Imphal, Lhaphul 15 : Tuni chun Human Rights Law network (HRLN) Manipur in achesa Lhaphul
6 nia Nagaland-Manipur gamgi Mao Gate muna security forces hon khangdong mi 2 atha chu nasatah in demna ahin nei un ahi. Manipur a HRLN director M Rakesh in aseina a police ho leh security
forces hon thal akap a Naga khangthah mi 2 athi chu dan toh kitoh lou chuleh bol lou ding khat kibol ahi tin adem in ahi. Chuleh manchah choi lou Naga kiphin ho chunga police leh security forces hon thal akap chu HRLN in phamo asahna thu aphongin ahi.
Het ding khat chu Lhaphul 6 nia Mao Gate a Th. Muivah Manipur hung kholjin ding deisah ho leh Manipur
security forces ho kiboina jeh a kalinamai kho akon Rhakho leh Loshou hi ana kithat a chuleh adang mi 80
val anakitongkha in ahi.
Hiche thilsoh chung chang thua Manipur sorkar in Magisterial inquiry bol din thupeh aneiyin ahi. Athi teni ex-gratia jong apeh ding chuleh akisukha ho jong sum a kithopina apeh ding ahi.
Mao Gate a Security forces ho chaloh HRLN in demna nei
