Pathenni a press thulhut dung juiya chu WikiLeaks website a classified documents 91, 000 chu hung kitah lang ahi. Hiche jeh chun White House leh Pentagon alungkim lhon pon ahi. Ajeh chu hitobang thuguh mipi lah-a akiphon doh jeng chu mipi ho adeh-a Afghanistan a gal bol ho dinga kichat um tah ahi akiti-e. Hiche documents ho chu alui atam jo tobang ahin 2004 apat 2009 changeiya thuguh um ahi. Chuleh hiche document phabep chu mipi ho het in ana um tai. Hinla tupet a Afghanistan a gal kibol dan ho vang chu thil thah beh ahi.
Malaysia gam’a Sikh thingnoi mi aum’e kiti chu photchetna umlou ahi
Kaula Lumpur, Lhamul 29 : Sikh galguh bol hon Kuala Lumpur khopi pam'a Camp anei un hiche mun'a chun thingnoi mi alhom pen in 4 akisel e tia India in gohna anei chu Malaysian sorkar anom pon ahi. Sikh thingnoi mi Khalistan Liberation Force (KLF) tia kiminvo ho Kuala Lumpur khopi pam'a apan sauve tia Punjab Police in asei chu photchetna imacha aumpoi tin Malaysia a senior police officer khat in aseiye. Hitobang galguh bol chu hikom mun'a aumpoi ti kichen tah in thuso miho kom'ah Federal Special Task Force (Operations and Counter-Terrorism) department a director commissioner Mohammed Fuzi Harun in aseiye.
Malaysia gam'a hi Sikh nam 100, 000 tobang um ahin chuleh India mi mong mong 1.7 million um ahi. New Delhi akon thuso dung juiya Kuala Lumpur khopi pam'a KLF hon Camp anei uve tia Punjab
police in anasei ahi. Hiche thu hi Punjab akon'a galguh bol hidinga ginmo khat sempatni a akimat doh na akon'a hung kiseidoh ahi. Intelligence agencies hon aginmo chu Ellha a New Delhi mun'a Common wealth Games um masanga hi Punjab pam'a Sikh thingnoi miho hin boina hin sem unte tia ginmo na sangtah anei u ahi.
Arab League in chamna aum nading asei Hamas nom lou
Gaza, Lhamul 30 : Gaza Strip a vaihom Islamic Hamas movement chun Israel leh Palestine kicham na dinga dan phabep Arab League in apohdoh chu apom tapoi. Israel in gam atoupha laise in kimaito a kihouna um thei ponte tin Gaza a um senior Hamas lamkai Ismail Radwan in aseiye. Aman aseibe na a hiche committee hi mipi ho rights lamang dinga phalna kipe ahipouve tin Arab League chu demna aneiyin ahi.
Alangkhatna, Arab League in US administration lekha athotna a Israel leh Palestine kimaito a kihou chamna aum na dingin phat tep peh ding, kihouna ding thu seipeh ding chuleh akihou lhon ding dan jong phatah-avetsui angaiye tin aseiye. Hinla Radwan in aseina a kihou cham ding thu akisei cham in Israel in gam atou pha cheh cheh in, Jerusalem leh West Bank mun'a Palestine ho in asuse in Israel ho chenna ding in akisa jinge ati. Hiche jeh a chu Arab League Committee in gangtah a kihouna um hen ati hi apet pet a alah doh angaiye ati
Yemen a um Al-Qaeda hon athah beh a mi 12,000 galsat dinga lahna nei
Sana'a , Lhamul 30 : Yemen a um Al-Qaeda galguh bol hon athah beh in mi 12, 000 galsat din ala lut un ahi. Amaho lahna um to lhon in gam sung suhthengna kinei ding ahi tin gihna anei un ahi. Arabian Peninsula a al-Qaeda Field Commander Mohammed Saied al-Omda in aseina Aden leh Abyan mun'a kipa umtah in galsat ding mi 12, 000 akila lut tai tin aphongdoh in ahi. Hiche galsat ding mi 12,000 to kitho khom'a Islamic Caliphate kisem doh ding ahi tin al-Omda in aseiye. Aman aseibe na a un kamanchah u Yemeni government security leh National security service ho douna dingin gotsa ahitai tin gihna aneiyin ah. Al-Qaeda Commander pan Yemen sorkar chu US toh akikhut jop-e tin themmo achan in chuleh kho helou muslims ho athat in chuleh Yemen sorkar phat sahna in in leh mosques ho Abyan leh Marib munía asuse jinge tin alungnop louna thu aphongin ahi.
Sri Lanka a mipi hon private radio leh TV station suse
Colombo, Lhamul 30 : Sri Lanka khopi Colombo mun'ah tuni jingkah lam chun mipi hon private radio leh television station asuse un ahi tin police in aseiye. Colombo khopi Hunupitiya mun'a amai kitom mi 15 hochu in a ahung lut un petrol asungun studios chu meiyin ahal ahal uve tin police thulhut chun aseiye.
Hiche kino khum na jeh chun Siyatha Radio leh Siyatha TV broadcasting kibol chu atongkha in ahi.
Hijeh chun English paova Real FM leh Tamil paova kilha Vettri FM Chu akiso thei tapoi. Hiche media hi masanga President Mahinda Rajapoksa kinaipi khat in abol ahi. Aneipa hi sorkar toh akito lou jeh a atum beh a amacham tah-a abol ahi. Ningkum in jong private television leh radio station
khat Colombo mun ma ma a ana kihal lha in ahi.
ISI hon anatoh khel dia Mullen in thupeh nei
Washington, Lhamul 30 : American military official luboh khat in WikiLeaks aum jouva ISI leh Taliban galguh bolho akitho khom'e tia akisei jou apat in Pakistan spy agency ISI chun anatoh akhel a chuleh galguh bol ho toh akikhut jop lou din thupeh aneiye. ISI leh Taliban ho kithokhom kiti chu akigel thei lou thil khat ahi tin US Joint Chiefs of Staff, Admiral Mike Mullen in Pentagon mun'a Defence Secretary Robert Gates toh press conference abolna lhon'a asei ahi.
Admiral Mullen hi Pakistan Army panpi mi khat ahin Pakistan ISI ho gihna thu asei hi lawmakers, media leh lunggel thei ho akon'a demna sangtah aumphat a aseidoh ahi. Hetding khat chu WikiLeaks in ahin tahlang dung juiyin ISI in phatah in Taliban ho leh Al-Qaeda ho akithopi e tia hung kiphong doh anahi.
Bank manager kibulu jeh a loubol mi 18 themmo kichan
Yavatmal, Lhamul 29 : Kota khoa Central Bank of India branch manager in police a complaint abol to lhon in Kalamb police hon loubol mi 18 ho aman un ahi. Police hon loubol mi 18 ho aman un ahi. Police in aseina a Kalamb police station hopsunga Kota khoa Central Bank branch chu loubol mi aja a sim in abulu uva, branch manager pa chu avoh uva chuleh office a thil um ho chu asuhset u ahi ati.
Branch manager Ramesh Likhar chu nilhum keiyin so (key) akam khum un potdoh thei louvin akoi un chuphatna aman police ho akou phat a police hon mipi ho chu asuhthip ahi. Police in akiphin loubol mi 18 ho chu aman un IPC sections leh Mumbai Police Act noiya themmo achan un ahi. BJP taluka Committee a Chairman Ram Lakhiya in aseina a loubol miho bank a crop Loan la ding ho asuh genthei jeh a branch manager Likhar chu abulu u ahi ati. Loubol miho avetda banna Likhar in loubol mi tamtah loan apeh lou ahi. Lakhiya in Likar chunga gotna sangtah peh ding chuleh police in loubol mi amat ho ahin lhadoh din ngehna anei in ahi. Likhar chunga gotna akipeh lou leh kiphinna khoh cheh cheh kinei ding ahi tin Lakhiya in gihna aneiye.
