Thupi: Suhdih dia ngehna
Pu. Editor, Nitin Gosem Thusuo
Achesa April 29, 2010 nikho a phengmai 3 a Kuki Senior Citizens’ Welfare Forum, Manipur min a ‘Sadiya
(Assam) a Kakholjinna Thulhut (Report)î kiti thupi noiya Pahend Hangshing Gen.Secy. KSCWFM in ahinso
na ah alhinglou akimudoh jeh in suhbulhit diín kahin ngeh e.
Hichu Taungyi Songkul a um ho min asutna a chun Pu Nohjang (Kipgen) Saisem Haosapu ajaosah po’n ahi.
Amahi asongkul chenkhompi ho jouse ahung kilhadoh jounung a jong gallamkai ahi jeh a lha khat le akeh ahin
henbe nalaiyu ahi.
Pu Nohjang Songkul lutlaiya anathusei ho tu geiyin Burma lam a Thadou Kuki ho lah a seichah in aum in, mijouse tobang in aheín ahi. Hiho lah a khat chu ìNohjang mayah buî (Nohjang anompoi) ti hi ahi. Taungyi chu Shan State capital ahin, gamdap ahijeh a Shan nungah ho’n ‘Taungyi san dalar?î (Taungyi dap em?) tia adoh leh Burma pao helou ngen seng ahijeh uva chu, aumkhompi hoín, Pu Nohjang donbut loiyo atiphat uva, ‘Kilu hite ati hiveh ta, Nohjang mayah bu titang’ atileh aloihoín jong amasei bang a chu ‘Nohjang mayah bu’ tia Shan nungah ho chu adonbut u ahi. ‘Ipiti thukhuol a aneiya hiche jengjong akhuoldoh lou ahidem?’ ti kagel leh kalung adong lheh e. Ahitheiya leh nangma in jong suhbulhit di ngaito in lang, ahilou leh Pu Pahend hi keima to jong neikihetto sah in tia kahung tao ahi.
Kakipah e, Gosem lolhing jing tahen.
Keima, Luntinsat,
Gen.Secy. KSDF. New Delhi.
Letter to the Editor
