Lhamul: Oscar-winning Hollywood actress Penelope Cruz in guhtim in mihet lou akibol ceremony khat a chun adongma pa actor Javier Bardem chu anaki chen pi in ahi.
Spanish nupa teni hin tu lha bul lang chun,Bahamas a aloi lhon in khat ah a insung mi lhon
themkhat masang a chun kichen nachu ananei lhon in ahi tin life & Style magazine thulhut chun asei in ahi.

Kum 36 a tah actress nu chun,akichen na lhon kin a chun John Galliano dress anaki von in ahi.chuleh, amani
hi akicheng mong lhon nai tin amani khel a thusei le a pang mikhat chun hilchet na anei in ahi.

Amani hi 2007 kum a 'Vicky Cristina Barcelona' kiti film atho lhon pet a hungki ngaipan lhon ahin, engagement aneilhon thu kisei ho chu ahipoi chuleh, adihpoi tin ana imlhon in mi hetsah louvin guhthim in
kilungset na hinkho chu anamang lhon in ahi.

Bardem kum 41 a tah actor pa chun tukum bul langa Cannes Film Festival a Best Actor award analah pet chun Cruz alung set na chu mipi masanga anasei doh in ahi.

Bardem in trophy alah, jouchun audience ho kom a, 'tuni a kakipa nahi kaloi,kaki vopi le kalungset nu chuleh kangailut pen Penelope toh chanvou kanei khom pi in ahi.Na a ding in ka bolding le tohding tamtah kanei nalai in chuleh,nangtei lou leiset chung a lungset dang kaneipoi' tin anasei in ahi. Cruz le Bardem hi Spanish film 'Jamon Jamon' kiti, Cruz kum 19 anahi lai a anatho khomlhon film jou a pat hin loicha in kum 20 lang tobang ahungkivop lhon in ahi. Tulai hin Bardem in film thah 'Eat,Love,Pray' kiti hi actress Julia Roberts toh athojou lhon tan.Alangkhat lang a Cruz hi tulai tah hin Dishney franchies fourth installment film 'Pirates of Of  The Caribbean: On Stranger Tides' kiti athopeh laitah ahi.

Lohan in songkul sunga self-help lekhabu sim
Lhamul 13:Boina neijing Hollywood actress Linsay Lohan in songkul a aumtei tah dingjeh in lunggel thumop na eithei nading leh lahkhom thei nading in self-help lekhabu asimpan tan ahi. Kum 24 a tah actress nu,Lhamul nisim 20 masanga acham authority hokom kipelut dingnu chu author Susan Shapiro Barash in asut lekhabu 'Toxic Friends:The Antidote for Woman Stuck in Complicated Friendship' kiti akichoile akimu in ahi. Amahi,2007 a a probation terms donlou je nahsah louva akoijeh court in mo anachan a chuleh, songkul a ni 90 tangding a gotna anapeh u anahin ahi. 'Hiche lekhabu chu aloi khat in Lohan koma phat hahsa nanei sunga nakithopi le natil khouthei ding tia recommend anabol ahi tin people online thulhut chun asei in ahi. Chuleh online thusoh chun, ìhiche lekhabu chun,koi tobang golchu kivoppi a chuleh, koi tobang chu kivoppi lou dingham tiho ahetdoh sah thei in ahi' tin asei in ahi. Lohan hi tulai tah hin hinkho pha le hinkho theng man nading in hatah in kigot nale lunggel anei in ahi.Adeh deh in a social circle sunga ding hin hatah in pan ala in ahi.

'Linsay hin ahinkho sunga anabol thil phalou jouse ahilou leh achung a umle anabol thipha lou jouse suhtheng theina ding in hatah in pan ala e' tin thulhut khat chun asei ahi. Chuleh, Lohan hi songkul a pat ahung potdoh jouleh rehab a jong lhathum umkit ding ahi.

Athi ding in kana kigel in ahi: Peter Andre
Lhamul: Singer Peter Andre chun,kal masa a dipnat jeh a alhuh chun athi ding in kana kigel e tin asei in ahi.
Femalefirst thulhut chun,Andre chu East Grinstead, West Sussex, England a a-in kom a joging achepet chun adipnat jeh in khohe louvin analhu in chuleh, heart attack anei ahisah in hatah in anati ja e tin asei in ahi.

Peter chun, 'lha masa a dipnat jeh a kanalhuh jeh chun katahsa hi hatah in alhasam in ahi.joging dinga kana pot doh ahin,minute 10 tobang bou kalhei doh chun pulou helouvin chem a kisun bang in kadip hatah in ahung na in kana haithei pon heart attack kanei tai tin kana kigel in ahi.chuleh,anat behseh jeh chun athiding in jong kana kigel in ahi.' Kipa umtah khat chu,medic ho ahung lhun u chun apet pet in test eibol uvin 'thil thupi ahipoi nadip a naphe hi kisat ahilou leh,kikai ahibou ve.Hiche jeh a hi nadip na ahi' tin eisei peh uvin ahi' tin Andre chun asei in ahi. Kum 37 a tah star pa chu paramedics hotoh hospital a che ding ananom pon ahin, paramedics hochun hospital hi hihjong leh private medical a check up nache teitei ding ahi tin thupeh ananei uvin ahi.

New! Magazine thusoh a column khat achun, 'apet pet a hospital a poh a vetpei ding eina go uvin ahin,hiche pet chun kana gel leh khuti tah nasa bon hilou in a kicholdo tang e tia kanagel ahi.Ahin khonung in athusei u kana lah louchu kagel leh kanaki seh lheh in ahi.Ajeh chu geitah a kache jeh in painkiller tamtah eikap lo uvin ahi' tin Peter Andre chun anasei in ahi.

Vanessa,lentah le thupi tah a jinei ding tija
Lhadou 13: Hollywood star Jonny Depp dongma nu Vanessa Paradis chun,hou in sungah grand traditional wedding Hollywood superstar pa Depp toh hin thupi tah in neipong e chuleh, neijong kanei nom poi tin asei in ahi.

French singer,model le actress Vanessa,kum 14 a lhin apat hung minche chuleh, 'Joe le Taxiîkiti ala a lolhin na lentah neinu hin,thupi tah a public ceremony neiding lunggel hin hatah in ikichat sah e ati tin Contactmusic thulhut chun asei in ahi.

Chuleh,actress nu chun 'conventional ceremony neiding, mipi tamtah hungding,hou in pahcha a jep dimset ding chuleh, sum tamtah suhlut ding tihi kagel lheh ei lunglut sahle thanop sahpon hiche malah kati aja in ahi tin asei in ahi. Amani hi 1998 kum a pat a chengkhom lhon ahi tan chuleh, amani hin cha ni Lily-Rose kiti kum 11 le Jack kiti kum 8 a tah jong aneilhon tan ahi.

Amaho insung hi thakhat a umkhom louva munchom chom a tamjo aum jeh uvin kihoumat nading in modern technology,internet video calling software Skype kiti hi amang uvin ahi. Ahin Vanessa hin internet a lim mu a kihoumat