Imphal, Lhaphul 14 : North East India gama gamgi chung changa boina aum jing laiyin New Delhi aum Oxford University Press(OUP) in 32nd edition school atlas tukum a asodoh na a “Manipur Hills” chu “Naga
Hills” tin dihlou tah in asodoh in ahi. Hiche jeh chun hiche school atlas lekhabu chu Manipuri Students’ Federation (MSF) in banned abol ban a publisher ho akon suhdih din ngehna anei un ahi.
MSF head office a President Md. Atrabuddin in thuso miho koma aseina a OUP in school Atlas as odoh hi simlai chapang tampi dinga dihlou tah a ahet diu ahijeh a federation in hiche lekhabu chu ban kibol ahi ati.
Aman aseibe na a lekhabu publisher lah a minche tah a kihe khat in North East boundary dihlou tah a apeh hi
vangset umtah ahi ati. United Kingdom a um Dorling Kindersley(DK) in ‘concise Atlas of the World’ in asodoh na a adih mo aumpoi ati. Oxford school Atlas 32nd edition hi state pumpi’a banned akibol in chuleh hiche lekhabu uum jouse kichom khoma kihal lha ding ahi tin president pan aphongdoh in ahi. Hiche chung chonna MSF in New Delhi aum OUP publisher henga lekha athot in thil adih louna chunga ngaidam akithum a chuleh 32nd edition asuhdih din temna anei un ahi.
School Atlas khat a Manipur hills chu Naga hills tia kipe
