Tomar kimat jouvin police hon factory ho kholchilna anei nauva cold driks kisem na jat tamtah amudoh un ahi. Amapa amat jou un police hon city court a apui un ahi. Hiche dan dihlou tah a kisem thei twi ho hi achesa lha 6 tobang masanga chu ana kibol pan ahin chuleh mi 15 tobangin na atoh ahi. Hiche muna kisem cold drinks ho chu khopi sunga dukan neo neo a kijoh son ahi. Police hon 2,000 bottles, 100 crates chuleh asin 1000 val amandoh un ahi. Hiche lah a chu Coke, Pepsi, Spirit leh Limca ho apangin ahi.
Madh muna pasal khat aji masa that
Mumbai, Lhamul 14 : Kum 43 a upa Raees Ameen Khan in aphat seh a aji masa nu in kikhen jouva nei le gou
kihop ding asei jing jeh in alunghan man in atha lo in ahi. Amanu chu amin Sitara Begum (40) ahin atha jouva Madh kom Dharoli kho a alongdamsa chu apai mang ahi. Nivei pansa jinei khan hin kum 3 masanga chu
Sitara chu anada ahitai. Khan chenna Dharavi muna chu Sitara toh ana um khom laiya pat a aphat seh leh kina jing jeng lhon ahi tin police in aseiye. Tua aji thah nu Rajda Begum to hin cha 8 anei lhon in ahi. akikhen nung chan lhona nei le gou kihop ding asei jing jeh a khan in Sitara chu atha ahi. Amanu hin khan chenna Dharoli kho ahi hung peh a khan toh bazaar kai khom dinga kigo lhon ahi. Hinla koi thil choh tah sang khan in Sitara chu apui in atha jouvin mun khat a ana pai mang ahi.
PM leh Chidambaram in naxal boina gama CM ho kimupi ding
New Delhi, Lhamul 14 : Prime Minister Manmohan Singh leh Union Home Minister P Chidambaram in naxal
galguh bol ho umna state a Chief Ministers ho akimupi lhon ding ahi. Oissa, Chhattisgarh, West Bengal,
Maharashtra, Andhrapradesh leh Bihar chief ministers chuleh Jharkhand a Governor ho tuni teng New Delhi
muna akimupi dingu ahi. Amaho hin iti lama naxal ho hi suhthip ding ham ti seikhomna anei diu ahi. Union Home secretary GK Pillai leh central ministries a secretaries phabep jong pang diu ahi. Sorkar in naxal ho akon boina aumlouna dingin gangtah a khantouna umsah ding chuto lhonna police ho natoh phatah anei diu hi centre in naxal ho suhthip na dinga tohgon leh policy anei chu ahi. Hiche kikhopna ahi Union Home Minister
P Chidambaram in centre tohgon aphondoh ding chuleh security, development, administration lama pan lah ding dan jong asei din ginchat aume. Maoist ho hin 40,000 sqkm gam leiset atoupha un chuleh achesa kum 5 sungin milham 10,000 val athi tai akiti e.
Goa minister anahi Pacheco chu escort puma Assembly a pang ding
Panaji, Lhamul 14 : Masanga Goa minister anahi Mickky Pacheco chu akingai pi kum 28 a upa Nadia chu ginmo umtah a aanthi jeh in police hon aman un ahi. Ahung lhung ding Goa Assembly monsoon session ahi armed police escorts venbitna noiya Assembly toukhom na a pang thei ding ahi tin authorities hon asei un ahi.
Assembly umkah ahi police khut a ana um nalaiya ahileh Pacheco hi police hon Legislative Assembly complex chan escort abol diu ahi tin Superintendent of Police (CID) Atmaram Deshpande in aseiye. Goa Legislative Assembly monsoon session hi ahung lhung ding Lhamul 19 leh kipan ding ahitai. Deshpande in aseibe na a mipi thalhenga kilheng doh ho chu assembly session a apan theina ding dan anei un hijeh a chu police khut a um jong leh venbitna puma toukhomna ahi pang thei ding ahi ati. Hiche nading chun police leh Speaker
Pratapsing Rane chuleh Legislature secretary hon kihou matna akinei jinge ati. Akingai pi Nadia Torrado hin
minister pa toh akinah lhon jeh a jucha lou ana neh ahi. Hiche jeh chun Supreme Court in bail a lahdoh ding
jong anaphal seh lou ahi. Ni 7 sung police khut a um dinga court in thutanna ananei ahi.
Union ministers hon Modi apachat, Congress lunglhai lou
New Delhi, Lhamul 14: Union minister phabep in Gujarat Chief Minister Narendra Modi apachat jeh un state congress lamkai hon Congress president Sonia Gandhi koma complaint abol un ahi. Modi pachat na jeh in state a congress party nasatah in atongkha e tin asei uve. Modi pahcha lah a chun minister of state for Environment and Forest Jairam Ramesh jong apangin ahi. Hiche thu hi Gandhi inmuna local lamkai ho toh akihou nauva ahin seidoh u ahi. Kihouna a chun gam sunga thil man kal ho jong seikhom na anei chuleh
internal security lama jong congress vaihomna state hoa seikhomna aum in ahi. Ahung lhung ding Lhamul 25 teng Congress party president kilhenna umding tah jeh a kihouna hi asom ahi. Hinla Congress working committee in aphat asei chen hih laiye.
