Hiche hi Indian players ho kum lhung keia achena dingu munjousea hetsahna anei u chung uva hatsatna neiho
adinga lolhinna lampi khat chu ahitai. Dhonis leh Tendulkars, hin BCCI akon tosotna lentah amu lhon in, hiche chu Wada- complaint anop lhon louna bou chu ahipon, ahivang in thil phacomtah new cricket-specific anti-doping code umsah dinga asei lhon chu Boards member jouse in jong anop pih lhon in chuleh Wada code signed ana bol tauvin ahi. ICC code thah noia, hoilai a aumnao hi cases li boua manding :
1) Player khat in doping a suhkhelna aneia ahile/a Board hon nisih a aumna munlah ho ICC a thulhutna anei dingu ahi.
2) Team khat ahiloule team ni hi alangto gel a ahiloule Tri-series apan a ahile, teams ho (flight nos, aumnao hotel, akithem chuhnao mun chuleh kichepna phat ho) chu alhingset a ICC anti-doping arm a thupehna hi ama ma boards ho mopohna ahitai.
3) Player khat chu akisuh khah jeh a kichem thei lou a lha thum val (90 days) aumle, adam kah a nisih a athilbol ho chuleh aumna mun ho chu a board hon ahetsah u angai in ahi.
4) Player ICC's testing pool a amin kiphah apan lou a chuleh lha thum kijom a ahung panthei kit lou a, ngaichat ahia ahile a board hon test bolding chu akimo poh dingu ahitai.
CWG OC temna chu BCCI in lhamul 31 le gelkhomna nei meithei
KOLKATA, Lhamul 15: Commonwealth Games Organizing Committee in BCCI koma dangka crore
100 kithopina ding in athum in ahi.
Thulhut dungjui in, OC in agel khat chu Games (October 3-14) sunga hi Australia cricket team hohin India muna kichepna anei ding ahin, hijeh a hi cricket match jeh a Games TV rating asuhboi ding dan a aum jeh in OC hin BCCI in ahinki thopi ding chu adei in ahi.
Thulhut in aseina achun, BCCI in tuchan in kitepna ema anei naipon, ahivang in Mumbai muna lhamul 31 a
working committee hon meeting anei tengule hiche thu hi gellhahna anei dingu vin ginchat aum in ahi.
Akihedoh kit khat chu ahile, CWG organizing committee hohin dangka crore 1,700 tobang hi hiche mega event a hi mutei dinga target anei u ahin, hiche lah a chu dangka crore 1,600 hi Union government anupeh
dingu chu ahikit e.
Tuhin, OC in television right akon in dangka crore 250 amutan chuleh adang sponsorship lam a kihouna
(Sponsorship deal) akon in jong dangka crore 400 amukit uvin ahi.
'OC akon in lekha thot ema kamu hih uvin ahi. Chuleh hitobang fund tampi phalna dinga working committee hon phatsahna ahin neima sang uvin BCCI in kitepna ema kanei thei hih uvin ahi,' tin BCCI lamkai pain vahchanni in aseiye.
Hetdoh a umkit khat chu Pawar hin Mumbai Cricket Association president ahitoh lhon in boards koma
abol nathei chan in hiche thu hi pohdohna anei in ahi.
WCup South Africa muna kichai, tuhi Brazil kigonna phat ahi
SAO PAULO: South Africa in World Cup lolhing tah in host abol joutai. Brazil te ading in gelkhoh nadingle
hahsatna ding chu ahitai. Kum 2010 World Cup hi South Africa in lolhingtah a host abol joulou ding ham tia
kichatna aum vang in boina ema umlou vin aki chaitai. Brazil hin kumli joulou biggest soccer host bolna dinga kichouna hi kabol joudingu ahi tia vetsahna anei u angai tan ahi.
Brazil in kum 2014 a hiche tournament host bolna dinga kigotna aneina chunga FIFA in demna nasatah ana neisa chu ahitan, aseina achun, hiche gamhi hiche kichepna umna dinga lhing joulou lai chu ahin, hiche achun, stadium ho semphat nading chuleh infrastructure teni jong apang in ahi.
Brazilian gam lamkaihon hiche tournament kichepna ding hi aphat cha a kigontupna gam hin kinei ding ahi tin hetsahna ahin nei uvin ahi. Tunaicha a Government vesuiho akon kihedoh chu 'FIFA time table suh bulhit nading a hin, mun poimo tah tah seiding in airports munho vang aphat cha in kichai man ponte tihi ahi. FIFA secretary general Jerome Valcke aseina achun, ahesa lha ejat hamkhat a Brazil te machal louna chu 'akidang lheh in' chuleh sempatnia hiche gam hin World Cup adinga kigotna anei na ding uva hin tuchan in natoh ding tampi anei nalai uvin ahi ati.
'Brazil ten stadium thah asah dingu, airports, lampi chuleh kijah tona ding lampi ho asemna dingu a hi amaho adinga kichouna khat chu ahi,î tin Valcke in aseiye.
'Ahivang in, ahung lhung ding Kum li sung hi kigaldot ding ahi,' tin Brazil's Sports Minister, Orlando Silva in
World Cup adinga tuchan a kigonna phatah aumnailai chunga press conference sunga chun The Associated
Press a asei in ahi.
'Gangtah a kigonna hi kinei ahin, chuleh kum 2014 leh ema jouse hi gamsunga ahiding dol banga umding
ahitai,î tin aseibe kit e. President Luiz Inacio Lula Da Silva in tunaicha a kigonna aneinao chunga avaigei ihitauve tia lunggel seina neiho angah ding uvin temna anei in chuleh aseina achun, boina hohi hungbei vah ding ahitai ati. Chubang in chun Brazilian soccer federation president Ricardo Teixeira in jong gamsunga kigonna chunga boina ho gangtah a hung phading ahitai tin aseibe kit e.
'Africa muna World Cup aki chaitan chuleh tuhin mijouse in 'Brazilian airports chu hoilai ham?
Brazilian Stadium chu hoilai ham? Brazilian train chu hoiche ham? tin adong pan tauvin ahi,' tin Silva in leisemni in aseiye. 'Eiho hi thil boldoh nading chuleh amasa hina dinga thiengtah seidoh loute chu ehi dingu hitam,' tin aseibe kit e. Brazil hin kum 2016 Olympics hi Rio de Janeiro muna host abolding ahin, chuleh World Cup ahung lhun ding toh kitoh a kum 2013 Confederations Cup jong host abol kit ding ahi.
