Aizawl, Lhaphul 22 : Manipur a economic blockade jeh a thao tui ahasat jeh in Mizoram akon phabep akipolut in ahileh tun Mizoram a jong thaotui anengsel thei tapoi. Hijeh chun Mizoram Food, Civil supplies leh consumer affairs department in diesel leh petrol thao tui ho bitep neiya hoptho din thupeh aneitai. Thao khuhjouse a gari queue a kigol a saotah tah aum in ahi ajeh chu Manipur a thaotui tampi akipoh doh jeh ahi akiti e.
Alangkhatna Guwahati akon thao po train jong Ramnagar ahung lhung thei poi tin official thulhut chun aseiye. Mizoram-Assam gamgi Vairengte muna oil depot a jong thao aum tapoi. Hiche jeh chun oposition Mizo National Front (MNF) in sorkar demna aneiyin chuleh agam a mipi ho ngaichat ding gelkhoh louvin Manipur a thao tampi ape doh e atiuvin ahi.
Mizoram sorkar in thao tui bitep neiya hom tading
