1998-France ten Paris muna Brazil te chu 3-0 in naltah le hoitah in World Cup final achun anajou uvin, chuleh Zidane le Emmanuel Petit in toh phat man anasang lhon in ahi. Hiche kum hi French te ding amasapen dinga football top prize alah kum u ahi.
2000- Hiche kum ahin French ten world football hi keiho noi a um ahi ahilouleh, kei hon ka toupha nahlai u ahi tin avetsah un ahi. Ajeh chu hiche kum hin coach Roger Lemerre lamkai nan European crown anala uvin ahi.
2002-Hiche kum hin French te vangset ahung kipan in ahi. South Korea mun achun first round a goal khat cha khum louvin analel un a world cup title ucha imacha lou thet in anapedoh uvin ahi. Coach Lemerre pan na a ima abol doh lou u phat in amahi kal thum jouvin adaldoh uvin amakhel in
Jacques Santini chu ana pansah uvin ahi.
2004- French tehi hiche kum hin Euro 2004 final a kichem thei le pang thei dingin record hoipen lhinna chu anei uvin ahi. Chuleh Coach Santini noi ah, group stage final jong anakai doh uvin
ahin, quarter-final ah Greece ten 1-0 in anajou uvin ahi. Hiche kum hin coach Santini chu under-21 coach Raymond Domenech in anakhel in ahi.
2006-Tua kichol ngah ta Zidane hapan naleh bolphat najal in hiche kum hin French ten Spain, Braizl le Portugal te hi ahin jou un chuleh, final match chan akai doh un ahin, final achun French ten
Italy te chu penalty in analel uvin ahi. Chuleh, Zidane chu Marco Materazzi alu a anata jeh in extra time a chun nodoh in ana um in ahi.
2008-Group match achun idea thah le vet nom umtah tah thil anapo doh uvin chuleh, khuti tah a melse behseh louvin anaki chem. thou naovin ahin, knockout first round achun anapot doh un ahi. Chuleh Coach Domenech chu mipiho, press ho le player ijat ham khat toh hatah in anaki boilheh uvin ahi.
2010- Group final a koima tah sanlou leh ginchat louhel in ahunglut uvin, chuleh, mitam tah in jong Thiery Henry in Ireland tetoh akichep uva akhut a goal akhum jeh in hiche mun chang dingin jong alhing joupouve tin anasei un, hatah in jong demna ana nei uvin ahi. South Africa mun a hin French te dinmun hi aphalou apat in akhohse doh in ahi. Amahon mi atha nop sah le achosah pet uhi field a ahung potdoh pet bou u khu ahi. Star striker Anelka in Mexico te toh akichep uva 2-0 alel nau match pet a coach Domenech chu asosal jehin in ah solin aum in chuleh, hiche jeh hin a teamate hon nikhat kiphin na anei uvin hiche jouvin South Africa te chu 2-1in alel uvin ahi.
South Korea in Nigeria ki draw pi, last 16 lhungjou ta
South Korea hin Greece te opening match achun 2-0 in ana jou uvin ahivang in Argentina te khut a 4-1 in ana lel uvin ahi. Amahohi South Americans, Greece te 2-0 a jou koima khut a lel loute ban in group achun anina in apang uvin ahi. Nigeria Argentina te khut a 1-0 lel, chuleh Greece te khut a 2-1 a lel tehi Greeks tetoh thakhat in World Cup akon in out ahitaove.
Achesa velsagi veijen World Cup ahung kichepnao sunga hin ainmun uva chun kum 2002 in group stages apat apatna in second round ana lut uvin ahi. Group B a Argentina noia anina a apan u hi, epi hitajiongle South Koreans te adinga migam a akichepnaova apatna a knockout stage aphahnao chu ahin, chuleh gam adinga ana umkhalou thusim a seithei ding khat ahin boldoh u hi akipahsa uvin chuleh athanopsah lheh uvin ahi. ‘Ka goal khumu chu last 16 phahjou nading ahi. Hiche hi apatna pen a gamchom a lolhingtah a kaboldoh u chu ahi.
South Africa muna kabol doh theiu hi kakipah lheh in ahi. Players jouse in hiche apoimodan hi kahet sohkei uvin ahi,’ tin Leisemnia akichepna kichai in Captain JI-Sung Park in thuso miho koma asei in ahi.
Post-match press conherence achun, team coach Jung-Moo in a team ho apahcha lheh in ahi. Pathennia first second round match ahi amahon Group A winners Uruguay akichep pidingu ahitai.
‘Kichepna sunga goalamasapen a kakhum u chu dinmun hahtah a kaum pet u ahi. Ahivang in ka player ho lungneng tah in akichem uvin chuleh score chu ahin kibahsah uvin ahi,’ tin Coach Jung Moo in aseiye.
