Aizawl, Lhaphul 14 (NNN) : Themjilna lama khantou na dingin Mizoram sorkar in hatah in pan ala uvin ahi chuleh amaho hin tu tua no. 1 Kerela gam hi khokhel ding tihi akinep nau jong chu ana hin ahi. Aman ni
hi margin themkhat chaa bou kikhe lhon ahi.
Mizoram Adult Education Officers’ Association (MAEOA) official hon Newmai News Network (NNN)
koma aseina a state’s education department noiya Adult Education Wing
(pilhing ho themjilna) hon Kerela ho
kokhel nading in pan hatah in akila e atiuvin ahi. Tunin Mizoram Adult Education Officers’ Association (MAEOA) official hon asei khat uchu ‘Keihon kakinep nau le kagel u chu census 2011 ahung kichai tengle
India gama Themjilna lama asang pen chu Kerela hilouva Mizoram joh hung hi ding chu ahi.
Hiche jeh achu state’s education department noiya Adult Education Wing in ahithei nachan a pan kila
ding ahi’ atiuvin ahi. Themjilna apoimo dan akihet doh totoh in Mizoramin sorkar natong, school
jilkung, NGOs leh Houthu lam ho hung kithokhom a hitobang pan ahin lah uva chuteng Mizoram hi themjil
na lama India a dinga asang pen hung hi doh ding ahi, tin MAEOA thuso chun aseiye.
Hiche hotoh kisai in Adult Education Officers’ Association (MAEOA) hon tu lha (Lhaphul) sunga
Aizawl, Lunglei, Champhai chuleh Mamit district hop sung kho 20 val tobanga hetsah naleh phongjal na
anei ding u ahi.
Tu tua hi Mizoram in central university campus khat Thanril a akoi in ahi. Chuleh polytechnics 2 jong
aneiuvn ahi, a khat na chu Aizawl a aum in ani na chu Lunglei, state sunga dinga mi kitit namun Myanmar
tohki gamgi lhon ahi. Mizoram sorkar in aban a NIT, IIM leh medical college Aizawl khopi a koi
dingin jongtohgon anei uvin ahi.
Themjilna lama Mizoram in Kerala khel ta ding
