Imphal, Lhaphul 14 : Pasal chapang mi 3 dan dihlou tah a kipuimang kigo ho achesa Lhaphul 12 nia Tilihal airport a kon kihuhdoh hochu Child Line leh Child Welfare Committee ho khut a pat a insung mite cheh akipe doh tai. Hiche pasal chapang ho chu kum 14-16 vel ahiuvin amaho hi Guwahati flight anga pet uva numei 2 toh kihuh doh uva ahi.
Pasal chapang ho chu anu le apa teu hetlouva security guard natoh kipe ding nahiuve tia ana puimang got u ahi. Masanga chu pasal chapang ho hin brick field leh motor workshop ho a na atoh u ahin hinla Memcha leh
Amurei kiti hin Guwahati a natoh nakipe diu ahi tia analhep lhah u ahi. Numei teni hin chapang ho chu von thah jong achoh peh lhoninahi. Imphal East aum Child Line leh Child Welfare Committee in Chapang ho chu a insung mite koma apehlut un numei teni chu police hon thudoh neidin aman un ahi.
Chapang 3 kipuimang go ho a insung mite kipe ta
