Amasan nam mipi te jouse jana salam Organisation thalheng in kahin bole. Achesa Date 4/5/10 nikho in KNF in Tactical Headquarter mun ah ahung lhung ding MDC Election thu Cabinet in setkhom na akinei in Election polling day a boina umkhah ding venna leh mipin right dungjuiya ama ama vote cheh akheh thei ding gel khoh na jal in Organisation in Koima support turn um louvin mipin free vote peace tah a alhah thei ding in cabinet in phatsah ahi, Chuleh KNF in cham leh lungmong a gamsung mipite aumding hi tup thupipen ahi. Achesa kum
ijat ham khat sung in mipin adei tah a vote lha theilou in ana um in,ahin tuchung vang peace tah a ache lhah na thei ding in toh khompi Organisation chomchom hon jong lungset tah a Boina pumpel thei nading in Pathen min in kahin tem uve, chuleh MDC phat sottah ana umlou nung in tun ahung um thei tan adeh a eiho thinglhang mite ding a khantou na leh machalna hisah teitei a hiche election jeh a kinah/kibou/kimelma soh sah lou ding in avel in kahin tern kit e. Chuleh koi organisation hijongleh iumna (i,e) Jurisdiction/Operation area kijapi (Respect) to cheh ding in kahin tem kit e, Chuleh thil neocha boina(i,e Jukham/Loukham) jeh a kiboina ho nam thil a lalou va case individual a chai thei chan chaijo ding in avel in iki tiem kit uve.

Chuleh KNF in akidei/akichepi chu enjong mi Operation area khoi lou ding min jong ei area  toh khah dahen chuleh koi tobang Voter I-Card nei louva vote khe thei lou ding One man one vote ho hung kiche pi ding, Hiche tepna leh hetsah na jalou boina sem aum leh koiman Organisation themmo achan thei lou ding ahi.Hiche tepna leh hetsah na hi kija pi to cheh ding in avel in kahin tem kite.

NB. HETTHEI KHAT CHU
Kumdang phatchesa sungin Election hi mipi adia phatchomna umlou in lungkham lungdon tijat leh a vote chung a thaneina a neipouvin,Tun namsepai jouse jong Govt. of India noi a Ministry of Home Afiairs (MHA) leh state toh SoO (Suspension of Operation) ahung um tan mipite kinepna hi cham tah leh lungmong tah a aright uh ajah thei diu hi mipi te kinepna ahi. Hijeh chun gam le nam ngailu a natong ihiu leh hiche mipi kinep nahi agui lhun lou leh sapsetna leh paap kipothei ahi ti hi gel doh cheh ding in iki tem kit uve. Chuleh candidate hung kigong hohi atup u chu ipi ham tin kidong leh? Gamsung namsung semtup khantou nading kadeije ati diu ahi. Gamle nam ngailu ihiu leh lhangsung gamsung mipi voice jong ngailhah/nga jep a pha hilou ham? Sum le pai nei/Mihousa akho aveng a cheng nom lou gamsung mipi het khah mukhah jong hilou Organisation leader khat lakhs ijat ham khat peh a namthu (Force) a kaiding gong tamtah aum in hiche hi namsung natna khat ahi. Sum le pai nahao man a force a lhendoh nahi khah tah leh mipi lung oilouna leh Pathen lunglhai louna nalampi chu Nalhung jou nadem? Hijeh chun tohkhompi Organisation chom chom a lamkai luboh hon gam leh nam i ngailut uva nam sepai lamkai ihiu leh chom khat hainem a thah gel kit a decision lah a pha hilou ham? Mipi leh Pathen alung oilou teng i lamkai hina jong apanna aumpoi ti geldoh jing uh te.

Kakipahe.

Natoh khompiu
(ISAAC HAOKIP)
Secy. MIPR KNF(S)