London, Lhaphul 18 : Athah beh a kikhol doh khat chun numei tam tah in ahetsa le asei jingu Pasal hon numei sangin jou ahasei jouve, kiti hi adih e tin namdet na anei in ahi. Athah beh a kikhol doh chun ahet sah dungjui in, angaina le alhangpin pasal hon ni khat sunghin jou hi 3 vei asei un ahi. Hichu kumkhat dinga ihin gop le 1,092 jou asei doh un ahi.
Alang khat a numei ho a hi ivet leh kum khat in 728 vei asei doh un ahi. Hiche hin avet sah chu ahileh amaho hin nikhat le 2 vei express thulhut chun asei in ahi. Hiche study, researcher hon Science Museum London a commission abol nauva amudoh nau vachun numei hohin 82 percent tobang hin kalunggel un jou kaseiding hi
kagel ji uve atiuvin, ahin pasal ho 70 percent hin jou kasei uve tin asei doh un ahi. ‘Mihem khat ihi jeh in ihinkho a jousei louding ti hi thil hahsa tah khat ahi. Dal doh jou ahipoi, ahin social interaction tang ding hinvang thil poimo tah khat ahi’ tin museum associate medical curator Katie Maggs in asei in ahi. ìPasal hon jou ahasei joh uhi eiho hina mong gene a um ham ahilouleh iki khoukhah dan u ahoi lou jeh ham’ tin aseibe in ahi. Top 10 jou pasal hon ajiteu kom as asei hou chu ahileh, ‘ka signal a umpoi’, ‘Kahung kipat doh tai’, ‘traffic lah a ka ohden e’ ‘Kaboival in na call chu kana laman poi’, ‘Nahoi jep na jong diu tai’, ‘Heche hi ahi kanadei tah mong mong chu’ tiho thucheng hohi ahi.
Mi jousen ahe e : Pasal hi numei sangin ajou joi
