Motorcycles (Bike) hohi kum 150 vel tobang masang chun mipi lah'a hung kipoh pan ahitai. 1860 kum chun American mi amin Sylvester Howard Roper kiti pa hin motorcycles masapen agongdan (design) anapodoh in ahi. Hichu US solam gamkai vel'a fair le circus munho dung ah tahlang in ana
um'in ahi. Europeans gamma jong motorcycle sem ahung kithang tan World War laichun chelevale naleh thilpohna in amang pan tauvin ahi.

Motorcycle ahung khangtou totoh in engines leh a frames ahoicheh cheh tan, ahat tan, asep jong agang tan chuleh model jatchom chom asem'un hijeh chun tukhang'in mantam tah in ajoh tauvin ahi. Tulai khang'in pasal khangthah ho bike a ingol gam tauvin ahi. Aneijou ho in model thah thah ahungsoh doh jouse tol masat tei ding anom uvin ahi. Ahileh anoiya kigol lha bike hohi natol khah tah em? Hiche bike man hitoh nangíin natol bike man tekah le chun nalung'a ipi nagel em? Manlhom nasah am ahilouleh natahsan hinam bike hijatman um ding hi?

Tun aban ban'in ijat jatman hiuvam veuhite : 
 MV-Augusta F4CC - $120,000 (Indian Rupee=5,64,000/-)
Hiche motorcycle mantam hi MV director, Claudio Castiglioni in ama lunggil akon'a apoh doh ahi. Amapa hin motorcycle hi mi vetnom umleh sum mu nathei dia ahinsep ahin chukit leh hito- bang design adang umkhalou ahi-in ahi. Hiche motorcycle mantam hin aneipa min aput 'CC' hi alheihat dan 315 kph (195 mph), 1078 cc's chuleh 198 hp chan ajouvin ahi. Motorcycle hehna chungía a model number 1 apat 100 chan muthei din akitahlang'in ahi.




MTT Turbine Super-Bike - $150,000 (Indian Rupee=70,50,000/-)

MTT Turbine Super Bike hi amantam keu hilouva lheijong ahat lheh in ahi. Hiche bike hi Y2K Turbine Superbike tin jong akihe in Guinness World Record in 'Most Powerful Motorcycle Ever to Enter Series Pro duction' tin kipaman jong anape in ahi. Hiche motorcycle a turbine engine hi Rolls Royce akon'a kisem ahin 300hp chan ajou in ahi. Motorcycle achun LCD color display, camera, amalang le anung lam'a radar jong akibul'in chuleh one touch 'Smart Start' ignition ahi'n ahi. Hiche bike hi Hollywood star hon ahaman lheh uvin ahi. 'Torque' kiti film a jong apang in chuleh Jay Leno ngel'in jong hiche bike hi aneiyin ahi.

Icon Sheene - $160,000 (Indian Rupee=75,20,000/-)
Hiche bike hi ahikit leh Andrew Morris in British Grand Prix motorcycle champion anahi 2003 kum'a ana mollem Barry Sheene (52) min ah anabolía ahi. Alheihat dan 250 hp, turbocharged 1400cc ahiye. Motorcycle color hi Mike Fairholme (Sheene helmet chunga limjih pa) in amathep natah a akhut'a color apeh ahi.



Macchia Nera bike- $201,000 (Indian Rupee=94,47,000/-)
Macchia Nera hi Italian designer leh engineering ho in Ducati 998RS engine akon'a ahinsep doh u, sum tamtah lutna asep chuleh high tech (khut them tah a) jong kibul ahiye. Testastretta engine a kisem lightweight metals leh alloys (thih kihal), titanium leh aluminum ahijeh in bike dangtoh te dingíin ajang lheh in ahi. Hiche bike hi asih lam'a kon ivet leh engine part ho konggeh (belt) tobang'in atom'in ahi. Het ding khat chu hiche bike hi sumtong munna dia kisem ahipon hinlah dangka 150,000 Euros (US $201,000) napeh ah leh nanei thei ahi.

Ecosse Titanium Series RR Limited Edition - $275,000 (Indian Rupee=1,29,25,000/-)
Hiche bike hi Ecosse Titanium akiti totoh in abody leh akang (wheel) hohi titanium thih bouva kisem ahi. Hiche bike hi fuel injected, intercooled, supercharged 2,150cc billet motor ahin chuleh 200 hp val ajou in ahi. Atou naho jong khinle le thei ahi. Chukit leh hiche bike ahin phat le nidan vetna jong, French watchmakers BRM in asem aum'in ahi. Bike hin 10 units chan bou limit anei in ahi.



Dodge Tomahawk V10 Superbike - $555,000 (Indian Rupee=2,60,85,000/-)
Dodge Tomahawk V10 superbike hin 8.3 liter engine (505 cubic inch) adol jou-in chuleh 10 cylinders kipan ahijeh in maximum speed in 400 mph chan alhei joi-in ahi. Dodge Tomahawk V10 superbike, 1500lb bike in akeng 4 aneiyin 2.5 seconds sungíin 60 mph chan alheidoh in ahi. Hitobang bike hi US a lheiding vang phal ahibeh sehpoi.