Dimapur, Lhaphul 14: Naga thinglhang mite laha Milham lom tia kiminvo the Coordination Committee
of the Naga Civil Society Organizations (CCNCSO) hon Gansemni chun Manipur sorkar in aganna thei
channa Manipur thinglhang gam jouse a Manipur police commando leh Manipur IRB akoi jouse ladoh
dingin temna leh ngehna anabol uvin ahi. Chuleh CCNCSO injong Naga thinglhang mite jouse akimo
tounau suhnoh phahlou ding in ngehna ana nei pai uvin ahi.



Hiche Lom hin nasatahin tuchunga Nationalist Socialist Council of Nagalim (NSCN-IM) thuchingpu
Thuigaleng Muivah apenna mun Somdal kho Manipur sorkarin alut sahlou phamo asah ujong aphong
pai uvin ahi. Gansemni nikhoa chu Kohima, Nagalang Khopia chun hiche lomía jao jousen houlimna
leh thukilolna phasabep ananei uvin ahi. Tunung tuma Manipur gamsunga boina aso pou pouleh leh
Naga hohi koima chan ataimo lou diu ahi. Ajeh chu, Naga hon chamna leh lungmonna Manipur gamsunga
aum natheina dia pan analah nau vahin, koima chan anah sahlou uh ahitai tin akilol lha uve.

Naga te Milhamlom, Coordination Committee of the Naga Civil Society Organizations (CCNCSO) a jao hochu ahileh ; Naga Hoho, Naga Mothers’ Association (NMA), Naga Peoples’ Movement for Human Rights (NPMHR), Naga Students, Federation (NSF), United Naga Council (UNC), Naga Women Union Manipur (NMUM), All Naga Students’ Association Manipur (ANSAM) chuleh Tenyimia Women Organization ho ahiuve.

CCNCSO injong Lhaphul nisim 13 nia Manipur thusoh thua giltah’a  Gauhati muna houlimna neipi ding tia All Manipur United Clubs Organisation (AMUCO) leh United Committee, Manipur (UCM) in ana tepnao a
hiche Manipur a hetthei dol Milhamlom teni hin amolso sahlou uhi nasatahin oimona achan uvin ahi.
CCNCSO in AMUCO leh UCM in hiche kihoulimna a apan theilou nao ajeh apeh uhi, mipilhing lunggel ahipoi tinjong themmo achan uvin ahi.

Naga hon longdamsa ni (2) puldou puma, Manipur phatna ding ahileh tia milham leh milham kaha kihoumat
aphai tia lunglen kipuíah ahin hahsatna neocha jeha AMUCO leh UCM in CCNCSO tepna akhohsah louhi khonung a dia thipha ahi poi tinjong thuphon na ana boluvin ahi.