TNN, Lhadou 23 : Nipi lai le hin atamjon mihem lungthim a hin golnop anneh khom cheding ahilouleh, bolding nopna aum in chuleh chip duchat umtah tah hole, chocolate dessert tuitah tah ho neh ding jong lung jat aum jiin ahi. Ahin, dietician hon atahsan uleh
asei dung jiu un, nipilai hi an theng anpha neh nadinga phat kilam pen ahin chuleh hiche phat lai hinan-theng, an-pha hi bei tah in jong aki mujouve tin asei uvin ahi.Nipi lai hin thei le anchelouhing hingset set tam tah hi adimset le lhingset in akimu in ahi. Hiche hohi hon min a neh keo hilou a mei a igo a ahilouleh, iken a ineh leh adeh in tahsa ding hatah in aphachom lheh in ahi. Anpha antheng neh toh exercise phate chan kop le chun natah sa chunga apoh le le thaoval le aphalou jouse chu tol jep na a nanei thei ahi.

Dangchah phat nading in twi don in: Nipilai lehin mihem hohin atamjo in dangchah phatna dingin twi joh hilouvin adang dang ahilouleh achom chom donthei ho hatah in idon jiuvin ahi. Ahin hiche hosang hin hatah leh gamcheng in twi hi apha in ahi. Ahithei leh dangchah lou nadingin aphatseh a tui joh don jing hi tahsadingin apha in ahi. Tui don hin itahsa avot sah in chuleh, dehydration jong akham in ahi. Chukit leh, itahsa chung hung kibelap ji aphachomlou calories ho jong hi adal doh jou in ahi. Adeh set innipi laile hin tui khela dang chah lhoulhah thei nadinga fresh lime water le jubi tui idon jong leh apha in ahi.

Niseh a na an nehna ahin ahithei chan in thei, theithuh le anche louhing hapan sah in. Nipi laile hin anche louhing le thei jat chom chom tamtah aum in ahi. Hiche anche louhing hohi salad a isem a ineh leh tui jong atui in chuleh, tahsa a dingin jongaphachom in ahi. Thei ho jong hi akeova ineh thei loujong leh ipi thei hijong leh bongnoi toh hel a milkshake le smoothie sem a tui lah a donthei ahi.

Bungol hih in : Mihem atamjo hin khoutah leh phalou tah in bu angol ji uvin ahi. Gon nading’a bungaol hi hatah in aphapon ahi. Hiche hi damthei najong ahi pon chuleh, khunung le nat nachom apun doh sah thei in ahi. chukit leh, bungol hin metabolism kiti hi hatah in asu ol lheh in ahi. Hiche chun avet sah chu ahileh, itahsa hin calaries them khatbou burn aboljin ahi. Aphapen chu ahileh, buhi lhom neh ding chuleh, neh mun ding ahi.

Curd/Yoghurt: Ahithei leh bu naneh phat leh lhomcha hijong curd ahilouleh, yoghurt in pansah ji in. Buttermilk hi atui keo hilouvin itah sajong hatah in asudap ahilou leh, asuvot chom in ahi. Chuleh, tahsa a dinga phachom jong tamtah apangin ahi. Atui chom thei nadinga jong nanople thingdo namtui jong nahal thei ahi. Nisa noi’a potdoh masanga butter-milk ahilouleh, chaos idon leh dehydration a kon in phatah in ivengbit jouvin ahi.

Los Angeles mun a “Twilight” akisodoh masanga fans hon camping neipan ta
New York (CBS): ‘Twilight’ mania in Los Angeles ahot ling lheh in chuleh’ The Twilight Saga: Eclipse’ Vanghomnia sodoh ahi masang in Nokia theater pamlanga fans mi jakhat val in camping aneipan taovin ahi. Red Carpet muna angai sangpen u star muding kinem pum in, die-hard fanshon Semnatni jinglam nidan 6:00 a.m apat in inbuh akison uvin camping aneipan taovin ahi.

KTLA-TV akon thulhut kimu bang in, Wristbands 9,000 tobang hi fans ho akipetan, atamjo hi ‘Twilight’ fans kichep golseh lam a lut lut hochu ahi. Nokia theater officials hon camping bolna dinga danho chu aphongdoh uvin, hiche a aseinao achun, hiche akisodoh chai kah ahi camper jouse in wrist bands akibu dingu chu ahi.

‘Eclipse’ mega-profitable ‘Twilight’ film series athum channa hi, Kirsten Steward, Robert Pattintion chuleh Taylor Lautner in atho ahi. Hiche movies hi theatres a Lhadou nisim 30 nia kisodoh pan ding ahitai.