kondoh nale hina kihetlou mihem hohin ahithei leh khol gilna themkhat beh aneiyu ngai ahi. Leisetna mihem'a ihung pen tah ngalla ahile hoiya hung kondoh kahim, koi son, koi chilhah kahim chule kahina hi ipi ham ti het tei angai jin ahi.
Eimite lah a scholar phabep in khol gilna natoh (research work) anei uvin, hinlah tuni channa adih chet seidoh/jihdoh kamu pon ahi. Phunggui sut loi hon abulla pan lou uvin, khul (cave) a konna kipan loi jong aum in, hinlah athil sut doh/khol doh u san thei beh seh a-um pon ahi. Research scholar phabep in ama dei dung juiyin kholgilna (research) abol uvin, alolhing jou pouve. Tulai hin Chin, Kuki, Mizo loi khat Judaism sakho ajop/ajui uvin, Israel kahi atiu vin, Judate chon dan ajil uvin, ajui taove. Christian le Judaism sakho jui/chepi ho aki hou uleh akitoh thei pouvin ahi. Ajeh chu sakho ajui dan'u doctrine kibah lou jeh ahi. Israel kahi ti honjong Israel ahinao abul seithei lou, Gentile kahi ti honjong gentile iti ihiu ham seithei dehlou ahiuve. Konna, ahina kiseithei lou cheh chu akinelía akinah jong pha chom lou hel ahi.
Khul'a kon kahi itiu jong hi dihlou ahi. Gentile kahiuve itiu jong hi dih lou ahi. Genealogy lam'a kholgilna sangtah neilou hohin thu moh sei sei louvin aphai. Ipuipaten legendary episode, mythology, etimology, ethnology, folktales, folk songs, etc. ana nei soh keijin ahi. Hiche a chung'a kisei hohi adih chet ahi. Ajeh chu malaiya puten thimthu ana sap naova chu ihung kon doh napao chu Pathen min aphah jou teng uleh amin phah uvin, aban nin achapa min ahin minphah kit uvin ahi. Kholgilna neihih jongleh milui ho tichu, gollui mi kum 70 apat chung lam hon pute pate themthu sapho anajah khah teidiu katahsan ne.
Alamvai Chin, Kuki, Mizo chate hi thudih akisei jong leh sang theilou ihiu vin, mi 100 lah a 10% bou vin ihinao, ikondoh na dihtah ki seidoh hi apom thei ahi bouve. Kum 8 jen hi kakin nalou hellin eimite genealogy (phunggui) hi kana boipi maníin ahi. Tunin eimite hi koison, koi chillhah ihiu chule ihinao dihtah sei jongleng asang theilou/ apom thei lou tam ding ahin, sei doh sang'in, ahenom hon eihung dong leo chun detail tah a kasei pehding nahiuve.
Keivang chun kakon dohna kahina dih tah kaki het tah jeh in mihem hinan kalung among sellin ahi. Christian hivang'a ikondoh nale ihina khol louding tina aumpon ahi. Sakho dang jui vang'a jong donlou ding tina a-um pon ahi. Mihem khatna ipen tah ngalleh koison, koi chillhah chule ihina kihet angai jin ahi.
Tulaija Chin, Kuki, Mizo te hina lamía kholgilna natoh nei hon vang hetao vinte. Atahsan, atahsan lou chu amaho-a kingai ahitai. 'Across the Sabath River In search of the lost tribe of Israel' hi ana sim pou pou uvin. Keiman 15 years lutna education lam le science & technology lam'a kholgilna (research) kahin bol jou va genealogy lamía hi 8 years research kahin bol kitna, tu-a hi chapang semna lamma hi research kabol kit ahi. Hiti ahi dam sungía natoh na neiding ahiti kaki het ne.
Guest Editorial: Dr. H.H Mate
