Stephen Gately in a partner pa dinga 1million pounds val gou dalhah peh
London, Lhaphul 27: Boyzone star Stephen Gately a partnerpa Andy Cowles hi singerís pa gou 1 million
pounds val chang ding ahitai, tin thlhut chun aseiye. Stephen leh Internet entrepreneur Andy hin umkhom
theina dinga golnop chu London muna kum 2006 in anamang lhontai. Stephen, kum 33 upa pahi ningkum Ellha achun khamna thei jeh in Majorca muna ana mollem tan, chuleh aneile agou chunga ema
lunggel adalha dehpoi.Aneile agou lhingset a 3.3 million pounds hi vahchanni in chun apatna in jalhang hetding in ahung umdoh in chuleh a partnerpa Andy leh anule apa hiche sum hi kihom dingu ahitai.

Ahivang in singer pahin 2 million pounds lhingdeh bat anei jeh in 1.5 million pounds bou adalha in ahi. Andy hin 450,000 pounds hi alahson ding chuleh Stephen gou akeh 519,910 pounds chu ama changding ahi.Aval
519,910 pounds chu Stephen anu Margaret leh apa Martin chang ding ahitai. Asopinu Michelle leh asopipa Mark, Alan leh Tony hovang ema chang loudingu ahi.

Stephen athijou ajing nikhoa, Andy kum 32 a upa nuin aseina a, a kapartner pa gou kasan louding chuleh
hiche kithopina ahillou leh ainsung mite khut a cheding ahi anati. Athi in chun, Stephen gou hi 10 million
pounds tobang aphah ding ginchat aum in ahi. Ahivang in Probate Registry a kimudoh chu ahileh emajouse akilah doh nung, tax ho akikah nung in jong amain million 10 val adalha in ahi. Ama gou hi Solicitors Mishcon de Reya hin avet tup ahi. Court lekha dungjui in agou chang ding hi Andy, North London a um chu ahi. Singer pa jan a apot doh joua athina Spanish Island muna inn chu Stephen leh Andy in akichoh lhon ahi.

Brad Pitt in kum 2016 a Presidential
election tetding lunggel nei
New Delhi, Lhaphul 27: Brad Pitt in politics lam a carrer kisem ding lunggel aneitai tin thulhut akimui. Thulhut alhangpia kithang bang in, Star pahin ajinu Angelina Jolie toh kithoa President tet ding tohgon aneitai,
tin English.news.cn akon in thulhut akimui. ì Hollywood a amain abol ding aum behseh tapoi.Brad
senate adinga lhei ding chuleh ema jouse hoitah a achal lhah a ahile kum 2016 President kitetna a pang ding ahitai,î tin Pitt ainsung mikhat in aseiye.


Khu nunga epi kabol ding ham tia Daniel Redcliffe lungboi
London, Lhaphul 28: HollywoodactorDanielRedcliffe in khungnunga epi katoh ding ham ti gelna in aboi lheh jinge. Amain hiche ahin gel nahi ìHarry Potterî series athojou tengle, abanna epi kabol ding hamtilunggelahinneiakonahi. ì ëHarry Potterí jou tengle adangnatohkhatkakimuding ahi tihi kinepna kaneiyin ahi. Hiche ahilouleh, adang abanna epi bol ding ham kahe tapoi,î tia asei contactmusic.com akon thulhut kimu chu ahi. Kum 20 upa actor pahin tulaitah hni fantasy movie franchise ìHarry Potterî achaina series leh Deathly Hallows II London muna atho in ahi.

Vun hoi leh Sam pha nanei nom am, ahileh sim suh in
Vet hoi nading leh tahsa gon nading ho jeh a hi bu nangol a ngaipoi nabol ding pipen chu ahileh an pha an dih naneh ding bou hi ahi. Hiche noi a hin hoina ding in ëdiet planí kitup tah le hoitah in expert hon kum 2010 sung a gapthet leh val leu a na um thei nading in ahin gol lhah uvin ahi.

Hiche ho chu ahileh Mit a ding
Anchelouhing : Spinach, zucchini, broccoli le brussel sprout ahin caroteinoid, lutein tia kihe vitamin apangin chuleh pigment, zeaxanthinan kitijong apangin ahi. Hiche teni hin free radical kiti hi i cell kon in adal doh in, imit jong ahat sah in ahi. Hiche anache hohi hon min val aphaon ahi, ahithei leh steam ahilouleh
saute bol in apha in ahi.

Vun a ding
Probiotic Yoghurt : Hiche a hin bacteria pha cha vun suhoi thei apangin ahi. Eczema natna neihon niseh a aneih ding uvin aphan ahi. Nga : Sardine le mackerel hoa hin omega-3 fatty acid apangin, hiche hin ivun got ahilou leh agep tiho hi hatah in asulhom in ahi. Chuleh hiche a hi elasticity jong aum jeh in mai vun jong avoi vah pon ahi. 
Berries (Thei) : Straw berries, blue berries leh adang dang thei a hin antioxidant phytonutrients apangin hiche hin thisan a kon in free radical adal in chuleh collagen jong hatah in avengtup in ahi.
Tin a ding
Natin hi atah leh akebai lou nadingin, chicken, turkey, pork, milk cheese, yeast, peanut, beans, whole grain cereal kiti hohi ahithei chan in neh dan, Mai nu a hin, non meat source a dingin Zinc ahapan pen in ahi. Hijeh chun Vitamin C hi haneh in hiche a hin zinc aha pan in ahi.

Sam a ding 
Poultry (farm) : Chicken le Turkey them khat khat neh jing hi apha in ahi, ajeh chu hiche a hin high quality protein apangin, hiche hin samke ahoi sah in ahi. Chuleh low fat milk product, yoghurt le cheese ho jong hi apha in ahi. Apha pen chu nikhat leh ahtui chih dong jing hi aphan ahi. Ajeh hiche a hin vitamin B-12 kiti apangin in hiche hin, sampul hohi asu kham in sam jong ahoisah u ahi.
Oyster : gangtah a nasam nakhan sah nom leh hiche hi ne in.

Salmon : Hiche nga a jonghin Omega- 3 fatty acid, B12 le iron apangin, hiche vitamin hohi sam a dinga poi mo tah ahin ahi.


Gloria Gaynor la ‘I will Survive’ kiti hi la lah a het bei pen
London, Lhaphul 28 : Gloria Gaynor disco anthem "I Will Survive" kiti la hi"catchiest song of all time, tin athah beh a akikhol doh thulhut khat chun asei in ahi. Chuleh "Hey Jude" kiti Beales ten asah, GeneKelly la "Singing In the Rain", Abba te a "Dancing Owen, leh Queen te a "We will rock you" kiti hohi adang top song a kilheng doh mipi hon ahaimil thei lou alung uva kilang lang jeng la ho chu ahin ahi. University of Montreal, Canada a research bol hon asei dung jui uvin, World population 98 percent val lang tobang hin hiche la hohi a ngai jou u leh asatei tei uvin ahi, tin the Daily Star thulhut chun asei in ahi.

R&B Star Alicia Keys in naovop thulhut
R&Bsinger/songwriter AliciaKeyshiachamasapentohkimai to vah ding ahi tai chuleh amahin phat sot tah anakilung setpi adongmapa tojong hin tukum kichai langleh kichen ding lunggel anei in ahi tin vanghomni chun thulhut khat in asei in ahi. Kum 29 a upa thum vei Grammy anala nu Keys hi tutu hin Europe ah tour ache in ahi. Chujong leh amahi lhakit leh football World Cup South Africa mun a jonghi lasa a cheding ahin ahi. Acha hi itih nikho leh pengding ham tivang akihe naipon ahi tin, record-label spokeswoman nu chun thulhut nakhat anei in ahi. Keys hi kum 31 a upa producer/rapper Seiss Beatz, a.k.a KassemDean,  aji masa toh cha pasal khat neisa patah hin engage ahi lhonin ahi tin thulhut chun asei dungjui in amani hin private ceremony khat a kichenna anei lhon ding ahi tin ahet sah in ahi. Keys album nukhah pen ìthe element of freedom' kiti chu ollha (Dec) chun US po chart ah no. 2 in anapangin, Four chart-topper a khelha louhel in sot tah ana um in ahi. Ahin a kal masa (first week) sale chu 44 percent bou ana hin ahi. Masanga album masa 2007 a release anabol ìAsI Amí kitialbum chu anapha jou pon ahi.

Kristen Stewart masanga koima toh dating ananei khalou
London, Lhaphul 28, Hollywood actress Kristen Steward hin, actor Robert Pattinson toh kaki lungset masang chun koi ma chan jong ihel khapon chuleh koima tojong dating kananei kha pon ahi, Alangkhat a thanop natah kanei vangin tin anasei doh in ahi. Kum 20 a upa Steward tu a "Twilight" a athokhompi actor Robert Pattinson toh kingai nuhin asei na a, 'mihi akoi pen hijong leh amahi dating kibol pithei ahi tai, ti phat kilem chu kamu doh tokah a aum chan a umdan ho kavet chil masat ji ahi' tin Contact music.com thulhut chunasei in ahi. 'Mipi hohin, pasal hohi kikop pi anop a, atot them uva midang toh akibah lou u leh kei hin adei a kadei chat dan in agel un ahi. Ahin thengtah in tuchan hin pasal hoi kasah thim ahilouleh kadei chat thim toh khatvei cha dating nei in kapot khapoi' tin Steward chun asei in ahi