Argentina team ho doctor pan W’Cup a sex phal
Buenos Aires, Argen tina : Soccer le Sex hi World Cup sung a ding in akhohna a umpoi kiti thucheng hi Argentina team doctor pan asei ahi. Amahin aseina ah, player hohin hiche lha khat sung umding tournament South Africa muna hi anop uleh akingaipi (regular partner) ho toh lumkhom thei u ahi tin anasei in ahi.

Dr Donato Vallani in aseina a, ‘Sex kiti hi hinkho adinga thil poimo tah khat ahi’ tin asei in ahi.

‘Player hohin aji teu ahilou leh adong mahou toh World Cup sunga hi lumkhom thei u ahi. Ahin jingkah lang nidan 2 a champagne le Havana cigar tovang hithei louding ahiî tin Dr Vallani chun aseibe in ahi.

Chujong leh Vallani hin, ‘Playerhohi Argentina special barbecue beef leh ju khon khat khatametheiuahin, avaladon hi phallou ahiî tin asei in ahi. Argentina te hi South Africa a Gansem nileh chedingu chuleh lhadou nisim 12 leh Nigeria le toh World Cup opening match kichem dingu ahi.


Jenson Button in a dongmanu khen
London, Lhaphul 28: British Formula One driver Jenson Button hin adongmanu model jessica Michibata chu akikhenpi in ahi. Ajeh chu aman long-distance relationship (mun gamlha tah um a kilungset) hi ahah in aboipi ding dan jong a umthei poi tin asei in ahi. Britton kum 30 a upa pahin Michibata kum 25 a tah nu, lha 18 lang anakingai pinu hi Monaco Grand Prix jou a chu anaki khenpi ahi. Aman aseina ahi, Tokyo mun a ama aphatseh le gavil a hung kile hohi ahah beh seh in kajou poi tin asei in ahi.
Jenson le Jessica hi kilungse to tah in hinkho anamang lhonin akicheng chan hon a kilungsetah a umdinga min anagel ahin, hinla akah lah a hiche thu hi ahungsoh doh eî tin sun thulhut chun thusoh khat in asei e tin asei in ahi. ìMichibata hi Tokyo a aum in, amala vannoi leiset a mun chom chom ah race anei in hitia phatseh leh avilji hi thil hahsa tah khat ahi. Chujong leh Jenson in kal khat tobang masang chun, kagari tol lang joh hi main priority kapenom e tin anasei in ahi tu thulhut chun asei in ahi.


South Africa in World Cup warm-up a Colambia 2-1 a jou

Soweto (South Africa) : South Africa hin Carlos Alberto Parreira ningkum Phallha a coach adinga akinung lahkit uva pat in kichepna ko vei kijomma jona aneitaovin, chuleh vanghomnia World Cup warm-up achun Colombia 2-1 in ajou uvin ahi. Host nation tehin Bulgaria tetoh achesa nithum langa akichepnao a akichem hoilheh uvin ahi. Draw ahinah lai vang uvin Kithah semdoh Soccer City stadium muna chun ave mi 75,000 khohsahna neilou in kipahtah in amasapenna jona ti in lopna anei uvin ahi.South Africa ading in Midfielde Teko Modise leh Katlego Mphela in goal khat cheh akhum lhon in chuleh qualified lou Colambia adding in Giovanni Moreno in goal akhum in ahi.


Lahm hi Germany team captain hitai : thulhut
Berlin : Bayern Munich defender Philipp Lahm hin akisukha Chelsea star Michael Ballack hi World
Cup a Germany Captain a akhel ding ahitai, tin vanghomni in newspapers akon in thulhut akimui. Ballack kal masa a South Africa muna World Cup akichem loudinga aum hi FA Cup final akichepna a akeng akisuh khahna adam joulou jeh akon ahi. Thulhut in aseibe na a, coach Joachim Loew hin Schalkeís Manuel Neuer hi Germany goalkeeper adinga adeilhen masatpen chu ahin, hiche hi Bayer Leverkusenís Rene Adler Lhatuna akisuh joua apan thei louding akon ahi.

Loew hin Germany in Friendly match Hungary toh Misemnia anei jou tengle alhangpia phongdoh ding agot
ahi ,tin thuso chun aseiye.

Usain Bolt in 300-meter Golden Spike a jou
Ostrava (Czech Republic) : Usain Bolt in vanghomnia Golden Spike a gujuh noiya chun 300-meter lhei kitetna chu 30.97 seconds a ana lhei doh in ajou tai. Bolt, 100 leh 200 metre a world record semdoh pahin, hoitah in kipat dohna aneiyin chuleh nomtah in jona aneitai. Ahivang in alheina mun chu go achet jeh in kum 2000 a Pretoria muna Michael Johnson in ana semdoh record vang chu atet jou tapoi. Agam chan khompi Jermaine Gonzales hi 32.49 second a alhei lhung in anina in apang in, chuleh Jonathan Borlee, Belgium pa hi 32.50 seconds a alhei lut in athumna in apang in ahi. IAAF invang 300 world record chu major events ahilou jeh in hetpehna aneipoi. Bolt invang record athah asemdoh joulou hi go angoh deh poi. 'Europe a epi weather hijongle khoh sahna kaneipon, go achet namun ajong kalhei nai,' tin Bolt in aseiye.

Roddick in Rolland Garros a round thumna phata
Paris : Hiche hi Andy Roddick dinga clay a ahung kichep hoina chu himei thei ahi ajeh chu Vannhomnia
service sagi vei jen asuh khel vang in ajou thou thou in ahi. Rolland Garros a guh juh noiya chun, Roddick in Blaz Kavcic chu 6-3, 5-7, 6-4, 6-2 in ajou in ahi. Roddick hi Paris a ahung masang in tukum a clay a kichepna aneipoi, ahivang in amahi Roland Garros muna tuhin 500 Lifetime chung 9- 8 a aum in ahi. Ana Ivanovic achesa kum ni langa French Open analah vang in, No.28 Alisa Kleybanova khut a 6- 3, 6-0 in round nina achun alel tai. No.1 player luinu, Ivanovic unseeded ahi ajeh chu ama hi ranked 42nd bou ahi.



Paes-Dlouhy second round lut
Paris, Lhaphul 28 : India mi Leander Paes le Lukas Dloughy Czech Republic mi pa chu hatah in anakichem lhonin French Open a chun Sweden mi Johan Brunstrom le Jean- Julien Rojen Netherland Antilles mi pachu ana jou lhon in doubles second round alut lhon tan ahi. Defending champion Paes le Dlouhy third seed teni hin, vanghomni chun Brunstrom le Rojen chu nidan 2 sung val lang ana kichep nao vachun 6-3, 6-7 (6), 7-5 in anajou lhon in ahi. Indo-Czech pair teni, Leander Paes le Lukas Dloughy hin kalkit le, German mi philipp Marx le Slovak mi Igor Zelenay toh Swiss mi Yves Allegro le German mi Andreas Beck, kichepna ajou jojo to hin kichem lhon ding ahin ahi.