Imphal, Lhaphul 9 : Jan hi nilhah lam chun Nagaland state sunga Manipur truck thilpo khat melhet lou thal choi hon ana hal lha kit un ahi. Thulhut kimu dung juiya truck chu No. MN04 -1440 ahin lah ding beihel in akalha tai. Hinla Koima akitongkha vang aumpoi. Tuhin hiche truck thilpo gari chu Kohima police station muna aum in ahi. Hetding khat chu achesa Lhaphul 3 nichun jan 11:30 PM vel in Khuzama Police Station akon 4 km a gamla Khuzama leh Soma kikah a NSCN-IM general secretary Th. Muivah Somdal kho Ukhrul district vil ding
Manipur sorkar in aphal lou jeh in melhetlou thal choi hon thilpo truck 7 jen meiya ana hallha uvin ahi. Chuleh thilsoh chom chom a jan hi jan chun security forces umna khat leh SDO office ni meiyin
akihal lha kit in ahi. Thulhut kimu ding juiyin security forces ho umna mun chu T.Khulen ahin asunga thil um jouse meiyin akalha soh keiyin ahi. Alangkhatna Chingai leh Kamjong a SDO office teni jong miphalou hon meiya ana hal thauvin ahi. Chingai SDO office teni jong miphalou hon meiya anahal lhauvin ahi. Chingai SDO office chu jan hi jan pung 11:00 pm vel a kihal ahin Kamjong SDO office chun jinglam 1:00am vel a kihal ahi. Chuban
in Tadubi SDO office panna in sorkar offices tampi akihal lha in ahi.
Nagaland a Manipur truck 1 kihal kit
