Imphal, Lhaphul. 22: Gamsunga boina nikho phabep chelhah nunga mipi hinkho kimanchah nading akhohset di deilou najal chun tijatna tamtah umnama jongle sumil helin Pu. Y. Erabot Cabinet Minister (consumers’ affairs, food and public distribution) pan a security neisun kipuiyin thilpo gari 300 jen Imphal khopi ahin lhut tan ahi. Pu. Y. Erabot hin ama vetup dinga kipe sepai 10 bou kipuiya Assam le Manipur gamgi a Jiribam khopi muna gari thaotui poloi, anchang, kimanchah nadi thil poimo tah ho poloi gari 300 Imphal khopi hunglut ngamlou hochu aga puilut ahi. Ama hung ajah un mipin Kotlen kho a patsan lamlen alhung keiyin galjou hunglhung kivailutna kinei bangchan Imphal khopi sunggei ana lamdot uvin ahi.
Hiche ahin puilut na lampi National Highway-53 hi phasotpi ana boiden ahi. Ahin Erabot in anatoh hina consumersí affairs, food and public distribution cabinet minister ahi nachu mipi lunglhah sah louhel in anatoh abulhitsah in ahi.
Y. Erabot in Gari 300 Imphal khopi hinlhut
