Charance tampi ngai ho umvah thei lou ding ahitai. Group of Ministers ho chu amasa a tulha 15 nia kihou dinga ana um ahi.
Senior ministry officials in aseina a Uttar Pradesh sorkar in Greater Noida Airport semdoh nadin lekha ana pelut in hiche lekha chu Department of Economic Affairs kom alhung kit in ahi. Ministry in Delhi International Airport Ltd (DIAL) jong lekha ana thot in ahi. Chujouvin DIAL in International civil Aviation Organisation hin gamkai sunga air traffic avetsui dingin akiseiye.
Maoists hon ASI apuimang u tuchanna aumna kihe doh lou lai
Bhubaneswar, Lhamul 15 : Kal khat ache nungin jong police officer khat Maoist galguh bol hon apuimang chu tuni changei in jong aumna akihe doh hih laiye. Assistant sub-inspector Umesh Chandra Marandi chu achesa Lhamul nisim 7 jan a Daitari police station a duty abol pet a kipui mang ahi. Police in aseina a tuchan in jong hoilai a aum akihe hih laiye atiuve. Hinla Chief Minister Naveen Patnaik in amapa huhdoh na dinga bol Chief Minister Naveen Patnaik in amapa huhdoh na dinga bol thei chan kibol ding ahi ati. Alang khatna Maoist lamkai Sushil in athil ngeh u sorkar in apeh nadin ni 3 atep un ahi. Hiche phat kitep chu jing nikho 6 pm teng kichai ding ahitai. Maoist ho hin Tribal mi 68 songkul mun chom choma um ho lhadoh ding chuleh Kalinga Nagar a tribal miho suh gentheina aum luona dia khantou-machalna natoh angah dinga asei u ahi. State sorkar in amaho thil ngeh chung change imathu aseidoh hih laiye. Kichat na jeh in Marandi insung mite in koima koma thu asei tapouve.
Amahon thusei u henlang hileh Maoist ho lunghanna himaithei ahi tin kichat na jeh in thu asei doh tapouve.
Marandi chu diabetes vei ahi jeh a gangtah a ahin lhadoh diuvin insung miten temna anei un ahi. Chuleh Orissa
DGP Manmohan Praharaj in jong Marandi kilha doh nadin Maoist ho henga ngehna aneiyin ahi.
Poonch a ni 3 kikapto na a LeT khat kithat
Jammu, Lhamul 15 : Pakistan toh gamgi Poonch district a Beri-Rakh gammang lah a Lashkar-e-Taiba galguh bol ho leh army ho kikapto na ni 3 ache nungin galguh bol khat athi in ahi. Inspector General of Police (IGP) Jammu zone a Ashok Gupta in thuso miho koma aseina a kikaptona chu Beri- Rakh gam mang lah Menhar border juiya um ahin galguh bol mi khat chu athisa in akimudoh e ati.
Achesa Lhamul 13 nia Mankote gammang lah a galguh bol mi 10 apat 12 chan aume tia thuguh ahet phat uva
37 Rashtriya Rifle (RR) sepai hon operatin abol uleh kikapto na hi ana um ahi. Hiche operation ahin Army
major khat athi in chuleh security mi 6 leh Colonel khat akitongkha in ahi. Athi major pa chu Amit phunge ahin
chuleh Colonel pa chu Ajay katoch ahi. Mankote-Mendhar gammang lah a thingnoi miho matdoh nadin
operation ache lha jingin ahi tin army official khat in aseye.
1984 riots chu sikh ho tha gam nadia kibol ahi tia phongdoh
Chandigarh, Lhamul 15 : Sikh hou lamkai hon 1984 anti-Sikh riots um chu Sikh ho tha gam na dinga kibol ahi tia asei phong utoh lhonin international kithopina angeh un ahi. Hiche ngehna hi US a um International Human Rights Organisation (IHRO) attorney Gurpatwant Sigh panmun anei ahi. Alangkhatna Sikh hou lamkai Akal Takht in Sikh ho chuleh thuso miho henga phallha 1984 anti-Sikh riot chu "Sikh Genocide" a phondoh na anei diuvin temna aneije. Hiche a kitongkha ho leh athi ho in amu diuva lom jong amu nadin sorkar henga ngehna aneiyin ahi. Kum 25 val ache nungin jong sorkar akon kithopina aumpoi tin Akal Takht in aseiye. 1984 kuma Prime Minister anahi Indira Gandhi chu a body guard Sikh mi 2 in ana kaplih lhon jeh in Delhi khopi a Sikh mi 6,000 val ana kithat ahi.
Mumbai gas leak jeh a mi 3 thi, tampi dammo
Mumbai, Lhamul 14 : Tunia south Mumber Sewri muna Chlorine gas chu Cylinders akon leak ahi jeh in mi 3 athi in chuleh mi tampi adammo un ahi. Chlorina gas kihoplut jeh in mi 60 tobang hospital a akijen un, amaho lah a mi 6 chu akhohse deh set in ahi. Hiche thilso na mun hi Bombay port trust kom aih. JJ hospital a kijen mi 14 hochu college simklai ahiuve. Gas Gas phalou chu cylinder lentah khat a kon ahin, hiche cylinder ho chu
custom authorities hon ana mat u ahi.
Cylinder dangho lah doh na a leak aum lou nadin phatah in kholchil na aum in ahi tin Chief Fire officer Uday
Tatkare in aseiye. Gas leak chu 04.00 hours vel ahin, complaint aum phat a fire service natong hon akhol u
ahi. Hiche a chun fire service a natong mi 4 jong adam mo e tin Tatkare in aseiye.
Crime Branch in NSUI president thudoh nei
Panaji, Lhamul 15 : National Students Union of India (NSUI) Goa President Sunil Kawathankar chu tunin police-drug a kivei ho kihut jopna thua Crime branch in thudoh anei un ahi.
Kawathankar in Goa state sunga hi signature campaign anei ahin phatah a police-drug a kivei ho thu central agency in akhol dia gehna anei ahi. Jing nikho teng leh hiche memorandum chu All India Congress Committee
General Secretary Rahul Gandhi koma aga pehlut ding ahi.
Kawathankar in aseina a hitobanga thudoh ei kibol hi NSUI in signature campaign abol losam na dinga kibol ahi tin Kawathankar in thuso miho koma aseiyin ahi.
Deputy Superintendent of Police Chandrakant Salgaonkar chu drug a kivei ho toh pang khom ahi, hijeh a
chu police hon phatah a akholchil angaiye tin Kawathankar in aseiye. Drug a kichem ho phondoh na jeh a
avel vel a police leh crime branch in thudoh einei jing ding chu adih thei poi. Hitobang a ei kibol hi police ho jeng jong atoh khah jeh ahi tin NSUI lamkai pan aseiyin ahi.
