kitho khomna chuleh khatle khat kija tona nadinga jail akon ahung potdoh a natohna neipa hin, lunggel anei in chuleh alunggel chu ahile agamsunga World Cup mutei ding tihi ahin, tuhin alunggel chu agui lhung tai,' tin FIFA president Sepp Blatter in tu kal sungin chun aseiye.
Kum 27 tobang apartheid jail a aum jou in, Mandela kum 1990 election a South Africa lamkai dingin ahung
kilangdoh in, hiche chun ama kum 1994 in president ahin hisah tai.
Amain in term khatbou thaneina anei in, ahivang in office a aumlou vang in South Africa muna World Cup umna dinga nasatah a pan la chu ama ahi. World Cup hin racist hon akichat apartheid era chu sumang e, tin Verna Harris,Mandela Foundation a Historian pain aseiye.
Kal khat jou le, Johannesburg ainmun a ainsung mite hole rural Eastern Cape province muna amain
aphudoh childhood home akon chapang mi 100 val hotoh ama birth lopna anei dingu ahi. Ahivang in, tukum
a hi leiset pum in amatoh apatna a 'Nelson Mandela International Day', chu lopna anei khom ding ahi, hiche chu United Nations in ningkum phallha a amin chamna le chamlhat tah a umna dinga genthei ahin thoh naho hetjing nadinga kum seh le hiche nikho hi kinit ding ahi tia gellhahna ananei chu ahi.
Mandela Foundation hin leiset chung mipi jouse koi hijongle aphat minutes 67 bou hi volunteer work adinga
aman ding in temna anei in ahi. Amain in mijouse in kibahna aneina dinga gentheina kumseh a minutes khat ahinthoh jing in ahi.
China in Tibet thua India in panmun kicheh anei dia ngeh
Beijing, Lhamul 14 : Indian foreign secretary Nirupama Rao in kal sunga Tibetan hou lamkai Dalai Lama toh akimuto na chunga galguh bol atum a kivaipoh ding dei ahi tia agel jing jeng ahi. China in aseina a India in Tibet gam hi China a ahi tin akam in aseiyin hinla atoh achom ahi ati. Chuleh India in Tibet thua kitepna anei ho phatah a ajui din jong tepna aneiyin ahi. India in agam a hung pemlut Tibetan ho bou aboipi din jong thupeh aneiyin ahi tin foreign ministry spokeman Qin Gang in aseiye.
Spokesman in aseibe na a India in agam hi China deilou ho kiphin na a anei sah lou dia kitepna anei jong phatah a India in ajui angaiye ati. Shiv Shankar Menon in Beijing avil nikhat jouva Rao in Dalai Lama hi ana kimupi ahi. Menon hi Prime Minister special envoy ahin premier Wen Jiabao toh jong kimuto a che ahi. Tibet
chung chang thu hi president Pratibha Patil Beijing akholjin chun akisei doh in aih. Tupet a India leh China kikah a kigolchatna hi phamo deh lou ahin hinla China in Pakistan gama nuclear reactor 2 semdoh ding agot hi India nom lou ahi.
CIA in Iranian scientist khat $5 mun apeuve : Report
Washington, Lhamul 15: CIA hon Iranian nuclear scientist khat $ 5 million apeuvin Iran nuclear programme a thuguh ho aseidoh nading ahi tin thuso khat in aseiyin ahi. Hiche scientist pa chu amin Shahram miri ahin phat sot tah pi US a aum jouvin Iran gama akinung le tai. US agents hon apuimang jou un US a aum den nadin $ 50 million kipe ding nahi tin ana jol uve.
US in aseina a Amiri chu US a um dinga kisei ahin hinla khonung in alunggel ahin khel in Iran a akinungle kit tai atiuve. Alang khatna Washington post in aseina a Amiri chu kum khat val jen CIA a pang ahi ati. Amiri in Iran
nuclear programme a thuguh a seidoh nadin $ 5 million apeuvin ahi. Hinla Amiri in thuguh seidoh ding imacha
kaneipoi ati e. Amapa hi Saudi Arabia gama suti achena akon a ana kihol mo pai anahi e.
Germany le Russia in multibillion kinoptona nei lhon
lah a chu Siemens AG leh Russian Railways in regional train thah 200 semdoh na dinga dangka euro 2.2 billion ($2.8 billion) contract soi abol lhon ding ahi. Siemens hin masang jep a chu Russian Railways koma train 8 anajoh ahin, hichu Moscow leh St. Petersburg changei lhai ahi. Hiche hi Russia dinga high- speed train masapen jong ahije.
German Company hin Sochi mun Black Sea resort muna Winter Games umna dinga commuter trains 54
apeh ding ahi. Russia dinga Germany hi sumkolveina a alen pen khat ahin tukum first quarter sunga gam tenia sumkolveina hi $15 billion alhinge. German-Russian forum a ahoulim na a Medvedev in German company ho in Russian firms ho a invest abol nadiuvin atem in ahi. Hiche lah a chun airports leh factories ho vetsahna paper mills apat train car semna lam a sum le pai vei tongna anei diuvin atem in ahi. Markel leh Medvedev in Russia-EU kitimatna leh international thu vetsahna Iran nuclear programme leh adang dang seikhomna anei lhon ding ahi
India le Pakistan in kitahsan nadia kihouna pan kit ta
Kum 2 masanga Mumbai kinokhuma mi 166 athi apatsa gam teni kikah a kihou sangtah ana um lou ahitai. Pakistan in agama pansa galguh bol Lashkar-e-Taiba ho suhthip na anei lou leh India in ijat kisei jong leh phachom lou ding ahi ati e. Lashkar-e-Taiba ho hin Mumbai bulu a chu amaho hi ahiuve tia India in ngoh na anei ahi.
Ku m 20 masanga chu kashmir gama boina sem dinga Pakistan in Lashkar-e-Taiba ho hi ana semdoh u ahi. Hinla US in asei hat jeh chun 2002 kum in sorkar in banned anabol un ahi. Hinla analysts hon vang tuchan in Pakistan sorkar leh hiche galguh bol ho hi akikhut jop jing nalaiye atiuve. Pakistan sorkar in vang Mumbai buluna a pan kala pouve ati. External affairs minister SM Krishna in ni masa nia Islamabad alhun in galguh bol ho Pakistan in asuhthip na dinga kisei jing dingahi ati.
Afghan a Taliban hon buluna nei, NATO sepai 12 thi
NATO International security Assistance Force (ISAF) spokesman chuleh German army general Josef Blotz in
aseina a gal kibol hi ahahsat pet lai tah ahi ati. Taliban-style a bomb kibol na a US sepai mi 4 athi in anga channa chu meithal neo a kithat ahi tin ISAF spokeswoman in aseiye. Taliban hon car bomb apokeh sah nauva US sepai mi 3 leh Afghan civilians mi 5 athi uve. Hiche hi kandahar muna um ahi. Kandahar sorkar spokesman Zalmai Ayoubi in aseina a hiche car bomb chu suicide bomber khat in apokeh sah ahi ati. Army camp chu rockets leh machine-gun in 20 minutes tobang galguh bolhon anokhum un hinla Afghan police leh ISAF hon alethuh jeh un compound sung ahung lut thei pouve akiti.
