aneiuvin ahi. Licence pilhing umlouva operate kibol airport ho lah a Chennai, Kolkata, Madurai, Pune, Ahmedabad chuleh Thiruvananthapuram tiho jong apangin ahi. Anukhah pena licence pilhing nei louva kisei chu Magalore a Bajpe airport khu ahi. Tumasang jepa Magalore a Air India Express in toset ato pet chun Bajpe airport hi provisional licence a ki operate ahin, chuleh licence chu June 15 a chu kichai (expired) ana hi tai.
Licence pilhing neilou airport chun Indian Aircraft Rules, 1937, ahilouleh International Civil Aviation Organization in jui dinga agon safety standards ajui lou tina ahi jeng e. Licence pilhing neilou hon ahin to theiu akhoh khat expert hon asei chu, iham tia vanleng tosetna bang umkhah taleh, insurance company hon compensation ahin peh nom lou mai thei ahi, ti ahi. Chu tobang dan juilouna chu Indian aviation dinga manna tah khah hung hi thei ahi. Hiche chungchanga, US Federal Aviation Administration (FAA) in licence pilhing nei louho chu tu dinmun sang (current top billing) a konin sub-Saharan Africa level-a downgrade kibol ding ahitai tia jong ana hetsahsa ahitai.
‘Indian Aircraft Rules,1937 noia Rule 78 dungjuiin, licensed airport hobou operate bolsah ding ti ahi. Unlicensed airportho operate kibolsah hi Airports Authority of India (AAI) safety norms kipalkeh ahi, ajeh chu akisei airport-ho hi AAI gou ahi’, tin vanleng nidan 19,000 jen hin tola experience nei, air safety expert Capt. A Ranganathan in asei in ahi.
Director General of Civil Aviation (DGCA) website in atahlang dungjuiin, licence noia private vanleng
hon amanchahu airport 18 (“private useí airports) aumin chuleh government noia um vanleng hon amanchahu airport (“public use” airports) 23 aum kit in ahi. Hiche record hi Ollha 31, 2009 chana chu ahi. Licensed airports list thah pen dungjuia akisei airport-ho lah-a hin get (8) bouvin licence renew abol nalaiuvin jong akisei e.
Airport licence issue bol hi DGCA khut-a um ahin, chuleh airport operate bolna ding hin airport khat chun avetcheppi (criteria) phapeh puma ICAO Annex 24 safety norms tiho jong ajui ngaia ahi. 1937 rules in licence nei ding tia ana tahlang vangin, DGCA in 2006 kum chun private airport-ho ahung um sau sau toh kilhonin licence nei tei ding tin ahin seidoh bep in ahi. Delhi, Bangalore, Hyderabad chuleh Kochi a private airport hon licence anei soh vangun, AAI in operate abol airport atamjon dan ajui jou pouvin ahi.
AAI airport atamjon valid licence aneilou thu nomin, AAI chairman AP Agarwal chun licence hi akiboipi jing nai, tin asei e. ‘Airport jouse ti thei khop in licence apply abol naouvin, ahin staff lhahsam jeh in keiho keu hilouvin DGCA langa jong natoh machalmo ahi. Keiho airport jousen lha khat sunga licence neisoh teina dinguva pan kila ding ahi’, ati. Ahiding bang taha rules jui ding hitaleh, Indian aviation hi kicholnga jeng ding ahi. Niseh-a gamsunga vanleng toumi hi lakh 1.17 ahi jing e.
DGCA hin licence-ho hi atam pena kum ni ni dinga issue abol ji ahin, chuleh provisional licence-ho chu lha gup gup chan valid ahi kit e. Achesa lha gup chun airport 14 ho licence phat chu kichai ana hi tai. “Pulic useí airport-ho hin a licence phat chehu akichai ding kon lha 2 masanga renew-na dinga apply abol jiu angai danho Civil aviation requirements (CAR) Section 4 dan noia akisun in ahi. Hiche dan hi airport atamjon “aerodrome manual” (safety norms) agontup nai lou jeh un, ajui bukim thei tah tah pouvin ahi. ‘Airport phabep in manual achaisoh nai pouvin, ahin gang tah-a chai theina ding kingaito ding ahitai’, tin Agarwal in aseibe e.
Alangkhata, Capt. Ranganathan chun government in AAI hi asuhbei-a chuleh expert ho panna independent regulator leh safety board, jang jela Prime Minister henga report pe thei ding aphudoh angai e, tin asei in ahi.
ICAO leh Indian Aircraft Rules dungjuia airport valid licence neilouho :
Netaji Subhas Chandra Bose International Airport, Kolkata Trivandrum International Airport, Thiruvananthapuram Anna International Airport, Chennai Sardar Vallabhbhai Patel International Airport, Ahmedabad Lohegaon Airport, Pune
Airport valid licence neiho :
Indira Gandhi International Airport, Delhi (May 2, 2012 chan licence valid) Bílore International
Airport (May 14, 2012 chan valid) Rajiv Gandhi Int’l Airport, Hyderabad (March 3, 2012 chan
valid) Bhopal Airport (April 14, 2011 chan valid) Kochi Airport (December 29, 2011 chan valid)
