhi sempan bep jong uleh miss A kiti lasa group te hin Se7en, Jay Park, Taeyang le adang dang akitet pi houhi ajousoh kei uvin top spot mun chu kal 3 sung in ala uvin ahi.
Soribada music chart a representative khat chun,miss A kiti rookie girl,group hon hitia lolhin na
sangtah aneiyu hi tahsan leh ginchat aumpon ahi.SNSD te la 'Oh!' kiti hi 2010 kum bul langa chun
kal 4 val lang No 1 ah ana um in hiche hi miss A ten atet lhah jou uva a record sale ujong hi akhel jou uleh vang amaho jong hi het thei leh lolhing tah group khat hi ding in hatah in gin chat aum'e tin aseiyin ahi.
