chuleh, aminjong ache jo in ahi. Hiche extreme band te accoustic ballad ‘More than Words’ le ‘Hole Hearted’ kiti hi 1991 kum chun Billboard Hot 100 single chart a #1 le #4 gel amu lhon in ahi. Hiche jou a phat hin Nuno in solo project Schizophonic kiti record anabol in chuleh, band Jatgat Mourning Widows, Population 1, Drama Gods, the satellite party Jane’s Addiction lasa luipa le Lollapalooza band phutdoh a anapang Perry Farell pan nan anaphut doh uvin. Chujou chomkhat jouvin album thah khum dingle tour boldingin Extreme te toh akigom khom kit in ahi. 1990 kum a pat chun, Bettencourt in amadei dan tah a kisem custom guitar Washburn Guitar company ten design abol peh uchu ananei pan in ahi. Ama custom Washburn guitar chu N-Series tin akihe in ahi. Chuleh, tulai hin Wash- burn N4 kiti guitar hatah in pohdoh ding lunggel anei in ahi.
Nuno Bettencourt hi Ezequiel Mendes Bettencourt le aloinu Aureolina da Cunha Gil de Avila in ahin lhon ahin ahi. Bettencourt, anule apa chuleh, asopi pasalni Luis le Roberto Carlos chu ama kum 4 tobang alhin chun Hud- son, Massachusetts mun a anaki chon un ahi. Hiche Hudson kho main street mun a chun Bettencourt insung mite hi kum 21 lang anacheng uvin ahi. Abul akipat til a pat in Bettencoufrt hi music analunglut beh sehpon ahi. Music sangin hockey le soccer ho kichep hi anatha nomgon chuleh, anadei jon ahi. Instrument anakichep masat pen chu drum ahin hoitah in anabol thei lheh in, asopipa Luis in guitar tum dingdan ahil jou apat hin ananga bep in ahi. Guitarist khat hina jal in Bettencourt hin ahung kipat lang chun Eddie Van Halen hi ana dei lheh in ahi. Chuleh, chomkhat jouva athep naho ahung san cheh cheh a gui- tarist le songwriter them tah khat ahung hidoh phat hin, The Beattles, Led Zepplin, Prince, Queen, Pat Travers, Paco de Lucia, Vito Bratta, Al Di Meola leh Aerosmith kiti hohi athah beh in ahindeidoh in ahi. Bettencourt guitar kichep dan hi masanga guitar tumthem tam tah in a influence leh in ahi. Het thei dingin a rifle le agroove hohi Eddie Van Halen, Al Di Meola leh Jimmy Page a toh akilouvin chuleh, a solo a melody hohi Queen band guitarist Brian May a alathim in ahi. Amathep chom nahi arpeggios articulate leh string-skipping tapping lang hi ahin ahi. 1989 kumhin Bettencourt hi Boston area group Extreme kiti band ahin ahung pangin , ahung pan jou chom khat jou in amaho group hin A&M Record tetoh sign abol uvin, hijouchun 1989 kum chun a album u masapen “Extreme” kiti chu release anabol uvin ahi. 1990 kum chun Extreme ten album khat “Pornograffitti” kiti chu release anabol kit uvin chuleh hiche album a la “More than Words” le Hole Hearted chun hits na mu in
ahi. Chomkhat jouvin 1992 kum chun “Ill side to Every Story” kiti la chu co-write le produce anabol peh in chuleh, Robert Palmer album “Honey” kiti chu studio a record anabol khom lhon in ahi.
1995 kum in Extreme ten “Waiting for the Punchline” kiti album release anabol uvin, chuleh, Nuno in solo career anei nomjeh in Extreme te chu 1996 kum chun anaki khen uvin ahi. Hiche akikhen jou u chom khat uvin singer Gary Cherone chu Van Halen band a lead singer in analut in ahi. 2007 kum in Extreme te band chu athah beh in aki gomkhom kit uvin album thah “Saudades de Rock” kiti chu akhum uvin chuleh, lhajing nisim 12, 2008 chun release abol uvin tour jong anache uvin ahi.
Music industry a hin Nuno Bettencourt in tuchan in na atong jing nalai in ahi. Former Journey lead singer Steve Perry in asei dan in tulai hin Nuno toh la kasun lhone tin asei in ahi. Nuno hin tantric, Hollywood recording group BB Mak, toni Braxton leh adang tam tah ho to jong lasut le recdording anei uvin ahi. Phallha 2009 kum chun Nuno in, Pop Superstar Rihanna toh, a lead guitarist a kapan a world tour kache ding ahi tin phondoh na anei in chuleh, Extreme band jong hi chejing ding ahi tin asei in ahi. Chuleh, Nuno hin ajinu Suze DeMarchi leh a “Baby Animal” band member h jong hi a album u sem naleh alasut nahou vah hatah in akithopi in ahi. Nuno Bettencourt hin sing- er Suze De Marchi kiti nuhi 1994 kum chun anakichenpi in chuleh, amani hin chain Bebe Orleans kiti Bulle nisim 2, 1996 apeng le Lorenzo Aureolino kiti lhajing nisim 12, 2002 apeng hi anei lhon in ahi. Tutu hin amahohi Los Angeles mun a acheng uvin ahi.
