Moscow, Lhaphul 27 : Russia gam southwestern gamkai Stavropol khopi a bomb apokeh jeh in mi 7 athi
in chuleh adang mi 30 val nasatah in akitongkha un hospital a aum nalai uve tin official thulhut chun aseiye.
Bomb pokeh na mun chu cultural centre koma Chechen nam lam concert ve dinga mi akikhop khom pet lai
tah ahi. Stavropol Rescue Services a duty official khat in aseina a mi 7 athi in chuleh adang mi 33 hospital a akijen uve ati.
Amasa chu mi athi jat chu mi 5 bou ahi tia ana kisei ahi. Alangkhatna, Yekaterina Danilova in aseina a
mihem 41 akitongkha e ati. Official thulhut in aseina a atamjo chu nasatah in akitongkha uve ati. Danilova in aseina jan khovah hel hel in na katongun, chuleh tun mi 70 tobang bomb pokeh jeh a thudoh nei din akiman uve ati. Russia gam North Caucasus, Chechnya, Ingushetia leh Dagestan mun ho ahi Muslim galguh bol hon aniseh tobanga boina asem jing u ahi.
Russian khopi khat a bomb pohkeh, mi 7 thi
