Senapati, Lhaphul 9 (NNN) : Naga peolesí Movement for Human Rights (NPMHR) in masang jep a security forces hon Mao Gate a simlai mi 2 atha na chunga Imphal le akim vela um human rights organnisations hon demna aneilou jeh in phamo asah lheh jengun ahi. Phaicham a human rights kiloikhomna chom chom hon sepai thahatna chuleh dan dihlou tah a kithakhom na chom chom hon sepai thahatna chuleh dan dihlou tah a kithana leh human rights tongkha a thil kibol ho nasatah a deilou jeh a aphat set leh campaign
bol hon iti dan a Naga milham kitha nachunga thu changkhat jeng jong aphoh keh lou ham tin NPMHR in alungnop lou nathu aphongin ahi.

Hiche chung chonna kidang tah khat chu human rights organisations ho hin Manipur sorkar policy ho atosot in Naga mite tampi hinkho amangin chuleh akisulem jong tampi aum tai tin Naga rights group hohin aseiye. NPMHR in thuso miho henga langnei-sihnei na umlouva thu ho aso jing diuvin jong temna anei un ahi. Ajeh chu achesa ni phabep sunga private media chuleh national media ho vetsahna in All India Radio ho in thuso dihlou tah tah in aso uve tin Naga rights group hon alungnop lounau aphongun ahi. Chule vetsahna in thuso phabep a Mao a in phabep aning akah aphet un thiltampi akisuse e atiuvin hinla hitobanga chonval ho chu IRB leh commandos ho ahiuve tin asei pouve. Thuso bolna a akhoh pen tah chu langneina umlou thu adih tah so ding chu ahipen in hijeh a chu thuso miho natoh nauva dihtah in pangun tin avel in temna anei un ahi.

Mao Gate a um IRB ho leh Commandos hon hitobanga thil le lo, asuhset uva chuleh thil achom hou hi sepai hina a chondan neilou ahiuve tinNPMHRhon aseiye. Chuleh amit tah a muho seidung juiyin IRB leh commandos personnel hon koima umlouna in ho akhen hong uvin asunga alut un, thil le lo asuse un chuleh apha dom dom akilah uve atiuve. Mithat a pang IRB leh Manipur police commandos ho hitia acha kit nadiu lampi aumpoi tin aseibe un ahi. Naga rights group in aseina a hitobang a Naga nam sukeh kigo ho akon a kichih thei din Naga jouse thumop aneiyin ahi. Chuleh Naga kipum khom nadinga ami jousen pan alah dingin jong NPMHR in temna aneiyin ahi. Chuto lhon in Naga Peoples Movement for Human Rights in achesa Lhaphul 6, 2010 nia Mao Gate a Manipur Indian Reserved Battalion leh Manipur Police Commandos hon atha Chakha Neli leh Loshou Daikho insung mite henga alunghiem pinau thu aphongun ahi. Athi teni chu jabolna leh ngailut salam kabol un chuleh nampi a ding pasal hangsan ahilhon e tin NPMHR in aphongdoh uve.

Chuban leh meichang lah a Naga ten chamna aum nadinga hangsan tah a pang numei ho chunga akipanau ahin phongun ahi. Th.Muivah in apenna gam Somdal, Ukhrul district avil thei nadingin Maniur Cabinet in thulhuh anei chu apet pet in ladoh hen chuleh Muivah hung ding jeh a security forces tampi akoi ladoh hen tin NPMHR in avel in ngehna aneiyin ahi. Mipi kichat naho leh boina dang dang jeh in boina kichai thei ponte hinla chamna le vebitna hi amite lungtup chu jabolna akipeh teng le bou umthei ahi tin rights group chun aseiyin ahi.