Japanese journalist 1 in PM koma alungnop louna phong
New Delhi, Lhaphul 24 : Japanese journalist khat in tuni chun Prime Minister Manmohan Singh koma
alungnop louna thu aphongdoh in ahi. Journalist pan aseina a India a foreign journalist hon press chungchanga
hetpehna aneina din ahahsatna tampi aume ati. Aman aseina a Press Information Bureau (PIB) akonna hetpehna aum thei nadin minute 20 val alut e ati. Chuleh parliament a thilsoh ho mu nadin lha 6 tobang phat angaiye tin Yomiuri shimbun akon journalist pa hin aseiye. Prime Minister Manmohan Singh in adonbutna a hitobang hahsatna chunga akiphatlamna thu aphongin chuleh Minister koma hetsahna anei tei din jong aseiyin

ahi.

Gorakhpur a go-le-huipi um jeh a mi 13 thi
Gorakhpur (UP), Lhaphul 24 : Uttar Pradesh state a Gorakhpur district sunga go le huipi akitho jeh in thingphung le electric khom ho alhu in chunban leh mi 13 jong athi in ahi tin police thulhut chun aseiye. Janhi nilhah lam pung 6 pm vela chu huipi 40 kmph a hat le kolphet aum in ahi. Gorakhpur leh Kushinagar mun ami 3 cheh athi in, Mahrajganj le Deori a thingphung in ajep khum jeh in mi 2 cheh ana thi kit in ahi.

Mathia khoa leibang achim jeh in nupi khat athi in, autorickshaw a tou mi 2 thingphung in akhuh khu jeh in athi
in chuleh atou khompi mi 2 akitongkha in ahi. Thingphung hon electric khom ho ajep lhuh jeh in pung kal 3 val kolphemeivah aum poi. Lamlen a gari lhai jong akiting in, Gorakhpur-Deoria leh Gorakhpur-Varanasi Highway ho jong thingphung alhuh jeh in akiting den in ahi.


State athahbeh semdohna dinga phutna ana aumpoi : PM
New Delhi, Lhaphul 24 : Prime Minister Manmohan Singh in tunia aseina achun, ka government masanga
states athahbeh semding tin phutna ema aumpon Ahivangin Telangana achombeh a umding tivang thumna aum in chuleh committee in hiche thua vetsuina anei in ahi. Justice BN Srikhrishna committee akon thulhuna
ema aum nailou jeh in gamsunga states athahbeh khat sandohna ding chunga lunggel ema kapeh nom naipoi tin Singh in aseiye.

‘Ka Government koma state athahbeh khat semdohna ding chunga phutna ema aumpoi’, tin state athahbeh khat semdohna dinga phutna um em tia thudoh chunga Singh in donbutna aneiye.

Telangana, Andhra Pradesh akon achombeh a umding tivang thumna aum in, hiche hi Committee ho vetsui dingin pedohna akinai tai tin aseibe kit e. ‘Hiche thu ahi Supreme Court (Justice B.N Srikrishna) judege lui pa
lamkaina committee ho vetsui ding in pedohna akinei tai,’ tin Prime Minister pa in aseiye.

Dantewada a kitha najeh a Maoist 6 kiman
Dantewada : Lolhing tah a operation kibol nakhat ah, Chhattisgarth Police hon mi 6 aman doh un ahi. Amaho lah a hin self-style Naxal Commander Barsa Lakhma iti pajong apangin ahi. Amahi lhamasa a security personnel T6 kikap lihna achun apangin ahi.

Hiche Maoist galguh bol thingnoimi 6 hohi lhatun (Apr) nisim 6 a CRPF personnel 75 le state police constable khat that holahachun hatah in panmun ananei uvin ahi. Hiche a security personnel hochunga kibulu na hi postindependence era sunga dinga alenpen khat ahin ahi.

Hiche galguh bol thingnoimi hon interrogation pet a official ho koma asei nauva chun, 62nd CRPF Battalion Deputy Commandant kithatpa wireless set amansah jou uva kipatchun CRPF personnel hochu akijahto mat lou jeh uvin aboi gam un suh nading bol ding helouvin aum un akap anom lheh ahilouleh abei lheh in ahi. Vatot toulai kikap abange tin asei uvin ahi.

Lokhma, self-style commander pan official kom a aseina ah, amaho thingnoi miho hin para-militaryforce personnel ho chaloh le leh athil bol athgon houhi wireless set mangcha a kahet doh jiu ahi tin, asei peh in ahi.

Lakhma panglou a akiman adangho chu ahileh, Oyam Hidman, Podiyami, Kawasi Budra, Oya Ganga leh Dura Joga ahiuvin ahi. Amaho hi Tarmetla apat km 5 a um Minapa khoa pat kiman ahi tin, SP pachun asei in ahi.


Khantouna dinga Fund alamlou tah in akimang jie :PM
New Delhi : Development programmes le schemes ijat ham khat a dinga fund um hohi akijang chavei e chuleh
hiche thuhi adih mong e tin, Prime Minister Manmohan Singh in sempatni chun anasei in ahi. Chuleh government in hiche chungchanga tu hi suhdih le semphat nadingin hatah in natohna akinei in ahi tin asei in
ahi.

‘Programme le Scheme fund a hin “Leakage” aum in ahi. Hiche hi lepthei jong ahipoi. Ahin government in
hatah in hiche chungthu a hin kholchilna akinei in ahi’ tin, Singh chun reporter ho koma anasei in ahi.